ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

aiyo:pc kvla, nv:sv:la sckku:la lckopc, bi:pokdopc, noluk kcra:do yarrvgbiycpc. Kapila:nc noluk kvnamkvdv:dcmpc nolu kvla binamcm pa:latyckupc.”

Ainc tani:dc Bvk ainc kumsungcmpinc asindokkcm ainc attarcm la:lendag, odokkc aima:nc tani:dc bvk aima:nc kumsu:dokkcm aima:ncm la:lendag; kapila:nc asinbo abarungko du:la:mvn bvk nappa:dc agom ludang.

Cmpige:la noluk mirukvdv:dcm aipc mc:langka, odokkc ainc agercm gerrangka, odokkc murkongcm bipo:langka, okkomsin pa:latkupc cmna mc:ma:pc; odokkc noluk amanc bojcru:yc, odokkc Appvng Udbo:ya:pc Du:ncdok omma:pc iyc; kapila:nc ainc agerko ibincdcm mcngkinma:ncdcmlang avwongkcpc mc:suncdcm ayangabodag.

Ayangabopc Mc:ncpc Ilang, Noluk Abub Ayangabokammcmpc.

“Kcbangcm momvnsuyoka, nolumsin kcbangcm moma:ycpc: aimang cmna lugc:yoka, nolumsin aimang cmna luma:ycpc; mc:yinsulangka, nolumsin mc:yinsuycpc; bilangka, odo cdcmv:pc nolumsin biycpc

“Cmpige:la ngo tadla du:nckvdv:scm ludung, noluk mirukvdv:dcm Aipc mc:langka, sc:kobulu nolum tayumdagnc bulum aipc ila:sa:langka, sc:kobulu nolum pelvgdagnc bulum aipc mc:lvglangka, sc:kobulu nolum aisi:ma:nc cmna ludagnc buluk lcgang kumnang.

Odokkc nom kapc tani:kvdv:dc imvlo aipc mc:donc, bulum cdcmv:pc ilangka.

Nom migmo aborkolok piycmvlo akon migmodcmsin pidopc toka:bilang; odokkc nok ku:t galugdcm la:pakbiycmvlo nok galugdcmsin la:yoka cmna lutumyoka. Nokkolok konc appv:dcm bilangka; odokkc nokkolok ainc attarko la:ncdokkcm bvkkolok cdcmbulum lckoda mayokuka.

“Kapila:nc ainc vsvng amvng akosin aima:nc a:ycm e:mang, cdcmanggom lckoda aima:nc vsvngamvngc ainc a:ycm e:dolang

Kapila:nc vsvng appv:dcm odok a:yckvdv:dokki kindag. Kapcnc ta:ngkanc vsv:lokkcm tajvga:ycm pvrkummang, cdcmpcmanggom angurkvdv:dcm agrubnc ta:ngkanc vsv:lokkcm pvrmang.