ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Aur Yúsuf ne ek ḳhwáb dekhá, jise us ne apne bháiyoṉ ko batáyá, to wuh us se âur bhí bug̣z rakhne lage.

Aur Isráíl Yúsuf ko apne sab beṭoṉ se ziyáda piyár kartá thá, kyúṉki wuh us ke buṛhápe ká beṭá thá; aur us ne use ek búqalamún qabá bhí banwá dí.

Aur us ke bháiyoṉ ne dekhá ki un ká báp us ke sab bháiyoṉ se ziyáda usí ko piyár kartá hai, so wuh us se bug̣z rakhne lage, aur ṭhíḳ taur se bát bhí nahíṉ karte the.

Phir us ne dúsrá ḳhwáb dekhá, aur apne bháiyoṉ ko batáyá. Us ne kahá, Dekho, mujhe ek âur ḳhwáb dikháí diyá hai, ki súraj aur chánd, aur gyárah sitároṉ ne mujhe sijda kiyá.

Aur us ke bháiyoṉ ko us se hasad ho gayá, lekin us ke báp ne yih bát yád rakkhí.

Aur us ne un se kahá, Zará wuh ḳhwáb to suno, jo maiṉ ne dekhá hai: Ham khet meṉ púle báṉdhte the; aur kyá dekhtá húṉ ki merá púlá uṭhá aur sídhá khaṛá ho gayá, aur tumháre púloṉ ne mere púle ko chároṉ taraf se gher liyá aur use sijda kiyá.

Áo, ab ham use már ḍáleṉ, aur kisí gaṛhe meṉ ḍál deṉ, aur yih kah deṉge, ki Koí burá daranda use khá gayá; phir dekhenge, ki us ke ḳhwáboṉ ká anjám kyá hotá hai.

Phir wuh Midiyání saudágar udhar se guzre: tab unhoṉ ne Yúsuf ko kheṉchkar gaṛhe se báhar nikálá, aur use Isma‘ílíoṉ ke háth bís rúpaye ko bech ḍálá: aur wuh Yúsuf ko Misr meṉ le gaye.

aur ápas meṉ kahne lage, Dekho, ḳhwáboṉ ká dekhnewálá á rahá hai.

Aur júṉhí unhoṉ ne use dúr se dekhá, to peshtar is se ki wuh nazdík pahuṉche, us ke qatl ká mansúba báṉdhá

Aur Rúbin ne un se yih bhí kahá, ki Ḳhún na baháo, balki use is gaṛhe meṉ, jo biyábán meṉ hai, ḍál do, lekin us par háth na uṭháo. Wuh cháhtá thá ki use un ke háth se bachákar us ke báp ke pás salámat pahuṉchá de.