ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ko au ko te fuu vite, ko koutou ko te u vaa vite. Ko ae e nofo ia au, pea e au nofo ia ia, e fua ia o lahi, koteuhi ka hala mo au e mole kotou fealagia he mea.

Kotou nonofo ia au, pea e au nofo anai ia koutou. O hage ko te vaa vite e mole feala ke fua ia ia totonu, mo kapau e mole pipiki ia ki te fuu vite, e feia mo koutou, e mole feala ke kotou fua, mo kapau e mole kotou nonofo ia au.

Kapau e kotou nonofo ia au, pea e nofo aku folafola ia koutou, kotou kole he mea pe e kotou loto anai ki ai, pea e foaki atu anai ia kia koutou.

E mole ko koutou ae nee kotou filifili au; kae ko au, nee au filifili koutou, pea nee au fakanofo koutou, o tupu ke kotou olo, pea ke kotou mau he fua, pea ke tologa tokotou fua, o tupu ko he mea e kotou kole anai ki taku Tamai i toku huafa, ke ina foaki atu ia kia koutou.

E mole he ofa e toe lahi age i te foaki o tona mauli o uhiga mo ona kaumea.

Ko te u vaa fuli ia au e mole fua, e ina tuusi ia; pea ko te u vaa fuli e fua, e ina pakimaga ia, o tupu ke toe asilisili fua ia o lahi age.

Koeni taku fekau: Kotou feofaofani ia koutou, o hage ko toku ofa ia koutou.

Kapau e kotou fua o lahi, e fakakololiai anai i ai taku Tamai, pea e kotou liliu anai i ai ko aku tisipulo.

Ko au ko te fuu vite mooni, pea ko taku Tamai ko te tagata faivite.

Kapau e mole nofo he tahi ia au, e siaki ia ki fafo o hage ko te vaa vite, pea e moamoa ia; pea e tanaki ia o li ki te afi, pea e ulo ia.

Kua au fakaha te u mea aeni kia koutou, o tupu ke nofo toku fiafia ia koutou, pea ke katoa tokotou fiafia.

Kapau e kotou taupau aku fekau, pea e kotou nonofo anai i toku ofa, o hage ko taku taupau te u fekau a taku Tamai, pea mo taku nofo i tona ofa.

Ko te mea e au fekau atu kia koutou: Kotou feofaofani ia koutou.

Kapau ko koutou nee a te malamanei, e ofa anai te malamanei i tana mea. Kae koteuhi e mole ko koutou a te malamanei, pea nee au filifili koutou mai te lotomalie o te malamanei, koia e fehia ai te malamanei ia koutou.