ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

“Te machꞌa ben jun yoꞌtan ya skanantay te tut aꞌbil chꞌinuke, jich me ben jun yoꞌtan ya skanantay teme ay bayal tut xkꞌot ta skuentae. Yan te machꞌa ma junuk yoꞌtan ya skanantay te tut ya xꞌaꞌbot chꞌinuke, jich ma junuk yoꞌtan ya skanantay teme ay bayal tut ya xꞌaꞌbote.

“Maꞌyuk jtuluk aj-aꞌtelil te ya xjuꞌ yuꞌun te ya yakꞌ sba ta abatinel yuꞌun cheb yajwale. Teme jich aye, jaꞌ ya spꞌaj te jtule; yan te jtule kꞌux ta yoꞌtan stukel, jun yoꞌtan ta stojol. Pero te jtul xane maꞌyuk ta jkuenta yuꞌun. Jich te jaꞌexe, ma xjuꞌ awuꞌunik te ya awakꞌ abaik ta mantaltesel yuꞌun Dios sok te akꞌulejalike —xchi te Jesuse.

Jaꞌ yuꞌun teme ma junuk awoꞌtan ya akanantay te akꞌulejal ta skuenta te jmulawil balmilal to, ¿machꞌa kꞌan yaꞌbeyat akanantay te lekil kꞌulejalile? Sok teme ma junuk awoꞌtan ya akanantaybe stutik yuꞌun te yane, ¿machꞌa kꞌan yaꞌbeyat te stutik awuꞌune?

“Pero te jꞌAbrahame la yalbe: “Teme ma skꞌan yakꞌ ta jkuenta te tut ya yal te jMoisese sok te jꞌalwanejetik yuꞌun te Diose, ni ma jaꞌuk ya xchꞌuunik a, manchuk me ay anima ya xchaꞌkux tal”, xchi te jꞌAbrahame —xchi ta yalel te Jesuse.

“Teme ay jtul winik te ya xchꞌoj sba sok yiname, teme ya sle yan te ya xnujpun sok xane, yipalix ta antsiwejel abi. Jich euk te ants te chꞌojbil. Teme ya xnujpun sok yan winike, yipalix ta kremiwejel abi.