ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Za görə bitot'in və̌x nifrətbalt'un. Ama axıral śirik' portbalo çark'eğale.

Ayığ bakanan, nep'ax ma mandanan, şot'aynak' ki, tenan ava t'e ği hevaxt' eğale.

Və̌x taşeri divanbat'an isə, ef k'ə upsuni ə̌mxun saturběš fikirmabanan, şot'aynak' ki, hat'e vədə k'ə upsun lazım bakalt'u və̌x Ǐvel Urufen avabakest'ale. Şot'aynak' ki, əyitk'alo və̌n təə, Şo bakale.

Oç̌al q'a göy aç̌i taneğon, ama Bez əyitmux tene aç̌on!».

«Ama t'e ğine nəəl t'e saadi hevaxt' eysuni barada şuk'k'alen tene ava: nə göye angelxon, nə Ğaren - saycə Bavane ava.

Davoğoy q'a davin xavarxoy barada ibakat'an ma q'ı̌banan: morox bakalane. Ama mo hələ axır tene.

Və̌xal şot'o görəz nexe, ayığ bakanan, nepax ma mandanan! Şot'aynak' ki, k'ojin q'ončuğoy he vaxt' eysuna - biyəsin, şüneyarine, dadalxon elk'at'an yoxsa savaxt'an - tenan ava. Barta şot'in bürdən hari və̌x nep'ax maq'an ak'i. Həysə və̌x uk'alt'oğo isə bütüməz nex: ayığ bakanan!»

Şot'aynak' ki, millət milləti, padçağluğ padçağluği loxol ěqeğale. Gele ganxo oç̌al galbsun q'a busaluğ bakale. Morox hetər ki əyel bakala çuğoy q'ač'urxoy burqesune.

Ama axır eğalt'uxun běš bütüm millətxo Mǔq Xavar karoozbakalane.

Bez s'iyen gelet'in hari "Zu Şozu" pi, amdarxo feret't'ale.

Və̌n isə ayığ bakanan. Amdarxon və̌x divanbi sinagogxoy boş tatarlayinşalt'un. Və̌n Za görə başçiğoy q'a padçağxoy běš çurpi şahidluğbalnan.

Şot'aynak' ki, əfçi xrist'osxo q'a əfçi xavareçalxo əmələ eğale. Şot'oğon nišanxo saal möcüzoox ak'est'alt'un ki, əgər bacarbayt'un c'ək'eśit'oğoval feret't'at'un.

«Ama t'e ğimxo, t'e dəhşətaxun oşa "Běğ biq'eğale, Xaşenal işiğtenebal. Muč'uliyox göynuxun barale, Göynul bakala p'lanet'xo ǰı̌k'eğale".