ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

“Ni, Kơu pơđăr buơl guhã nau yơu abo tơma tơkrah tơrpuơl asơu sĭng. Yơu nư̆n, buơl guhã păl khờh-rơgơi bĕ yơu ala sơ̆ng lơnguh-siàm yơu c̆ĭm kơtrơu.

Aràng sơi gàr-rơmiă pơnuaĭ hơdiŭ drơi, nư̆n rơŭ lơhiă; dò aràng sơi kơyoa mư̆ng Kơu bloh prah luơi pơnuaĭ hơdiŭ drơi, nư̆n rơŭ duah hũ wơ̆.

Buơl guhã juơi huơĭ tơ du mơnih mĭn pơmơtai jiơ̆ng rùp-phàp bloh 'buh pơmơtai jiơ̆ng bơngă-joa, bloh păl huơĭ bĕ tơ Pô hũ rơgơi pơluĭ-pơlơhiă abih găm rùp-phàp sơ̆ng bơngă-joa lăm brŏng-apui.

Aràng sơi 'buh glăm kơyơu pơkăl drơi bloh tui Kơu, nư̆n kŭng 'buh iơŭ păl tơ Kơu.

Kơyoa nư̆n, aràng sơi akhàn-tơbiă Kơu tơ anaŭ tơgrơ̆ mơnih pơkơ̆n, Kơu kŭng rơŭ akhàn-tơbiă mơnih nư̆n tơ anaŭ Ama Kơu dò tơ ngŏ lơngì. Dò aràng sơi kơmlah-luơi Kơu tơ anaŭ tơgrơ̆ mơnih pơkơ̆n, nư̆n Kơu kŭng rơŭ kơmlah-luơi buơl guñu tơ anaŭ Ama Kơu dò tơ ngŏ lơngì.

Pơsồ-pơsaih bĕ tơ mơnih lơ-ơ̆n lơngoh rơwă-sơkì, ngă tơ mơnih mơtai hơdiŭ wơ̆, pơsồ goh tơ mơnih dŭn, sơ̆ng pơtrơh du kơmlài. Buơl guhã hũ brơi soh, nư̆n kŭng păl brơi soh yơu nư̆n rơi.

Yơu nư̆n, juơi huơĭ, kơyoa buơl guhã c̆ơk-màng rơlau lô c̆ĭm ñiă.

Juơi sơnư̆ng Kơu truh tô apăn pơnuaĭ rĭng-lơngai tơ dun-ya; Kơu truh, 'buh iơŭ tô apăn pơnuaĭ rĭng-lơngai, bloh la apăn đào sơdrà.