1
मत्ती 19:26
गददी
यीशुऐ तंयारी कनारी हेरी करी बल्लू, “मणु थऊँ ता ऐह ना भूच्ची सकदा, पर प्रमात्मैं थऊँ सब कुछ भूच्ची सकदा।”
አወዳድር
{{ጥቅስ}} ያስሱ
2
मत्ती 19:6
“अतै अबै सो दोई ना, पर अक्क तन हिन। ठेरैतांये जैसिओ प्रमात्मैं जोडुरा, तियां जो मणु अलग ना करन।”
3
मत्ती 19:4-5
तिनी जवाव दिता, “कै तुहै पवित्रग्रन्था मन्ज ना पढुरा कि जिनी तियां जो बणाऊरा, तिनी शुरू थऊँ मर्द अतै जनानी करी कै बणाऊरा,” अतै बलुरा कि : ऐसा वजह थऊँ मणु अपणै माता पिता थऊँ अलग भूच्ची करी अपणी घरावाळी सोगी रैहणा अतै सो अक्क तन भूणै?
4
मत्ती 19:14
यीशुऐ बल्लू, “बच्चेओ मिन्जो बलै ईणा देय्आ, अतै ईयां जो ना मत करा क्ओकि जैड़ै बच्चै सांईयै नम्र अतै भोळै हिन इन्नै मणु ही स्वर्गीय राज्य मन्ज प्रवेश करना।”
5
मत्ती 19:30
पर मतै सारै हिन जैड़ै अगो हिन सो पिचो करनै; अतै जैड़ै पिचो हिन सो अगो करनै।”
6
मत्ती 19:29
अतै जिनी कसकिऐ घरा जो, या भाई जो, या बैहणी जो, या माता पिता जो, या बाल-बच्चै जो या बगड़ी जो मेरै नां तांयें छड़ी दितुरा हा, तियां जो सौ गुणा मुळना, अतै तियां प्रमात्मैं सोगी अनन्त जिन्दगी तक रैहणा।
7
मत्ती 19:21
यीशुऐ तैस सोगी बल्लू, “अगर तू सिद्ध भूणा चाहन्दा हा ता गा, अपणा सब कुछ बेचीकरी कंगाला जो दी दे, ता तिजो स्वर्गा मन्ज धन मुळना; अतै ईच्ची करी मेरै पिचो चलना लगी पै।”
8
मत्ती 19:17
तिनी तैस सोगी बल्लू, “तू मिन्जो उत्तम कजो बल्लू करदा? प्रमात्मैं रै सिवाये कोई भी उत्तम निय्आ, पर अगर तू जिन्दगी पाणा चाहन्दा ता, ता आज्ञा जो मनु कर।”
9
मत्ती 19:24
तूसु सोगी फिरी बलदा प्रमात्मैं रै राज्य मन्ज अमीर रै प्रवेश करनै थऊँ ऊँटा रा सुई रै भोका मितै नकैई गाणा आसान हा।”
10
मत्ती 19:9
पर अऊँ तूसु सोगी बलदा कि जैडा कोई अपणी घरावाळी जो व्यभिचार रै अलावा कसकि होरी वजह थऊँ छड़ी देय्आ, ता सो तैहा थऊँ व्यभिचार करवान्दा; अतै जैडा कोई तैहा तलाकशुदा सितै बैह करदा, सो व्यभिचार करदा।”
11
मत्ती 19:23
ता यीशुऐ अपणै चेलै सोगी बल्लू, “अऊँ तूसु सोगी सच बलदा कि अमीर रा स्वर्गा रै राज्य मन्ज प्रवेश करना मुसकल हा।
Home
Bible
Plans
Videos