ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Ket kinuna ti Dios, Daytoy isu ti pagilasinan ti tulag nga aramidec, siac ken dacayo ken amin a nabiag a parsua nga adda cadacayo, cadagiti caputotan nga agnanayon: Ti bullalayawco icabilco iti ulep, ket isunto a pagilasinan ti maysa a tulag caniac ken iti daga.

Ket ti bullalayaw addanto iti ulep; ket kitaecto tapno pacalaglagipac ti agnanayon a tulag iti Dios ken amin a parsua a sibibiag nga addaan lasag iti rabaw ti daga.

Ti mangibucbuc iti dara ti tao, ti darana ibuyatto ti tao; ta ti Dios inaramidna ti tao a ladawanna.

Ket binendicionan ti Dios ni Noe ken dagiti annacna a lallaki, ket kinunana cadacuada, Agbungacayo, ket agaducayo, ket punnoenyo manen ti daga.

Amin nga aggaraw a sibibiag agpaaydanto a taraonyo; cas iti nalasbang a nateng intedcon amin cadacayo.

Ket ti panagbuteng cadacayo, ken ti panagames cadacayo addanto cadagiti amin nga animal iti daga, ken cadagiti amin a tumatayab iti tangatang; agraman amin nga aggaraw iti daga, ken amin nga ic-ican ti taaw, cadagiti imayo mayawatda.

Ket dacayo, agbungacayo ken agaducayo; agputotcayo iti nawadwad iti daga, ket agaducayo iti rabawna.