ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Áko dine'é ayóó át'éii ándeeshłííł, áádóó nik'ijishdlíi doo, índa nízhi' ayóó át'éego ádeeshłíi łgo ninahjį' ak'ihojidlíii nílį́į doo. Nik'idajidlíii éí bik'ijiinishdlíi doo; hóyée'go ná hadahadziihígíí hóyée'go bá hahasdziih doo, áádóó nahasdzáán bikáa'gi ał'ąą dine'é t'áá ałtso ninahjį' bik'ihojidlíi doo.

Áko Bóhólníihii éí Éíbram áyidííniid, Nikéyahdóó nik'éí bits'ą́ąjį' índa nizhé'é bik'éí t'áá ałtso bits'ą́ą́' dah diinééh, áádóó kéyah nił ííshją́ą́ ádeeshłíłíjį' díínééł.

Áko Bóhólníihii hach'į' haadzíi'ii bik'ehgo Éíbram dashdiináago Lat bił dashdiiná. Éíbram éí tsosts'idiindóó ba'aan ashdla' honááhaigo Héíran kin haal'áádóó dashdiiná.

Áko Bóhólníihii éí Éíbram yich'į' yit'íní í'diilyaago ádííniid, Na'áłchíní náás noot'į́į́łgóó díí kéyah baa dideesh'ááł. Ákwii Bóhólníihii bich'į' náázhdi'yoołnih biniyé bikáá' náá'iiniihí ájiilaa; éí hach'į' yit'íní í'diilyaa.