ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Kapau e tauhi he tahi kia au, ke mulimuli mai ia ia au; pea ko te kogamea e au i ai, pea e i ai anai mo taku faifekau. Kapau e tauhi he tahi kia au, e fakamauhigai anai ia e te Tamai.

Ko ae e ofa ki tona mauli, e ina pulihi anai ia, kae ko ae e fehia ki tona mauli i te malama aeni e ina tauhi anai ia ki te mauli heegata.

E mooni, e mooni, e au ui atu kia koutou, kapau e mole mate te fuai fulumeto e to ki te kele, e nofo toko tahi ia; kae kapau e mate ia, e fua ia o lahi.

Nee au hau o hage ko he malama ki te malamanei, ke aua naa nofo i te fakapouli ia ia e tui mai kia au.

Kapau e logo he tahi ki aku folafola, kae e mole ina taupau natou, e mole ko au ae e au fakamaaui ia ia; koteuhi nee mole au hau o fakamaaui te malamanei, kae o fakamauli te malamanei.

Nee too leva e Malia he kaloni, ko he nale taufua, ko he vaeluai liti, nee totogi mamafa aupito, pea nee ina takai leva te u vae o Sesu, pea nee ina holoholoi leva naua aki tona lauulu; pea nee fonu leva te fale i te magoni o te kaloni.

nee natou too leva ni touluiakau, pea nee natou olo leva o fakafelavei kia ia, mo kalaga: Hosana! E manuia ae e haele mai i te huafa o te Aliki, te hau o Iselaele.

Nee tali leva e Sesu kia naua: Kua hoko mai te aho ae e tonu ke fakakololiai ai te Foha o te tagata.