ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

ଜାଣ୍ଡେ ଅଃନା ନେଙ୍ଗ୍ ଡାଗ୍ରା ପାଙ୍ଗ୍‌ଚେ ନିଜେନେ ଆବା ଇୟାଙ୍ଗ୍ କୁନେଡ଼େ ଉଙ୍ଗ୍‌ଡେ ବୟାଁଣ୍ତେ ଆରି ତନାଣ୍ଡେ ଇଂକେ ଡେକ୍‌ରକମ୍‌ କି ନିଜର୍ ପାରାନ୍‌କେ ଡିଗ୍ ଜାବର୍‌ ବଲ୍‌ ଆବା ଣ୍ଡୁ ତେଲା ମେଁ ନେଙ୍ଗ୍‌ନେ ସିସ୍ ଡିଙ୍ଗ୍‌ଆୟା ଣ୍ତୁ ।

ଜାଣ୍ତେ କି ନେଙ୍ଗ୍‌ନେ କୁରୁସ୍ ଡୁଙ୍ଗ୍‌ଚେ ନେଙ୍ଗ୍‌ନେ ପ୍ଲା ଆପାଙ୍ଗ୍‌ ଣ୍ତୁ ମେଁ ନେଙ୍ଗ୍‌ନେ ସିସ୍ ଡିଙ୍ଗ୍ ଆୟା ଣ୍ତୁ ।

ଡାଗ୍‌ଲା ଜାଣ୍ତେ କି ନିଜେକେ ମ୍ନା ଡାଗ୍‌ଚେ ଆଃସୁଏଃଏ ଆମେକେ ଗୁର୍‌ନା ଆଡିଙ୍ଗ୍‌ଆର୍ ବାରି ଜାଣ୍ଡେ ନିଜେକେ ହିନ୍‌ ଆଃଡିଙ୍ଗ୍ଏ ଆମେକେ ମ୍ନାରେ ଆଃଡିଙ୍ଗ୍‌ଆର୍‌ଏ ।

ଦେତ୍‌ରକମ୍ ପେ ସାପାରେ ବାନ୍ ଜାଣ୍ତେ ଡିଗ୍‌ ନିଜେନେ ସାପାକେ ଆଃଆନ୍ତାର୍ ପେୟା ଣ୍ତୁ ମେଁ ନେଙ୍ଗ୍‌ନେ ସିସ୍ ଡିଙ୍ଗ୍ ଆୟା ଣ୍ତୁ ।

ଡାଗ୍ଲା ପେ ସାପାରେନେ ବାନ୍ ଜାଣ୍ଡେ ଉର୍‌ନେ ଡୁଆ ଆଃରେନ୍‌ସା ଇକ୍‌ଚା ପେଡିଙ୍ଗ୍‌କେ ତେଲା ଆତେନ୍‌‌ ଡିଡା ଜାକ ମେଁନେ ଡାବୁ ସମାନ୍ ଲେଃକେ ଲେଃ ଣ୍ତୁ ଆକେନ୍ ସେନୁଗ୍‌ କଚେ କର୍ଚ ଇସାବ୍ ପେଡିଙ୍ଗ୍‌ଏ ମାରିଆଃ ମେଁ ପାଣ୍ଡୁସନ୍ ଆଃକଚେ ଆଃଡା ଆୟା ଣ୍ଡୁ ଉଃଡ଼ିରୁଆ ଆତେନ୍‌ କେଆର୍‌ଏ ସାପାରେ ଆମେକେ ଲୁଆଃଚେ ବାସଙ୍ଗ୍‌ନେ ଆରାମ୍‌ ଡିଂଆର୍‌ଏ । ଆକେନ୍ ରେମୁଆଁ ତିଆର୍ ଡିଙ୍ଗ୍‌ନେ ମୁଲେଚେ ଆଃଡ଼ା ଆୟାକେ ଣ୍ତୁ ।

ଡାଗ୍ଲା ବଜି ବିଃକ୍ଲା ଗରିବ୍‌, କ୍ଲିଙ୍ଗ୍‌ଚ କ୍ଲିଙ୍ଗ୍‌ତି, ଚଟା, ଆରି କାନା ଆଣ୍ଡେଙ୍ଗ୍‌କେ ୱାପା । ତେଲା ଆନାକେ ମଙ୍ଗଲ୍ ଡିଙ୍ଗ୍‌ଏ, ଡାଗ୍ଲା ଆପେକେ ପ୍ରତିଦାନ୍‌ ବିଃନ୍‌ସା ମେଁଇଂନେ ମେଃଡିଗ୍‌ ଣ୍ତୁ ଆରି ଦରମ୍ ରେମୁଆଁଇଂ ଗୁଏଃକ୍ନେ ବିତ୍ରେ ମ୍ୱ୍ର ଆର୍‌ଏ, ଆତେନ୍‌‌ ବେଲା ପେଇଂ ପେନେ ପ୍ରତିଦାନ୍‌ ପେବାଏ ।

ବିତିଗ୍ ନିମାଣ୍ଡା; ଡାଗ୍ଲା ବିତିଗ୍ ବାନ୍ ଜଦି ସ୍‌ବ ଆଲେଃଲା ଣ୍ତୁ ତେଲା ଆତେନ୍‌ ମେଃଡିଗ୍‌ ମୁଲ୍ୟ ଣ୍ତୁ ପେ ସାପାରେ ମେଁନେ ଆରି ମୁଇଙ୍ଗ୍‌ ତର୍ ସ୍‌ବ ଆଣ୍ତେ ବିପେୟାଏ ? ଆତେନ୍‌‌ ତୁବଃ ଣ୍ତୁଲା କତ୍‌କୁଡ଼ା ନ୍‌ସା ଦର୍‌କାର୍ ଣ୍ତୁ; ରେମୁଆଁ ଆତେନ୍‌ ବାଏରେ ଜଗ୍‌ତ୍ଲାଗ୍‌ ବିଃଆରେ । ଜାଣ୍ତେନେ ଦ୍ରିଗ୍ ନ୍‌ସା ନ୍‌ଲୁଗ୍ ଲେଃକେ ମେଁ ଦ୍ରିଗ୍‌ପା ।