ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Che' mi lac tsuc' candil ma'añic mi lac ñup' ti chiquib, mi lac joc'chocon ti' joc'lib cha'añ mi' pʌsbeñob i sʌclel pejtelel año' bʌ ti' mal otot. Che' yom mi la' pʌsbeñob wiñicob x'ixicob la' sʌclel yic'ot wen bʌ la' we'tel, che' mi' q'uelob mi caj i tsictesañob i ñuclel la' Tat am bʌ ti panchan.

Jatetla i sʌcleletla pañimil. Jump'ejl tejclum wa'chocobil bʌ ti' pam wits mach mejlic i yajñel ti mucul.

Tijicñayob jiñi sʌco' bʌ i pusic'al, come mi caj i q'uelob Dios.

Tijicñayob jiñi año' bʌ i wi'ñal yic'ot i tiquinti' cha'añ chuqui toj, come mi caj i bujt'esʌntelob i pusic'al.

Pero joñon mic su'beñetla: C'uxbin la' contrajob. [Aq'uenla i yutslel la' t'añ jiñi mu' bʌ i p'ajetla, melbenla chuqui uts'at jiñi mu' bʌ i ts'a'leñetla.] Tajala ti oración jiñi mu' bʌ i contrajiñetla yic'ot jiñi mu' bʌ i tic'lañetla.

Tijicñayob jiñi mu' bʌ i ña'tañob ma'añic i bajñel wenlel i pusic'al come i cha'añob i yumʌntel jiñi am bʌ ti panchan.

Tijicñayob jiñi mu' bʌ i ñʌch'chocoñob xleto, come mi caj i sujbelob ti' yalobil Dios.

Tijicñayob jiñi woliyo' bʌ ti uq'uel, come muq'uix i ñuq'uesʌbentelob i pusic'al.

Tijicñayob jiñi mu' bʌ i tic'lʌntelob cha'añ chuqui toj, come i cha'añob i yumʌntel jiñi am bʌ ti panchan.

Tijicñayob jiñi mu' bʌ i cha'leñob p'untaya, come mi caj i p'untʌntelob.

Tijicñayetla che' mi' p'ajetla wiñicob che' mi' tic'lañetla yic'ot che' mi' pʌq'uetla ti jujunchajp jontolil cha'añ tsa' la' ñopoyon. U'binla i tijicñʌyel la' pusic'al, come ñuc la' chobejtʌbal ti panchan, come che' ja'el tsi' tic'layob x'alt'añob wajali.

Tijicñayob jiñi utso' bʌ i pusic'al, come mi caj i yʌq'ueñtelob pañimil.

Jatetla i yʌts'miletla pañimil. Mi tsa' jili i tsajel ats'am, ¿bajche' mi caj i cha' tsaj-esʌntel? Ma'añix i c'ʌjñibal, mi lac choc ba' mi' t'uchtañob majlel wiñicob.

Jiñi cha'añ yom ts'ʌcʌl i yutslel la' pusic'al che' bajche' ts'ʌcʌl i yutslel i pusic'al la' Tat am bʌ ti panchan.

Che' ma' cha'len t'añ, mi isujmʌch, “isujm cu”, che'et. Che' mach isujmic, “mach isujmic”, che'et. Mi tsa' wʌlʌ yam bʌ t'añ cha'añ ma' wa'chocon a t'añ, ch'oyolʌch ti xi'ba.

Tsa'ix la' wu'bi tsa' bʌ ajli: “Wutʌl i q'uexol wutʌl, i bʌquel ejʌl i q'uexol i bʌquel ejʌl”. Pero joñon mic su'beñetla: Mach mi la' q'uextan jontolil. Che' añ majqui mi' jats'et ti ñoj bʌ a choj pʌsben yam bʌ a choj.

Mi woli' yʌsañet ti mulil jiñi a wut am bʌ ti a ñoj, loc'san, choco. Uts'at mi tsa' sajti jump'ejl a wut. Mach uts'atic mi tsa' chojquiyet ochel ti tojmulil che' ts'ʌcʌl a bʌc'tal. Mi woli' yʌsañet ti mulil a c'ʌb am bʌ ti a ñoj, tsepe loq'uel, choco. Uts'at mi tsa' sajti junts'ijt a c'ʌb. Mach uts'atic mi tsa' chojquiyet ochel ti tojmulil che' ts'ʌcʌl a bʌc'tal.