ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Kai Iạ e kalun anggorẹ̌ e, kụ i kamene e manga lelange. I sain kạtatanạ sěmbaụ dingang-Ku e, kụ Iạ dingangi sie, ute mẹ̌bua mal᷊awọ; kereu tawẹ Iạ e ute i kamene tawe makakoạ manga apa.

Kụ hanesẹ̌be kạsasěmbaụ dingang-Ku e kụ Iạ e hanesẹ̌ masěmbaụ dingangi kamene. Lelange sẹ̌sane tawe mẹ̌bua kereu tawe mạdarěkạ su kalune. Kerene lai i kamene tumbạeng mẹ̌bua kereu tatapẹ̌be dingang-Ku.

Kereu i kamene kạtatanạ sěmbaụ dingang-Ku, mase wawera-Ku e mạtatanạbe su ral᷊ungu naung i kamene, pẹ̌gause si Amang walạewe apa ghausang i kamene mang gělirang.

Bal᷊inewe i kamene namile si Siạ. Kai Iạ e namile si kamene, ringangu něndolohʼi kamene apědẹ̌daral᷊eng kụ apěbẹ̌bua mal᷊awọ kụ buạen ta mawawinasa. Tangu i Amang e sarung mangonggọu kěbị apan dorongang i kamene si Sie su ral᷊ungu areng-Ku.

I sain něngalembon kakěndage su manga hapịe ute kai taumata kụ manarakangu pẹ̌bawiahe waugʼi sire.

Apan lelange si Siạ ta mẹ̌bawua, těntoěngʼE, ringangu apan lelange měbẹ̌bua e, tẹ̌tal᷊uahengʼE tadeạu sauneng mahuntinamba wuane.

Kai ini tita-Ku e: Pẹ̌kakakěndagẹ̌ko sěmbaụ su wal᷊ine, kerẹewe Iạ kụkěndagi kamene.

Kereu i kamene měmpẹ̌bua mal᷊awọ, i Amang-Ku e iapakawantugẹ̌, dingangu ual᷊ingu ene i kamene mambeng kahěngang makoạ muritẹ̌-Ku.

Angkuěng u Mawu Yesus kapia, ”Iạ e puěngu anggorẹ̌ tutune, kụ i Amang-Ku e mẹ̌sasuange.

I sain tawe matanạ mạsasěmbaụ dingang-Ku, sarung irěmmẹ kere lelange, kụ i sie mahẹ̌gu. Apan lelange kerene ute tampungang i ěndụ su putung mase tutungang.

Kěbị ini e Takụ ilẹ̌habarẹ̌ si kamene, tadeạu ral᷊uasẹ̌-Ku e ene su ral᷊ungu naung i kamene, ringangu ral᷊uasu e matinalung.

Kereu i kamene mẹ̌děndal᷊engben kal᷊awọu manga tita-Ku e, ute i kamene tatapẹ̌be satia su kakěndagẹ̌-Ku, kerẹewe Iạ tatapẹ̌ satia su kakěndagi Amang batụu mẹ̌děndal᷊engben kal᷊awọu titanʼE.

Kụ kai ini tita-Ku si kamene: Pěmpẹ̌kakěndagẹ̌ sěmbaụ su wal᷊ine.”

Kereu i kamene kawe tataghuaneng u dunia e ute i kamene ikẹ̌kěndagẹ̌ben dunia e kere tataghuanenge, Kai Iạ e seng namile si kamene wọu dunia ini, kụ i kamene e wal᷊inewe lai tataghuanengu dunia. Kai ene hakịu dunia e měbẹ̌binsị i kamene.