ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

नना तोंडालेह्‌काडोनन; मीट नावाङ कांदानिर आंदिर. बोर नयगा जोळेम आस मन्ह्‌तोर, नना ओरगा जोळेम आस मह्‌नन, अस्के अव कांदाङ वलियिसि पका आदिह्‌ताङ. बाराह्‌क इतेके नयग्डाहि एग़िस मतेके, मीक देवुळतेनाह्‌क बातय कीया वावो.

मीट नयगा जोळेम आस मन्ह्‌टु, अस्के नना मियगा जोळेम आस मनदकन. बहलेह्‌का कांदा तोंडातगा जोळेम आस मनवालेवा, तनाय कुद आद पग़वो, अहलेह्‌का मीट वने नयगा जोळेम आस मनवालेवा, देवुळता अग़दे ताक पग़विर.

मीटु नयगा जोळेम आस मतिर, ओसो नावाङ पोल्‍लोङ मीवा जीवातगा गडिस मतुङ इतेके, बाताल मीक गावले, अदिन ताल्ह्‌काटु, अस्के अद मीक दोर्कग़ा.

मीट नाक आचविर, मति ननाने मीक आचतन, आचिसि मीट नयगा जोळेम आस मन्जि, बेसताङ पुळ्यवाङ कायाङ कटना इन्जि, मीक तासतन. अदिह्‌क मीट बेदाय गोटटुनु नावा पेदिर वेहच बाबान ताल्ह्‌कतेके, अदिन ओग़ मीक ईयनोग़.

बोग़ाय तनाङ गोततोरेनाह्‌क तना जीवा ईयनद, तेन्क वीळिस बेदे गूनम बेरा इले.

नना तोंडालेह्‌काडोनन, (मीट नावाङ कांदानिर आंदिर). नयगा आदवाङ कांदानु, बाबाल डायिस पोहचीस्तोग़. मति आदनाङ कांदानु, पका आदना इन्जि, ओग़ एळ्पिसि जूत कीस्तोग़.

बेद्रम नना मीकु जीवा कीतन, अद्रमे मीट ओर्विह्‌क-ओर्वोग़ जीवा कीयना, इदे नावा उकुम आंदु.

मीट पका आदिसि, येसुनाङ कग़यवालोरोम इन्जि तोहतकिर अस्के, इवटे नावा बाबाना मान आयग़ा.

कग़यवालोर ओना संगे ताकनेके, येसु इद्रम काग़्हतलाह आतोग़: “ननान करलता अंगुर-तोंडालेह्‌काडोनन आंदन. नावा बाबाल इतेके, अंगुर वाळुमतुन सोय केवाना लेह्‌काडोग़ आंदोग़.

बोर नयगा जोळेम आस मनोर आयनुर, ओरिन नावा बाबाल कांदान डायतप लेह्‌का, डायिस पोहचीयनोग़. इद्रमताङ कांदाङ वततस्के, अविस्किन गुम कीसि किसतगा वाटिह्‌तोर, पया अव पूरा कर्विस दास्ताङ.

नावा लेह्‌का मीट गिर्दाते मनदना, ओसो मीवा गिर्दा पूरा निंदना इन्जि, मीक इव गोटिङ नना वेहतन.

“बेद्रम बाबाल नाक जीवा कीतोग़, अद्रमे नना वने मीक जीवा कीतन. नना बाबानाङ केंजिसि ओना पोल्‍लोतुन माळिह्‌नन, अदिह्‌क ओग़ नाक जीवा कीयनदिन पुनजोरेन मह्‌नन. अद्रमलेह्‌काने मीट वने नावाङ केंजिसि नावा पोल्‍लोतुन माळाटु; अस्के मीट वने नना मीक जीवा कीयनदिन पुनजोरेन मनदकिर.

मीट ओर्विह्‌क-ओर्वोग़ जीवा कीम्ह्‌टु, इदे मीकु नावा उकुम आंदु.

मीटु दुनियातोरिर आस मतेके, दुनियातोर मीक मावोर इनजोरे, जीवा केवेर. मति नना मीक दुनियातोरग्डाहि आचिसि, एग़्‍पिह कीतन इन्जि, मीट दुनियातोरिर आयविर. अदिह्‌क दुनियातोर मीक कोंटे कीस्तोर.