ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Jesús nna ráttebe nuilaha: —Xiꞌini, cumu de güia lelu guadába eyonia lu, nuarca beacalu. Xen su lee beyya nnanna. Chiba bitúa isagüe gueluha latilu.

Lagüi ca benni dia denoha, nía nutsa ttu nuila chi uca tsiꞌinu (12) ida yuꞌuna isagüe rulalna reni. Nuilaha nna chi guatelhabana lo ixe ca nu run ramedi. Iyába nu tee gueni chi bea bennitti lona qui rixan ca nua, ttiaca niba saroꞌo lä rilhida gana gueni, adílaba diana rielhana.

Atti utanana roꞌo xo Jesús, la laniatteba nna udú si nu ritsigana. Lana nna guannittebinna chi bitúa isagüeha latini.

Nianna bedaxxuttebe ná nuilatoha re na: —Talita cumi. (Ca tisa-ni nna diaquinna innácana: Nuilato, lu rulisa, guadha.)

Sna duba Jesús rinnee, attirba chi bisína ttu chupa ca benni daa lheꞌe yoꞌo gue Jairo nu banani yoꞌo atta rudheti ca benni Israel ca tisa gue Tata Do Iyyabaaha, rácana Jairo: —Chi utti xiꞌiniunnáluha. ¡Bitturu utsitsinlu Maestro-na! Ttiaca Jesús tsa läga bedo nague gue ca nua. Nianna ráttebe Jairo: —Bittu gasinlu. Lu nna suntteba güia lelu neti.

Anía rána cumu Jesús re na: —¡Be xxegüi, bería lheꞌe cuerpu gue unbiyuu-na! Jesús unnaba tisattebe be xegüiha re na: —¿Bi lálu? Unnuha nna becabina rána: —Legiónba lá neti, cumu ixe riꞌitu raca.