ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ke Yezu kubambila ne: — Meme ndi diampa dia muoyi. Muntu udi ulua kundi kakufua nzala to. Udi ungitaba kakufua nyota nansha.

Mueyelu wa Tshijila ke udi ufila muoyi. Muntu nkayende kena ne tshidiye mua kuenza nansha. Miaku imvua munuambile idi Mueyelu ne muoyi.

Kanukuatshi mudimu bua biakudia bidi binyanguka. Kadi nuenze mudimu bua biakudia bidi bishala, bifikisha bantu ku muoyi wa kashidi. Muana wa muntu neanupe biakudia abi, bualu Mvidi Mukulu Tatu mmumutue tshitampi tshia bumfumu buende.

Eyowa, tshidi Tatu wanyi musue ntshiotshi etshi: bua bonsu badi bamona Muana, bamuitaba, bapete muoyi wa tshiendelele, kabidi bua mbabishe ku lufu, bapete muoyi dituku dia nshikidilu.

Yezu kubandamuna ne: — Bualu budi Mvidi Mukulu utekemena kunudi, mbua nuenu kuitaba udiye mutume.

Muntu yonsu wa ku badi Tatu umpesha neafike kundi. Yonsu udi ufika kundi, tshiakumuipata to.

Simone Petro kumuandamuna ne: — Mfumu, netuye kudi nganyi? Wewe ke udi ne miaku idi ifila muoyi wa tshiendelele.

Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Muntu kena mua kufika kundi padi Tatu uvua muntume kayi mumufikishe kundi. Meme nemmubishe ku lufu dituku dia nshikidilu.

Bualu diampa didi Mvidi Mukulu ufila, ke didi difuma mu diulu, dipetesha bantu muoyi.

Meme ndi diampa dia muoyi.

Yezu kuangata mampa. Mumane kuela Mvidi Mukulu tuasakidila, kuabanyinaye bavua basombe panshi abu. Kubapeshaye kabidi mishipa, bungi buvuabu basue. Bonsu bamane kudia kuukuta, Yezu kuambila balongi bende ne: — Sangishayi bipese bionsu bidi bishala, tshipese nansha tshimue katshijiminyi.

Balongi bavua bamane kuita buatu mutantshi wa kilometre itanu nansha isambombu. Kumonabu Yezu wenda pa mayi, usemena ku buatu. Buowa kubakuata. Kadi Yezu kubambila ne: — Kanutshinyi, mmeme!