ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Atti bienin Jesús nu rá ca nua nna ráttebe cana: —Ca benni bittu rani-na, lägabi reasaquinna nuxa unna cana ramedi. Ca nu rani-na liba reasaquinna nu eyonna cana. Neti nna läga daya qui gaxia ca benni runi nu anca tsee. Daba neti qui gaxia ca benni runi nu lä anca tsee.

Atti biláni Jesús gua riaba le ca unnuha guadábe eyonie nua, laniala re nu daa yatti niꞌa nániha: —Xiꞌinto, chiba uxía elha xen lasi gue ca tulha guelha.

Ráguaba Jesús cana: —Sá redí leri-ni, bocaꞌanaba Tata Do Iyyabaaha na lo niꞌa gue ca benni qui edí baacan-na. Läga benie tseꞌe ca benni lo niꞌa gue sá redí leri-ni.

Ttiaca cumu de seꞌexxatta benni nía, nuarca bittu uca isíncana axta atta du Jesús. Laniala nna gopicana güetsaa qui uca udhalicana iqui yoꞌoha lhixxachiga daca atta du Benniha. Lheꞌe belea bedocanaha nna ulhidattebacana nu rani xua lo bretaha.

Quitti uyúle nna neti Benni unbiyuu daa iyyabaaha te elha ra xxen le quia yies lo yu-ni qui dhia elha xen lasi gue ca tulha gue ca benni. Nianna re nu daa yatti niꞌa nániha: —Lu rulisa, guadha nna bodaxxutte breta xualu loen-na, beyyatte lheꞌe yoꞌo gueluha.

¿Bi nua nu sattiru inne ttu benni gana nu daa yatti niꞌa nee-na? ¿Si innána: “Gua teba elha xen lasi gue ca tulha guelha” aca? ¿Si innána: “Guadha nna bodaxxu breta xualu loen-na, udátte” aca?

Nu daa yatti niꞌa nániha nna guadhatteba nua, atti bodaxxuttebana breta uxúana loniha beríana deyyana aníba lo iyárechaba ca benni seꞌe nía. Larcala iyába ca nu seꞌe nía bebanxxattaquinna atti ráttebacana: —¡Benni ra xxeni leni anca Tata Do Iyyabaaha! Itú tturba seꞌeri yies lo yu-ni, niba tsa lati ilenri ttu loesi nu uca-ni.