ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

“Waakh wihi at ꞌdoonto daddaahe, a kisiicho. Wihi at ꞌdoonto Waakh kayoyyowo, a kaꞌhessaa. Waakh, arit ifah idahe, ulla a kifaho.

Iꞌdi tahe eti tuummane walah daahe, Waakh wihi us daahe a siicha, ki walah yowti la, Waakh a kaꞌhela, ki ifaha yidah la, Waakh arit a ifaha.

“Maantaka eti tuummane wihi an idowo daago toro la raaho, a iꞌdi eti khareenye minkiis inti ngꞌaajjee kadise.

Walah tuumman ka, wihi kootte incheenka atinhi atin liiyeelo ꞌdoontaan, ꞌdooꞌdi addan iyeela. Wihi tahe, waha a wihi Chiirnaanneti Amurre ichoow Chiirnaanneti ꞌdooꞌdi Waákh íyeyyeedo enenyet abchaan.

Iꞌdaasenyi aritti jiroti armaanjireen lakagelo a juukhe, jiti jiroti jirtuu imassan isohti la a miige, toro la ꞌdooꞌdi jita ꞌhelo a koo rucchul.

“Aritti juukhe kagel, a mehe aritti ꞌdabi armaanjireen lakagelo, a ballaaddantahe, jiti baabaa isohti la a ꞌdabakhe, ꞌdooꞌdi tabo la a buur.

Chirri atinhi uskeel leh ba nyaakhutiin siinti haaggan siissaan, Aabbahiinki serey jiro la geeddoo meheenye ꞌdooꞌdi usu walah daahe siinti haaggan siicha!

“Taba uurassiin goyaka enenyet ahukkumina, ommos atin laka Waakh a atin hukkumaa. A mehe saggaas atin enenyet ihukkuntaan saggaase atin laka Waakh atin ihukkuma. Geeddi atin ꞌdooꞌdi addan iyeessaan, geeddaase atin liiyeela.

Iꞌdaasenyi eti tuummane yeedeeyka daago toro iraahin, a iꞌdi eti ꞌdalamenye minkiis yooh goya kadise.

“A iꞌdoh urufti il walaalaah kijirto iagarta, gurtunki issaah goya kijiro la iargin? At saggoh walaalaah, ‘Alley uruftaas il kaajirto a kaabahcho,’ ikatadeeh, alla kol tuumman gurtume issaah goya kaajiraa?

“Taba ꞌdooꞌdi ꞌdooꞌdi Waákh íyeyyeedo iskaayyeelo yuubsada, iꞌdi tahe icho uummanki iiyyaate atin ikayamiitiine, ugoka uurassicho ka a yaayti weyti sussuuje. Gurnaanki icho delaane kaabattaan. Geeyi bilhil medeer ma kaguratti, toro la geeyi khasah dommog ma kaguratti gon.

Saggaas on u geeyi haaggan tuumman gurnaanki haaggane dela, iꞌdaasenyi geeyi suuje gurnaanki suuje on dela.

Geeyi haaggan gurnaanki suuje delin ma yabuuꞌde, geeyi suuje la gurnaanki haaggan delin ma yabuuꞌd.

Geeyi tuummane gurnaanki haaggan idelin, a lagoocha ꞌdab lakalugꞌda.