ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Odo Bv luto, “Abba, appvngcm no ila:dag; cdc bati:dcm ngokkolokkcm la:pakteika; ckvdaggom ngo okodcm mc:dagnc cdcmpcmang, cmpige:la nok mcngkamdcmpckc.”

Toya:la darra du:tok odokkc kumtoka nolu jen ankang ka:namlo kangkosuma:ycpc; yalodc aropci du:lv:dag, cmpige:la adindc rcmgdag.”

Odokkc aropakpc, ngo nolum lubidung, okoloi tadponc lutaddcm lubiycnc mo:pv appv:so, bv okkom itonc bvm mc:pa:langkula lubiycku.”

Odokkc Bv bulum luto, “Ngok yalosc airu:pc mc:dvrdung, sinncmpci idung. So du:po:toka, odokkc darra toya:la du:toka.”

Odokkc bulu dola du:namc, Bv pitangcm la:to, odokkc kumto, odokkc cdcm pentu:to, odokkc bulum cdcm bito, odokkc luto, “Dotok; sc ngok amvrc.”

Odokkc Bv bati:ko la:sa:to, odokkc aipai cmge:la bulum cdcm bito, odokkc cdcm bulu tv:to. Odokkc Bv bulum luto, “Sc ngok i:yc pesula lugodnamdokkc, okodcm bojcrungkc lcgangc pvlenlvgtoji.

Odokkc Jisubv bulum luto, “Nolu appvngc mc:pangamycpc; Kapila:nc cdcm adla lc:tak, ‘Ngo me:r soben ka:sv:ncdcm dcmyc, odokkc me:r sobenkvdv:dcm dcmyc, odokkc me:r soben kvdv:dc dugpit-dugyit sungabyc.’

Darobtoka, kajc nolu gvkangkuboi; ka:toka, ngom mirupc mc:la topaklvgncdc anindc pvnga:dandu:bong.”

Odokkc Jisubv bvm luto, “Aropakpc, ngo nolum lubidung, siyumkc yummarso, porogc lcnyiko kogma:dapc, no ngom lcwumkopc kinmang cmna lupaksuycpc.”