ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Yiesû amwîra, “Ûkîîra ûthi, wîtîgio bwaku bûgûtûma wora.”

Na agakûbîtîria maita maingî ntugû îmwe, na wakîra îgiita agacooka akaaya agakwîra, ‘Nkwîrira,’ nwa mwanka ûmûrekere.”

Ûmwe wa bo akwona akworua, aacooka nyuma akiugagîîria na inya agîkumagia Ngai. Eekurumania na ûthiû magûrûûni ma Yiesû, amûcookeria nkaatho. Aarî Mûsamaria.

Kwoogu îmenyeereeni mantûûni mara bûkûrûtha! “Mûruanyûkwe akûbîtîria mûkaanie. Na akaaya kwîrira mûrekere.

Yiesû aûria, “Anga t'antû îkûmi bara mboriirie? Barîkû bara bangî kenda?

Mwathani abeera, “Ûkeegua bûrî na wîtîgio, wana ûkeegua i bûgana gapîndî ka mûtî kara kaniini kîrî mpîndî cionthe, nwa bwîre mûkûyû ta ûyû kûûka ûkagwe îriani na wîbînjîre oogo, na gûgakara woogu.”

“Muntû ûra acûaga gwîtûûria mwoyo wengwa agacuaga. Îndî ûra agaakua n'ûntû bwakwa, agaatûûra mwoyo.

Yiesû eera arutwa baake, “Mantû mara matûmaga antû beeyia matiûra. Îndî muntû ûra areetaga mantû ta mamu akoona thîîna mûno! Muntû ta ûyu i kaaba akoogeerwa iiga rîa kûthia nkingo akagerwa îriani bantû atûma nwa ûmwe wa baba baniini beeyia.

“Wata bûra gwakarîkire ntugû cia Nuu, i ta bu gûgaakarîka ntugû ya kûûya kwa Mwana wa Muntû. Mbere ya nthîgûrû îkondorua i rûûyî, antû baarîyaga na bakanyua, bakagûrana na bakagûrwa, mwanka rîra Nuu aathûngîîre cabinaani mûguû waya wakondoria nthîgûrû antû bonthe baakua.