ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Sarewo Yefun Yesus ki do, ”Mo Yefun Allah bi sukdu, ye krom do: Men yetu git sugit sor, bere men yo kem ndo nde, wo men grem Yefun Allah bi sukdu mwa ne sino kem pe mo men mit, sane sa, bere men kem ndo.”

Yefun Yesus ki do, ”Biris bi yekwesu, nan mu kadit Ji tom, we mo Yefun Allah bi sukdu, ye krom o do, ’Men bes men bi Yekwesu Yefun Allah ne gum kok et, men ben An bi suk-i sor.’ ”

Yefun Yesus ki do, ”Mo Yefun Allah bi sukdu, ye krom o do, ’Men werwa men bi Yekwesu Yefun Allah kadum An bi suktinggi daret nde.’ ”

Yohanes ras Yefun Yesus mo syur, orete Yefun Allah Gen gwat Yefun Yesus mu mo pe gato kwe yo kom mo nde, subere mone biris bi yekwesu meret os wa Yefun Yesus subere Yefun Yesus ben suk siri kadit Yefun Allah bi os-i mone. Yefun Yesus yo git sugit mo nde sor kom mo kam musyu at rek, sane Yefun Yesus on de ndo nde.

Yefun Yesus ki nai an we do, ”Nin ka we ma. Nin ka we simo Ji se! Bere Ji duno nin ka we but yetu tepsu nin ka we but boge su mwi ne.” Yefun Yesus ki nai an we or sa, sugane it, an we misyar an we bi mwi kem, orete an we si Yefun Yesus mu sino.

Kadit kam gato Yefun Yesus mu kem mo kota Kapernaum An duno nje mone do, ”Yefun Allah ma jowa nin tepsu nin bi Yekwesu it anare! Sane nin kwet kadit sukibit gato nin ben ne, ete nin jammo Yefun et.”