ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Tsirkhmq dof-awr, khavpuq nae moftsanq-eu zanr maqjav-a. Paeqzaq mazaq mawrnya’ni tsirkhmq ciqtaq duq-anr ciqdav taq-eu mae. Khoerlof-aer durni, nawmaf-euq yawshaef khawf aqcawq-euq maeqshi bibya-awq. Khoerlof-aer mr nar-aq, aqcawq, nawmaf mr-eu yawmuiq jeq-anr ya’mawr ngae, mq-euq khoertav jawr-eu nawmaf-euq Aqda-anr jaceuq taef-a.

“Nawmaf-aq, mirtsaq-euq yawshaef mae. Gawqjawq-euq uqdu jav-eu meuq-anr maq daeqkaqzaf nya-a.

“Nuima shawrjaevni ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawfmaf, Miqyaer-anr ya’mawr taef-a.

“Tsaq-awr dawr-eu jeq-anr maef-awr shuf-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawfmaf ya dzaqdaev ya dawrdaev taef-a.

Aerkhawf, ngar, nawmaf-anr aernaeq nyar, nawmaf-anr muir-eu tsawrhaq-anr gaq-awr, nawmaf-anr yaqkhaer yaq-eu tsawrhaq-anr dawq ngaeqghae naeq-awq. Nawmaf-anr byae-eu tsawrhaq-anr yawmuiq jeq janrnaeq-awr, nawmaf-anr khaeqlar khavlar-awr, yaeqbawq-aer zmqlar-eu tsawrhaq-euq gharduq guiqlanq shar-awq.

“Saflar-euq lafkhoer irshaq shaq-eu tsawrhaq deuq-aq, guiqlanq huiq-eu mae. Aqjeq mirnae aernar-aq, mqtav mirkhanq-aq, aqyawf maf-euq mae.

“Tsaqler dzoerlerni mr-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawf maf-anr Miqyaer-euq zaq laer kur taef-a.

“Ghawqshaq-aer ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawf maf-anr bi noeqsarlar taef-a.

“Tsaq-awr dawr-eu jeq-euq baqda’nae khaeq-awr khav-eu gar yadaq-eu tsawrhaq deuq-aq, guiqlanq huiq-eu mae. Aqjeq mirnae aernar-aq, mqtav mirkhanq-aq, aqyawf maf-euq mae.

“Aqcawq-anr ghawqshaq gaqnya-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqcawq, aqyawf maf-anr ghawqshaq gaqnaeq taef-a.

“Ngar baqda’nae aqcawq, nawmaf-anr yaeqbawq-aer aerlar, nawmaf-anr khaeqlar khavlar, maqngeur-eu gar jaqmyawf myawf-eu lafkhoer nawmaf-anr ghawqmya jeq aerdoerlar ngae, nawmaf guiqlanq huiq-eu mae. Laqkhaq caer-awr lurgha caergha-awq. Aqjeq mirnae aernar-aq, mq-euq khoertav nawmaf-euq mrpoeq lafsawq ghawqmya’ni jav-eu mae. Nawmaf-euq maeqhu daefyaf-euq Miqyaer gharduq ngaeqdan-eu tsawrhaq deuq-anr khawf, aqcawq, aqyawf maf-anr khoerlof-aer khaeqnaeq khavnaeq-euq mae.

“Nuima nanqyuni ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, mirtsaq-aq, aqyawf maf-anr of-eu jeqbir mae.

“Nawmaf-aq, mirtsaq-euq saqdeuf mae. Saqdeuf-aq, saqca tav-eu byov-ir nar-aq, aqjox-aer parbi tavlarnya nmr-mq? Saqdeuf khoer nuijeq-euq gharduq gardanr maqtsoeqni pyeuf-ir-euq mirnae, lafnyir shaevdzae-awr aqcawq nawqnawq-aer bican-eu gharduq taef-aer gardanr tsoeq-eu mae.

Khoermirnae, mq-euq khoertav jawr-eu nawmaf-euq Aqda byan-eu lof-aer nawmaf khawf byanlar-awq.

Nawq-euq dawq-aq, ngeur nar-aq, ‘Ngeur ma,’ maqngeur nar-aq, ‘Maqngeur’ laer taef-aer aer-awq. Khoertaf-aer dzaeq-ir-euq nar-aq, yawdoer ghaq-anr nae oe-euq mae.

“ ‘Myavnuiv-euq poeq-aq, myavnuiv, seuq-euq poeq-aq, seuq’ laer aertaq-euq dawq, nawmaf yagaq-euq mae. Aerkhawf, ngar, nawmaf-anr aernaeq nyar, tsawrdoer-anr taq caekhof. Aqcawq, nawq-euq baqba armar paw taevlar nar-aq, yawqpyawqyawq ciqdaq naeq-awr bitaev-awq.

Nawq-euq myavnuiv armar nuiv, nawq-anr iqbax bi mrlaf-euq ngeur nar-aq, myavnuiv khoernuiv-anr kheufdov-awr biqdzae-awq. Mawrdo dolan-aer shiqbuir lanma-anr bi bafanr ghae-eu navmaqtser, arsaer tiq saer biteq-ir-eu-aq, muiqdzaeq taef-a. Nawq-euq aqlaf armar laf, nawq-anr iqbax bi mrlaf-euq ngeur nar-aq, khoerlaf tovtsaev-awr biqdzae-awq. Mawrdo dolan-aer shiqbuir lanma-anr ya’ur-ir-eu navmaqtser, arsaer tiq saer bidanq-ir-eu-aq, muiqdzaeq taef-a.