ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Ela aratʼu osi omukubali na kumukuluphira, waahenda akale na haki ya kukala anangwa a Mulungu.

Phapho mwanzo phokala urumwengu kʼaudzangwe kuumbwa, Neno wa Mulungu wakalako. Yiye wakala u na Mulungu, na hata yiye naye wakala ni Mulungu.

Na mwanga uo unaamwirikira atʼu ario dzizani. Anjine a o atʼu ario dzizani ákala kʼaawenzi na achiheza kuuziza, ela achishindwa vivyo.

Yiye Neno wa Mulungu wakala mudamu, na wasagala naswi. Siswi hwawona uo ubomuwe, ubomu urio ni wa yiye Mwana wa hicheye yelaa kwa Baba Mulungu na yiye u tele mbazi, na ujeri.

Vyumbe vyosi vyaumbwa kwa njiraye, na kʼakuna hata chumbe chimwenga choumbwa photsʼi yiye. Yiye ndiye chanzo cha uzima, na uzima uo ndio mwanga wa anadamu.

Kunadzachakwe, Johana wamona Jeso unadza kwakwe, na achiamba, “Asenani, yuyatʼu ndiye Mwanagonzi wa Mulungu ausaye dambi za dunia!

Yiye wakudza duniani, na hata yo dunia yaumbwa kwa njiraye, ela atʼu a yiyo dunia kʼaamumanyire. Yiye walokera na kwa atʼue enye, ela anji a o atʼue enye kʼaamukubalire.

Yiye ariye ndiye mwanga wa jeri wakala unadza duniani, na yiye unaamwirikira atʼu osi.

Maana, Mulungu walavya Shariya kuchirira Musa, na achionyesa mbazize na ujeriwe kuchirira Jeso Kʼirisito.