ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

E au fua le tagata kaia o kaia, mo tamate, mo maumaui ; ko au, na kau au o tupu ke maua e le kau ovi le mauli, ti ke lotou maua a ia o lasi ai.

Ko au ko le tagata tausi ovi agamalie. E soli e le tagata tausi ovi agamalie lona mauli o tupu ko ana ovi.

E logo aku ovi ki loku leo ; e kau iloa latou, ti e lotou muli mai iate au.

E kau soli kia latou le mauli lee gato ; ti e leaise lotou mate loa i se aso, ti e leaise too loa latou e se tasi mei loku lima.

Ko au ko le matapa. Kapau e ulu se tasi iate au, e mauli loa a ia ; e ulu loa a ia ki loto ti ulu loa ki fafo, o maua i ai ni faisaga sesega.

E kau iloa aku ovi, ti e lotou iloa au

Ko loku Tamana, leia na soli ia mai latou kiate au, e lasi ake i tagata fuli ; ti e leaise mafai ke toe too latou e se tasi mei le lima o loku Tamana. Ko au mo le Tamana e ma toka tasi.

ofaipe le Tamana e iloa ia au ti mo au e iloa ia le Tamana ; ti e kau soli loku mauli o tupu ko aku ovi.

E leaise too a ia e se tasi iate au, kae e kau soli a ia, e au totonu ; e kau maua le pule ke soli loku mauli, ti e kau maua le pule ke toe too a ia : Ko le fakatotonu lena na tuku mai kiate au e loku Tamana.

Na toe pati loa Sesu kia latou : E maoki, e maoki, e kau pati atu kia koutou, ko au ko le matapa o ovi.

Kae ko le tagata gaoi totogi, leia e leaise ko le tagata tausi ovi ti e leaise maua ia le kau ovi, e tio ki le au a le lupo, ti e tiaki e ia le kau ovi, kae sola a ia ; ti e osofi e le lupo le kau ovi, o veteki latou.

E maoki, e maoki, e kau pati atu kia koutou, ko leia e leaise ulu i le matapa ki le lotoa ovi, kae kava ki ai i se ganea kese, ko se tagata kaia a ia mo fakamakeke.