ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Kaꞌimbengan it nakem mi i ipasubli kut imyu. Iyan kaꞌimbengan nga ibgay ku ngaytu, ega nay kasbung. Ega subuk kaꞌimbengan nga magkabgay it banwa ngaytu nga ega magpaneꞌteꞌ. Aypaꞌ ayaw kamut kasusa. Daꞌkamu miꞌlam.

Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.

Tiyulduꞌan siꞌ ni Jesus i mga alagad ya ngayti nga magꞌaat, “Ayaw kamu nat kasusa. Papaꞌgenen mi i pamayaꞌ mit Ampuꞌang Diyus. Papaꞌgenen mi gasiꞌ i pamayaꞌ mit aken.

Temed iyan Manigtabang ngayting Espiritu Santo nga taꞌgen it Amaꞌ nga bilang gumanti it aken, kanya nay paꞌyag it imyu it muꞌsang mga bagay baw pademdem it imyu it muꞌsang inaat ku.

Iyan magꞌintindi it mga urdin ku baw pagsunudun yay mga itu ngaytu, iyan i may pagmaꞌal it aken. Iyan magmaꞌal it aken, maꞌalen gasiꞌ kanya it Amaꞌ ku. Maꞌalen ku naga gasiꞌ kanya baw talagang pakilala aku nang banar it kanya.”

Upakaten kuy Amaꞌ ku nga begayan ya kamu it Manigtabang nga bilang ganti ku, nga kanyay kaꞌiba-iba mi nga pirmi seked it kaꞌnu-kaꞌnu. Espiritu Santo i paꞌaaten ku ngaytu. Kanya i manigpaꞌrut it imyu it kamatuudan. Iyan kadaklan nga ega magpamayaꞌ it aken, ega makanira i tabang it Espiritu Santo ngaytu, ka ega pagkilalaen nira baw egay kasepsep nira pasar it kanya. Temed kilala mit imyu, ka magpatepad-tepad nat imyu baw mabut i aldaw nga pasarum na kanya asat bilug mi.

Baw in unuy angutun mi kat keseg it pakilagpit mit aken, talagang buwaten ku yan, isaꞌun maltegan i kabantugan it Amaꞌ kat buwaten ku nga Anak ya. Maski unuy angutun mi situt aken kat keseg it pakilagpit mit aken, siguradung buwaten ku.”

“In matuud nga pagmaꞌalen mi aku, simpri sunudun mi i mga urdin ku.

Duꞌut langit nga pagtataꞌidan it Amaꞌ ku, subraꞌ nga marugar nga istaran. Talagang matuud tu, baw muꞌna aku na, ka buwaten kuy ikataꞌid mi duꞌun. In ega matuud, simpri ega iꞌaat kut imyu.

Ta it matuud nga paꞌaduꞌun aku nga buwaten kuy ikataꞌid mi duꞌun, matuud gasiꞌ nga paꞌuliꞌ aku naga situ ka pabayaꞌen ku na kamu. Sang tamiyan nay tumaꞌid duꞌun.

Pagkagneg ni Tomas, miningkut, “Ampuꞌan, ega magkaꞌrutan namen in ari paꞌaduꞌunan mu. Magꞌuꞌunu maꞌrutan namen i dalan?”