ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

E hau pe te tagata kaihaa ke ina kaihaa, mo tamatei pea mo maumaui; ko au, nee au hau ke mau e te u ovi te mauli, pea ke natou mau ia o lahi aupito.

Ko au ko te tauhi ovi agalelei. Ko te tauhi ovi agalelei e ina foaki tona mauli ki ana ovi.

E fakalogo aku ovi ki toku leo; e au iloi natou, pea e natou mulimuli mai ia au.

E au foaki kia natou te mauli heegata; pea e mole natou mamate anai i he aho, pea e mole he tahi e ina too anai natou mai toku nima.

E ko au ko te matapa. Kapau e ulu he tahi ia au, e mauli anai ia; e ulu anai ia ki loto pea ulu anai ki fafo, pea e ina mau anai ni gaueaga mouku.

E au iloi aku ovi, pea e natou iloi au

Ko taku Tamai, ae nee ina foaki mai natou kia au, e lahi age ia i te tagata fuli pe; pea e mole he tahi e feala ia ke ina too natou mai te nima o taku Tamai. Ko au mo te Tamai e ma tahi.

o hage ko te Tamai e ina iloi au pea mo au e au iloi te Tamai; pea e au foaki toku mauli ki aku ovi.

E mole too ia e he tahi ia au, kae e au foaki ia, e au totonu; e au mau te pule ke au foaki toku mauli, pea e au mau te pule ke toe too ia: ko te fekau aia nee au tali mai taku Tamai.

Nee toe ui leva e Sesu kia natou: E mooni, e mooni, e au ui atu kia koutou, e ko au ko te matapa o te u ovi.

Kae ko te tagata gaue totogi, e mole ko te tauhi ovi ia, pea e mole a ana te u ovi, e sio ia ki te hau a te lupo, pea e ina liaki te u ovi, kae hola ia; pea ko te lupo e ina ohofi natou pea e ina fakamavetevete natou.

E mooni, e mooni, e au ui atu kia koutou, ko ae e mole ulu i te matapa ki te lotoa ovi, kae e kake ki ai i he faahi kehe, ko he tagata kaihaa ia mo fakapo.