ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

“Ham peṛ hei, aur tum sab uske ḍaar hei. Jon ham meñ rahe hei, aur ham usman, wahi jaada fari, kaahe ki tum hamaar bina kuchh nai kare sakta hei.

Hamaar sañghe raho, aur ham tumhaar sañghe rahega. Ek ḍaar akele meñ nai fare hei, lekin jab u dusra ḍaari meñ juṛ jaay hei to fare hei. Yahi rakam jab tak tum hamaar meñ nai rahega, tab tak tum bhi nai fal laay sakega.”

Agar tum ham se juṛa rahega aur hamaar vachan tum meñ bana rahi, tab tum jon kuchh bhi maañgega, u tumme mil jaai.

Tum hamme nai chuna, lekin ham tumme chuna aur dunia meñ bheja ki jisse tum sab fal laao, eisan fal jon hardam rahe. Hamaar Pita tumme u sab dei jon tum hamaar naam se maañgega.

Pyaar ke sab se baṛa sabuut wahi hei jon aapan dost ke waaste aapan jaan de de hei.

Wahi hamaar u sab ḍaar ke kaaṭe hei jon fare nai hei, aur jon ḍaar fare hei uske chhaañṭ ke rakkhe hei, ki jisse usman aur far lage.

Ab ham tumme bataata hei ki jeise ham tum se prem kara hei, weisaiyeñ tum bhi ek dusra se prem karo.

Hamaar Pita ke mahima yahi meñ hei ki tum bahut se fal laao, tabahi tum hamaar chela bana rahega.

Yeeshu aapan chela log se bolis, “Sachcha ḍaar ham hei, aur hamaar Pita uske gaaḍna hei.

Agar koi ham meñ nai rahe to u kaṭa ḍaar ke rakam feñk dewa jaai, aur suukhaay jaai, log u sab ke baṭor ke aagi meñ jhok de hei aur sab jar jaay hei.

“I sab baat ham tum se i kaaran bola hei ki hamaar khusi meñ tum bhi mila raho, aur tumhaar khusi puura hoy jaai.”

Agar tum hamaar sab baat maanega, to hamaar prem meñ bana rahega, jeise ham aapan Pita ke sab baat ke maanta hei aur uske prem meñ bana rahta hei.”

Yahi hei jon ham tum se mañgta hei. Sab se prem karo.”

Agar tum dunia ke hota, tab dunia tum se aapan rakam prem rakhta. Lekin ham tumme i dunia se chuna hei, yahi kaaran dunia tum se jaran kare hei.