ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Jama bɛ lasuwɛta je tɔ dɔndɔ dɔndɔ wagate min tɔ, Isa tugun nata lasuwɛdula. A to be Ala mataraŋɛ tɔ, saŋɛ lakata, Ala Hakkili saniyandeŋɛ jigita a ma a kɛɲa be toren iko legetere. Kumari kulɛ tugun bɔɔta saŋɛ tɔ, a ko: «N na den kayireŋɛ le mu ile la, n be min makanuren. N be ɲagalinden ile la koola.»

Wo butɔ, Yaya ka a fɔ anu bɛ ye, a ko: «Nde be wo lasuwɛla je le tɔ, kɔnɔ do si na min sɛnbɛ kolo nde ko. Wo be wo lasuwɛla Ala Hakkili saniyandeŋɛ le la anun ta. Biliya bele n bolo, hali a la samatanu jule fulen koe la.

Kɔtɛ, ka wo bata tuubɛ yati, wo ni wali ɲinmanu ma, minnu si wo yita, iko lɔgɔ ɲinma si den ɲinma wolo ki min na. Wo mu mɔ benba Iburahima bɔnsɛ le la, kɔnɔ wo kana laa wo tun na. N ni a fɔ wo ye, hali kɛ kurenu, Ala si nɔ anu yɛlɛmanna a ni anu ma Iburahima la deŋɛnu la.

Awa, tɛgɛraŋɛ ɲan be saren lɔgɔ kute kɔtɔ, a tɛgɛ koe la. Lɔgɛ min bɛ te den ɲinma wolo, wonu si tɛgɛ anu ni lafili ta tɔ.»

Kuma bata kamali Yaya la ko tɔ min be sɛbɛren annabi Esayi tɛn kuma kitabue tɔ, a ko: Do si naa a kulɛ mayɛlɛ le janfue butɔ, a ni a fɔ: «Wo kila tabɛn Marige Alatala ye! Wo ni kila lanmanu bɛ latelen a ye!» Fole bɛ ni lafa. Kɔnkɛ nun tenteŋɛ bɛ ni da lakanya. Kandula dalindeŋɛnu ni latelen. Kuru tɔ kila ni tabɛn anu ni nungu. Ka wo mata, Adamadeŋɛ bɛ si naa malakisila yen de Ala be min nasanbaren.