ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

“Yama kuyeŋ koŋ, awa bena bathalɛŋ beŋ. Wɔ yo wɔ wo key ka kɔtɔkɔy ba kahita kiyaŋ, awa e yaŋ kahita kɛnama, wɔ bɛina kɔŋ tiŋ mutiŋ mubɔyɛ. Beŋ sa punku niya bɛy yo bɛy mahɛŋ ma kiyaŋ.

Kaaŋ ka kɔtɔkɔy ka kahita kiyaŋ haŋ, awa yaŋ kɔŋ key ka kɔtɔkɔy ba kahita kendeŋ. Bathala woŋ sa punku tima ka yɛthɛ nama; naa yi kute ndɛ si tiŋ yɔkɔŋ ndɛ kahite ka kuyeŋ koŋ. Nɛna hɛlɛŋ beŋ, beŋ sa punku sisa mutiŋ yɔkɔŋ beŋ kahite kiyaŋ.

Kɛrɛ mɛnɛ beŋ key ka kɔtɔkɔy ba kahita kiyaŋ, awa e thampa niŋ thaŋ kaa ka kɔtɔkɔy ba kahita kendeŋ, thɔnthiŋinaŋ ba bɛy yo bɛy ba thimo beŋ, awa beŋ kɔŋ bɛŋ niyiya.

Beŋ kutɛ yɛthɛ yama yo; yama yɛthɛ bena thɔɔkɔ e yaŋ bena ŋinda ba beŋ kaa e beŋ ka tima mutiŋ mubɔyɛ mu niyɔ ba wunambɛ. Wuna Fandaŋ woŋ bena dunkune ntha yo ntha ki beŋ thɔnthɔŋɔŋ naa beŋ hiŋ keŋ kukiyaŋ koŋ.

Mathimo yo ka nda ma wɔmɛti tɔŋɔŋ ba ntɔ nama daŋandeŋ ndɛ ba dunkuna sii nama baŋ ba binyathikiŋ nama beŋ.

Ndɛ kɔŋ thalanki bathala yo bathala wo thahi kiyaŋ wo sa tiŋ. Awa ndɛ kɔŋ thɛmɛni kufɛŋ ndo kufɛŋ kunɛnɔy ku ka bathala yo bathala wo tiŋ, wuna ndɛ niyɔ natharaŋ e ndɛ punka tima mutiŋ mubɔyɛ-bɔyɛ.

Yamari niŋ woŋ ndɛ na woŋ baŋ: Thimiyandeŋ nɔŋ na thimo nthɔŋ yaŋ bena na.

Mutiŋ mubɔyɛ mu beŋ tiŋ muŋ mu kɔŋ ni ba Fandaŋ wuŋ kuta yiki; awa ka gboŋa baŋ baŋ na hɛlɛŋ wuŋ kothiyo ba dɔma na beŋ niyɔy bakarandeni bikiyaŋ.

Yisɔs key ka kɔtɔkɔy ba tɛpa, na “Yama kuyeŋ kugbeeŋ ku tiŋ mutiŋ muyɔhɔy muŋ, awa Fandaŋ woŋ na bathuu woŋ.

Wɔ wo sa key ka kɔtɔkɔy ba kahita kiyaŋ, ndɛ kɔŋ kathiŋa kiyaŋ nɔŋ na nthɔŋ bathala woŋ thoŋa na e ndɛ thitha; bathalɛŋ beŋ beŋ baŋ si thinkuwo fooma e bindɛ thiyo ka buu, ka bindɛ tooke ka.

“Bɛyiniŋ baŋ baŋ fooma bɛna thanki yaŋ bena tepe haliko mayehitɔkɔ niŋ maŋ ma be niyɔ iŋ beŋ, awa wuna beŋ yehitɔkɔ wumandiŋ.

Mɛnɛ beŋ putiyɔy yamariŋ niŋ beŋ, yaŋ kɔŋ key ka kɔtɔkɔy ba bena thimo, nɔŋ na putiyɔy nthɔŋ yaŋ yamariŋ bi ka Fandaŋ beŋ na e ndɛ kaa ka kɔtɔkɔy ka thimo yama.

Haŋ haŋ baŋ huna yaŋ bena ni yamari: Thimiyandeŋ.

Mɛnɛ beŋ kiŋ nde biya bi ba kafay woŋ, biyamɛti bi kafay woŋ bi kɔŋ nde bena thimo nɔŋ biya bikɛnamɛŋ. Kɛrɛ yaŋ thanki bena yɛtha maŋaye ka faido, awa beŋ ka nda ba kafay woŋ; wuna biyɛ biya bi ka faido beŋ bi kɔŋ bena thambo.