ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ninakuhenza umanye kukala, Mulungu ni Roho, na atʼu amuvoyao ni seti avoye kwa kulongozwa ni Roho, na ujeri.”

Ela ukati unadza, na mwanzo hata ni ufika kare vivi, urio amuvoyao Baba Mulungu jeri, andamuvoya kwa kulongozwa ni Roho na ujeri, mana, Baba Mulungu unahenza avoywe ni atʼu dza ao.

Ela yendanwa madzi gondamupʼa mimi, bee kʼandagwirwa ni chʼiru hata kare na kare. Maana, madzi gondamupʼa gandakala dza dzitso ra madzi mumo mwakwe ndani, na gandaenderera kumupʼa uzima uphya wa kare na kare.”

Jeso achimuudzidza achimwamba, “Kala unamanya Mulungu ahenzacho kukupʼa, na kala mimi nikuvoyaye madzi nami unanimanya ni ani, ungari udzinivoya kare, nami ningari nidzikupʼa madzi ga uzima.”

Jeso achiaudzidza achiaamba, “Leu rangu ni kuhenda henzo ra yenihuma, na niyimale kaziye.

Yiye muchetʼu achimwamba, “Mutumiangwa, uwe kʼuna ndoo ya kuhekera madzi, na chisima chichi chindani. Hʼaya udzigapataphi gago madzi ga uzima?

Yiye muchetʼu achimwamba, “Mimi ninamanya kukala, yiye Masihi” (yiriyo maanaye ni Kʼirisito), “undakudza. Na achidza, undahwambira chila chitʼu.” Phapho Jeso achimwamba, “Mayo, mimi nigombaye nawe ndimi yiye Masihi.”

“Asenani! Mimi nidzonana na mutʼu yedzinambira maneno gangu gosi nirigohenda! Mimi ninaona yiye hata ndiye Kʼirisito. Hindeni mukamone!”