ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Tà u wɔ̀laa dɛ didiɛ mɔ̀, è kě Jùsu nia Saemɔ̌ Pitɛ̌ wan gbògba Ɔ je, “Saemɔ̌, Jɔ̀ɔ̌nʼɔ jǔ, nòɛɛ kɛɛ̌ mǒ no ɛ̌ sìnʼǒ nè nenawaà mǒe?” È Pitɛ̌ tùa Ɔ kɛ̀ɛn ɔ je, “Uuǔn Koɔn, Nè chɛ̀ ji ɛle Ě noɛɛ neè mǒ no.” È kě Jùsu dɛ̌a ɔ je Ɔ je, “Tù Ně mɔ̀ na nyo jǐ mɔ̀ wòje keà nyu tùii blajlǔ jǐ mɔ̀.” È Jùsu bɔɔ̌a demǒ Ɔ̌ gbàla ɔ wan sɔ̌n nenɛ tà Ɔ je, “Saemɔ̌, Jɔ̀ɔ̌nʼɔ jǔ, sɛjesɛ nòɛɛ kɛɛ̌ mǒ noe?” È Pitɛ̌ tùa Ɔ kɛ̀ɛn ɔ je, “Uuǔn Koɔn, Nè chɛ̀ ji ɛle Ě noɛɛ neè mǒ no.” È kě Jùsu dǎla ɔ je Ɔ je, “Tù Ně mɔ̀ na nyo jǐ mɔ̀ wòje keà nyu tùii blableǎ jǐ mɔ̀.” È klě wěe tan nenɛ wlòmo Jùsu gbàla Pitɛ̌ wan Ɔ je, “Saemɔ̌, Jɔ̀ɔ̌nʼɔ jǔ, noɛɛ kɛɛ̌ mǒ noe?” È wɔle beaě Pitɛ̌ mǒ no. Mɛ̌oǒ joo nɛ̀ moo wěe tan nì Jùsu wɛ̀a Ɔ̌ gbàla ɔ wan bɛ̌ nu bɔ̌ noɛɛa Ɔ mǒ. Ii tè kě Pitɛ̌ nia Ɔ kɛ̀ɛn tùtuɛ ɔ je, “Koɔn, Mò ji noǎ wùɛ měne, jì ɛle ɛ̈ moo Ě noɛɛ neè mǒ no.” È kě Ɔ dǎla ɔ je Ɔ je, “Tù Ně mɔ̀ na nyo jǐ mɔ̀ wòje keà nyu tùii blableǎ jǐ mɔ̀.

Kàan tèà Ě tmɛɛ̌ mò, tǐǒ jleě mòoa nyemò, pèa nè chɛ̀ wlawlě měne, è miaě tàà jlɛ̀ bò mua lěe, kɛɛ bɛ̌ nu bò wɛ̀ le, è pnɛ̀ nè sonwe mǒ, nyu tɔ̀ɔ ɔ̌ pìn i ble ɔ̌ kpɛ mò klě tàà nè jlǎ bò muě.”

È kě Ɔ dɛ̌a u je Ɔ je, “A dǔ tataǒ mǒ, a po ɛ ně mǒ klě blǎgbèǒ ɛɛ dilǎ wakǎ mɔ̀ a mi smì kmema!” Ii tè u nua dɛǒ Ɔ tmɔɔ̌a nuu, è tataǒ ɛ kmea smì fòfoa, u seaě ɛ chlìchlɛ wɔ̀ɔ chɛ̀.

È kě Saemɔ̌ Pitɛ̌ dɛ̌a ɔɔ bǐì je ɔ je, “Ě mi pǎba.” È u tmɔɔ̌a nɔ u je, “Ä miì de nama.” Ii tè uu wùɛ u dǔa jemǒ ǔ beaě blǎgbè chěnchaě wan ǔ muaě ně kɛn ǔ mua pǎba, u pǎla tǒn jlǒ waě gblèe mɔ̀, kɛɛ u sea dɛ jě.