ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ingkänna indee kutula' asangngingkoa' mating anna malai ullambi'koa' kamasahkeang aka' tohhokoa' yaling di Kalaeku. Yaling inde di lino inang la madahhakoa', ampo' pamatohoia' inahammu aka' kutalo asammi ingkänna ang umpa'bali Puang Alataala yaling inde di lino.”

La sule Inaha Masero anna Dianto ang la mantehtekoa' pano di ingkänna katahpa'ang. Dai la ma'kara-kara yaling mai di pihki'na toboe', ampo' la natula' aka ang puha nahingngi yaho mai di Ambeku. Anna la natula'ingkoa' mating kaha-kaha ang la sule bahtu' ang la dioloi.

Lambi' dinoa dakangkoa' aha malau aka siamo yaling di sangangku. Dahi palauia' anna la untahimboia' anna malai sundung kakahsiammu.”

Setonganna yato ang kuoaingkoa' mating tahpa', aka' kekuna puha nei' mating di dioa' ke maoä'. Aka' ponna ke dä' mao, ya' yato To Pa'kalemu dai la sule yaling di alla'-alla'mua', ampo' ponna ke maoä', ya' la kusuo sule tama di alla'-alla'mua'. La sule Inaha Masero dianto la umpepainsangnging dosanna hupatau anna katahpa'angku, noa toi petahungkunna Puang Alataala.

Noa tungnga' dio dinoa lella' unsa'ding kamasuhsaang, ampo' la kuita boukoa' sumule lambi' la kahsikoa', anna yato kakahsiammu dai aha tau ang la mala manghampa'ikoa'. La donento yatoo, damokoa' la kakutana-tana aka siamo pano di Kodi'. Kutula'ingkoa' setonganna aka siamo ang la umpalau pano di Ambeku yaling di sangangku la nabea asangkoa' mating.

Kutula'ingkoa' setonganna la musengkoa' anna mapi'di' si'da-si'da inahammu, ampo' to lino la kahsi nei'. Pihsananna yato kamasuhsaammu la dibala'i mendahi kakahsiammu.