ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Jon jon bhi uske apnaais aur uske naam pe biswaas karis. U sab log ke u hak dees ki u sab Parmeshwar ke laṛkan bane.

Dunia ke bane se pahile vachan raha, u Ishwar ke sañghe rahis, aur u sachche meñ Ishwar raha.

Wahi roshni añdhiyaar meñ chamkat raha aur u añdhera bhi u roshni ke butaay nai sakis.

Vachan admi ke ruup dhar lees, aur hamaar beech meñ rahe lagis. Ham uske sachcha mahima dekha, u mahima uske mila kaahe ki u aapan baap ke ekke laṛka raha Usman se Prabhu ke sachchaai aur daya hamaar lage aay gais hei.

Aur wahi vachan ke sahaare, Ishwar sab cheej banaais. U shabd ke bina ek bhi cheej nai banis. Aur jon cheej bhi banis uske jeewan ke sota wahi vachan raha, aur yahi jeewan ham log ke khaatir roshni laais.

Dusra roj Yuhanna dekhis ki Yeeshu uske lage chala aay hei aur u bolis, “Yahi hei Parmeshwar ke memna, jon dunia ke sab paap ke aapan uppar uṭhaay le jaai!”

Vachan dunia meñ raha, lekin uske koi nai pahichaanis, jab ki Parmeshwar aapan vachan se dunia banaais. U to aapan log meñ bhi gais, lekin aapan log bhi uske nai apnaais.

Jon sachcha roshni sab ke uppar chamke hei u dunia meñ aais hei.

Maozas ke bagal se to Ishwar hame kaanuun dees, lekin sachchaai aur baṛappan to Yeeshu Maseeh ke bagal se aais.