ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Odokkc ro:dcm, pvang pvma:dapcbong, Bv darobto odokkc okkosin kamangko ronggamo:nc amongkolo:ppc gvto, odokkc odo Bv kumto.

“Ayirdc pvngka:bong, Ru:ncpvnckc migompc dungko mo:pvdc pvnga:dandobong; mc:dvrra mc:latsutokuka, odokkc tadponc lutaddcm mc:jvgtoka.”

Odokkc Bv asidokkc cdvlo gvsa:tokunc, vgcmpc Bv do:mvrtc kuge:dopc ka:to odokkc Yalodcm Bvk tayc:do pckv pcttangkoncmpc dcnggabdopc ka:to; Odokkc do:mvrtokkc gomugko luto “No ngok mc:bomsunam Awwo; nom ngo airu:pc mc:lvgsudag.”

Ngo nolum asilo baptismongcm bito. Cmpige:la Bv nolum Angunnc Yalodokki baptismongcm biyc.”

Odokkc Jisubv bulum luto, “Ngok lcdulo gvmvntok odo ngo nolum tani: crgabnc tani:pc badmoyc.” Odokkc oddung bulu buluk csabkvdv:dcm mcpagamto odokkc Bvk lcdulo gvmvnkang.

Odokkc bulu bvk luyirnamdcm tadla mcngapla:tomang, kapila:nc Bv kemotang kanckoncmpc luyirto, odokkc ainc agom luyirnckvdv:dcmpc lumangai.