ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ma kuga wo dape nakasuaana ragi waina Naatana Tapu ega wo umai doko mu: go kuga wo pei tea noasokisoki aginau maga Yerusalem, go Yudea mamau, go Samaria, go pa pa paki namatap̃ago ni maramana.

Go e noa ki da, E da pei tea animu mau naga kuga atae ragi maga kite sala maga waina Tamagu e lawo ki da eu doko naveinawotaana aneana.

go ragi waina nae ma nara eu mamau saisai, e pasa parati ki da naga euga ta m̃elu dua ki Yerusalem pano mau, ma naga euga toko raki nasaiana ki Tamana, waina, e noa e, ku dogo e kiagu: nalakena Yoane e bapetiso lomau ki noai; ma naaleatia eu da laapa mau eu ko puoli go nimu kuga wo pei tea bapetisoana ki Naatana Tapu.

e moro lawodu naraeda e mauri edaku ki e sua navitinumateana aneana, navaivaiana kakana eu laapa, e do pakilina ki da naaleatia rualima pati, po do noa ki da naleo maga nalo ni namarakiana ki Sup̃e

Go ragi waina e noa sua tea maga wanogoe, go nara eu do leo punusi, e pei tea tapeana sake; go napopouru sikai e dape lua e ki namatada.

Go ragi waina eu do leo sokisoki paki nakoroatelagi, go nae e do pano, kuga leo, naatam̃oli dua ero lawodu pisari ra waina ero suni sugoro tare maga; go waina ero naga, Naatam̃oli ni Calilea maga, ekasana ku lawodu po do leo paki nakoroatelagi? Yesu waia, waina e pei tea tapeana sake m̃elu dua ki mu paki nakoroatelagi pano, ega wo umai dapala waina ku punusi a e paki nakoroatelagi pano.