ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Kutani tiyanghena ndlwini, tikuma xihlangi ni mamana wa xona Mariya; kolaho tikhinsama, tixigandzela; kutani titlhantlha mindzhwalu ya tona, tixihumesela tinyiko ta golidi, ni b'aso, ni mafurha ya mira.

Kuteloko Yesu avelekiwile Betlelehema wa Yudeya, nkarhini wa kufuma ka hosi Heroda, tintlhari ta le vuxeni tifika Yerusalema tiku: “Yi kwihi Hosi ya Vayuda leyivelekiweke xana? Hikuva hivonile nyeleti ya yona le vuxeni, kutani hitile kutayigandzela.”

Loko tivona nyeleti, titsaka hi kutsaka lokukulu ngopfu.

Kuteloko titivisiwile anorhweni lesvaku tingahahundzi hi le ka Heroda, titlhelela ka le kwavu hi ndlela yin'wana. Kuteloko tintlhari titlhelele ka le kwavu, ntsumi ya Hosi yihumelela ka Yosefa norhweni, yiku: “Pfuka uteka xihlangi ni mamana wa xona, ubaleka uya Gibita uyatshama kona nikondza nikubzela; hikuva Heroda atalava xihlangi lesvaku axidlaya.”