ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

សារ ញ៉ា កាតាម ផា អន់ដីស ម៉ន់ ប៉រ់ សឿ ផា ចឹង ទី ណោះ អន់ដីស ចឹង ទី តាទឹច»។

យីស៊ូ តើល អន់ឌែ ផា «អាញ់ ប៉រ់ រ៉ះ កា អន់ដីស តាទឹច ផា អន់ដីស សឿ អូ ទី សង់សៃ អន់ដីស ប៉្រគ័ អ្លុ និះទៅ ដេល។ អូ ផា អុះ ក្រាន័ កា ប៉្រគ័ អន់ កា តើម ហ្រា ឡាយ៉ោ តោ័ យ‌៉័ះ អន់ដីស ផា កា ប៉ានឹម អា "ហគ់ អីស ឡាច់ ឡឹង ចារ អា ឡាំ ឡិ ពឹង ទៀក សាឡីគ សាឡាយ តោ ឡគ" ណោះ អ៊ែ ចឹង ប៉្រគ័ ពួយ តាទឹច។

ទិ កាំឡាំង បក់ ចាក ពួយ យីស៊ូ ទឹប គែង អង់កក់ ទឹប គែង ង៉ីរ តាំងហើ ផា «ហូសាណា ផូង័ វ៉ាច់ សាដាច់ ដាវីត  ! អន់ ប‌៉្រ័ះ ប៊កកាតយ័ ជឹន អន់ សារ ដាគ់ កា អីស ឡាក់ ពឹះ ប៉ាតាង អ៊ែ។ ហូសាណា ប៉ានេ ប‌៉្រ័ះ អ្វៃ ពឹង ប៉្លៃង ចាំងហីគ កាខាក់»។

អ៊ែ កាប កា ពូ ផា «កាណុង ផាប់ ប៉ានឹរ ប‌៉្រ័ះ ទី ច្រាគ់ រ៉ះ ផា "ហី អាញ់ ឃឺ ចារ សាំរ៉ាប់ ម៉ន់ អើ អាញ់"  ហះកា អន់ដីស អ្យក់ ហី អា ប៉្រគ័ ចារ មួត អន់តុង អន់ទួក»។

«ហគ់ រ៉ះ កា ប៉ាសុន ពឹង មឿង ស៊ីយ៉ូន ផា ហៃ តោ សាដាច់ អន់ដីស ពឹះ ណាំង អន់ដីស កេះ អ៊ែ ពុត ឡាអត់ ខាក់ អ៊ែ ជិះ លៀ អ៊ែ អ្វៃ ពឹង អង់កក់ គន លៀ»។

យីស៊ូ តើល អន់ឌែ ផា «អន់ដីស អូ ឃើយ អាន ប សារ កាប កាណុង ផាប់ ប៉ានឹរ ប‌៉្រ័ះ ផា៖ អំហ្មោ មួត រ៉ាគឹយ ហី ហឹរ អ្លាត កិញអៀ អា កេះ អំហ្មោ សាំខាន់ ឡឹង ពូ។ ប‌៉្រ័ះ ប៊កកាតយ័ ប៉្រគ័ សារ កេង ខាក់ អា ប៉្រគ័ អន់ ប៉ាណូស ពិន ហៃ ញម ខាក់។

ទឹល នីណោ័ះ អាញ់ រ៉ះ កា អន់ដីស ប‌៉្រ័ះ ប៊កកាតយ័ ចឹង អ្លាត អូ រ៉ាំងហៃ រ៉ាំងខ្យា អន់ដីស ហង។ អ៊ែ ចឹង រ៉ាំងហៃ សុនសាត អន់ទៀគ ណាវ្គ ឡាក់ ចឹង ប៉្រគ័ ត្រគ់ លូ សារ អ៊ែ រ៉ាំងហៃ រ៉ាំងខ្យា។