Text: Timugon Murut © 2013 Bible Society of Malaysia
Audio: Audio recording of the Bible Text ℗ 2019 Hosanna

Timugon Murut 2013 BSM NT Drama

<div class="version vid99 iso6393tih" data-vid="99" data-iso6393="tih">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Namabasan giu' ra kulam ru Bitisda</div><div class="p"> 1Kopongo ragili, minongoi i Jisus ra bandar Jirusalim koson maya' ra rondo' pangiantakan ru ugama Jaudi. 2Giu' no, maar ra umpasan ru bandar ondo' inggalanin ra, &#8220;Kulobon ru Domba&#8221;,#maar ra umpasan ru bandar ondo' inggalanin ra, &#8220;Kulobon ru Domba&#8221;; kapoam: maar ra &#8220;Kulobon ru Domba&#8221; mokoondo' rondo' intok. mokoondo' rondo' kulam, ondo' ralalom ragu ru Ibrani sabiton ra &#8220;Bitisda&#8221;.#Bitisda; Kukula' naskhah nakalair: Betzata. Mamaar ra kulam ti mokoondo' limo ngantulus langgar. 3Masuang ulun marualan salangan-langan ayuk ra tulus i: ilo no ulun bolou, kimpo' am niayuk ondo' kalo makalulu'. [Maginaa ilo ra timug ti luminggan. 4Sabap ra sanganuan, tumuun malaikat ru Tuhan ra kulam no mampalinggan ra timug. Makalinggan timug no, ulun marualan ondo' makapagulu tumolop ra kulam mapali' intor ra atan ayuk pana maruol nali.]#Kukula' naskhah nakalair mamparuang ra ragu ragitio. 5Giu' i mokoondo' sangulun ungkuyon ondo' talu ngoopor am balu' ngambilor noyo marualan. 6Kakito ri Jisus ra parilangan io ra giu' i, am napandayan No ra ulun no nabuoi noyo narualan; kuati' ri Jisus ulun i, &#8220;Masaga' kou kia mapali'?&#8221;</div><div class="p"> 7Taam ulun i, &#8220;Tuan, kolondo' sangulun pana mampatapung raki' ra kulam paat ra timug no luminggan. Mapaat boo ra aku mongoi sosop, makasigulu noyo ulun ra bokon.&#8221;</div><div class="p"> 8Indagu i Jisus riso, &#8220;Sukal no, kayango' apin muno am ugar.&#8221; 9Paat ragili niayuk napali' boo ulun i. Kayango' no apin nali am magigugar io boo.</div><div class="p">Ginio nasauk ra orou Sabat. 10#Nig. 13:19; Jir. 17:21Ginio boo ra indagu tingganai ru ulun ru Jaudi ra ulun ondo' bagu ayuk kapali' i, &#8220;Orou raiti' orou Sabat takau; minanggal kou noyo ra Ukum ri Musa ra nangkayang kou ra apin muno.&#8221;</div><div class="p"> 11Kaa' taam io, &#8220;Ulun ondo' namabas raki' ra raitii' ni, Io noyo nanusub raki', indagu Io, &#8216;Kayango' apin muno am ugar.&#8217; &#8221;</div><div class="p"> 12Pangkuot ilo riso, &#8220;Osoi nanusub rirun nangkayang ra apin muno am mugar?&#8221;</div><div class="p"> 13Kaa' ulun bagu binabas i kalo nakapandai osoi io, sabap ra minongoi i Jisus latok ra ulun masuang ru giu' i.</div><div class="p"> 14Kalo nabuoi ragili, tinuum io ri Jisus giu' ra Baloi Tuhan am ragui' no ulun i, &#8220;Napali' kou noyo raino. Pai' noyo boo inganganai' tula mutu, maa' raginio kalo matiu' kou ra baal makalalaa' poyo.&#8221;</div><div class="p"> 15Ugar ulun i am pambala' ra tingganai ru ulun ru Jaudi, &#8220;I Jisus ti noyo ondo' namabas raki'.&#8221; 16Ginio boo ra timinalimpuun ilo mantipagon ri Jisus, sabap ra namabas Io ra ulun paat ra orou Sabat. 17Kaa' taam i Jisus risilo, &#8220;Ama' Kuno magail mangandoi, am Aku pana musiti' mangandoi.&#8221;</div><div class="p"> 18Ragu raginio nangkinibit ra tingganai ru ulun ru Jaudi gumogot poyo mamatoi Riso. Sabap ra sala' ka minanggal Io ayuk ra Ukum ri Musa ra orou Sabat, kaa' minindagu Io poyo ra i Aki Kapuuno' noyo Ama' Nano; arati' no Io galama' mogondo' ri Aki Kapuuno'.</div><div class="s">Kuasa' ru Anak</div><div class="p"> 19Taam i Jisus risilo, &#8220;Balain takamin toojo: Kalo makapambaal Anak ra atan ayuk pana intor ra kuasa' Nano galama'. Atan ondo' makito Nano baalon ru Ama', ginio ayuk baalon Nano. Sabap ra ondo' baalon ru Ama', nogondo' niayuk ra baalon ru Anak. 20Sabap ra motogom i Ama' ra Anak am manulu' Riso ra atan ayuk baalon Nano galama'. Manulu' Io poyo ra Anak ra baal ondo' maatang poyo saboi mangimuag kau ngai'. 21Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano. 22I Ama' kalo mangakim ra osoi ayuk pana, kaa' ngaangai' kuasa' mangakim no pinataak No noyo ra Anak. 23Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.</div><div class="p"> 24&#8220;Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag. 25Balain takamin toojo: Paat no masuku', am sotopot no nasuku' noyo, ra ulun minatoi pana makapangkirongog ra bolos ru Anak ri Aki Kapuuno', am osoi ayuk mangkirongog am gumagaya', maayag io. 26Koson i Ama' noyo intaran ru kaayagan, nogondo' niayuk ra Anak inanian No ra kuasa' koson Io ti pana intaran ru kaayagan. 27Nangani' Io ra Anak ra kuasa' mangakim, sabap ra Io no Anak ru Ulun. 28Pai' kau pangimuag mangkirongog raginio, sabap ra masuku' paat ra ngaangai' ulun minatoi mokorongog ra bolos Nano. 29#Dan. 12:2Mingkual ilo boo intor ra lobong nilai. Osoi ayuk nambaal ra moonsoi, lumuat io am maayag, kaa' osoi ayuk nambaal ra malaat, lumuat io am ukumin.&#8221;</div><div class="s">Kaintutunan intor ri Jisus</div><div class="p"> 30&#8220;Kalo makapambaal Aku ra atan ayuk pana maya' ra kuasa' Kuno galama'. Kaa' mangakim Aku ra ulun sumugut ra nambalaan ri Ama' Raki'. Matimpok toojo pangakiman Kutu, sabap ra kalo maguyum Aku ra kasagaan galama', kaa' kasagaan Nali ondo' nanusub Raki' i ayuk.</div><div class="p"> 31&#8220;Amon ru Aku ayuk galama' mampaintutun ra baal Kutu, kaintutunan Kuno kalo maaya' intopoton. 32Kaa' mokoondo' poyo ondo' mampaintutun intor Raki', am nakapandai Aku ra kaintutunan Nano motopot. 33#Jua. 1:19-27; 3:27-30Akau no nanusub ra ulun mongoi pangkuot ri Juanis osoi Aku, am kaintutunan nano intor Raki' motopot. 34Aku kalo pana paintutunon ru ulun, kaa' raguon Ku gitio, maa' raginio bayagon kau. 35I Juanis i koson ra lampung ondo' mapaang am mampakasinda, kaa' sangkinolor ayuk akau masaga' siminia' ra sinda nali. 36Kaa' mokoondo' kaintutunan ra bokon ondo' maatang poyo intor ra kaintutunan ri Juanis i. Io ginio atan ondo' baalon Kutu, ondo' pinalansan ri Ama' Raki', ngaangai' ti mampainono' ra i Ama' noyo nanusub Raki'. 37#Mat. 3:17; Mrk. 1:11; Luk. 3:22I Ama', ondo' nanusub Raki', Io no galama' mampaintutun Raki'. Akau kalo poyo igondo' pokorongog ra bolos Nali kapoam pakakito ra bulos Nali. 38Ragu Nano kalo sumoroi ra guang min, sabap ra kalo mangintopot kau Riso ondo' sinusub Nali. 39Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki', 40kaa' marara' kau matong Raki' koson mokoowot ra kaayagan motopot.</div><div class="p"> 41&#8220;Kalo makiompor Aku ra ulun. 42Kaa' koson ramuyun, nakaulig Aku ra kalo motogom kau ri Aki Kapuuno' ralalom ru guang min. 43Aku minatong nabaya' ra kuasa' ru Ama' Kuno, kaa' kalo inapu min Aku. Kaa' amon ru mokoondo' poyo ulun ra bokon matong ramuyun mabaya' ra kuasa' nano galama', io apuon min. 44Ati kulaan kau makapangintopot Raki', amon ru makiompor kau ayuk ra ulun am kalo makiompor kau ri Aki Kapuuno' ondo' rondo' ayuk. 45Pai' kau pangkara' ra Aku manguu' ramuyun ra saang ru Ama' Kuno. I nabi Musa ondo' manguu' ramuyun, io no ondo' lalansanin min. 46Amon ru totopot kau nangintopot ri Musa, maaru' nangintopot kau niayuk Raki', sabap ra io pana nanulis noyo intor Raki'. 47Kaa' amon ru kalo nangintopot kau ra tinulisan nali, ati kulaan akau mangintopot ra atan raguon Kutu?&#8221;</div>
 </div>
 </div>
</div>

Hakcipta © Bible Society of Malaysia, 2013.

Kopongo ragili, minongoi i Jisus ra bandar Jirusalim koson maya' ra rondo' pangiantakan ru ugama Jaudi. Giu' no, maar ra umpasan ru bandar ondo' inggalanin ra, “Kulobon ru Domba”, mokoondo' rondo' kulam, ondo' ralalom ragu ru Ibrani sabiton ra “Bitisda”. Mamaar ra kulam ti mokoondo' limo ngantulus langgar. Masuang ulun marualan salangan-langan ayuk ra tulus i: ilo no ulun bolou, kimpo' am niayuk ondo' kalo makalulu'. [Maginaa ilo ra timug ti luminggan. Sabap ra sanganuan, tumuun malaikat ru Tuhan ra kulam no mampalinggan ra timug. Makalinggan timug no, ulun marualan ondo' makapagulu tumolop ra kulam mapali' intor ra atan ayuk pana maruol nali.] Giu' i mokoondo' sangulun ungkuyon ondo' talu ngoopor am balu' ngambilor noyo marualan. Kakito ri Jisus ra parilangan io ra giu' i, am napandayan No ra ulun no nabuoi noyo narualan; kuati' ri Jisus ulun i, “Masaga' kou kia mapali'?”
Taam ulun i, “Tuan, kolondo' sangulun pana mampatapung raki' ra kulam paat ra timug no luminggan. Mapaat boo ra aku mongoi sosop, makasigulu noyo ulun ra bokon.”
Indagu i Jisus riso, “Sukal no, kayango' apin muno am ugar.” Paat ragili niayuk napali' boo ulun i. Kayango' no apin nali am magigugar io boo.
Ginio nasauk ra orou Sabat. Ginio boo ra indagu tingganai ru ulun ru Jaudi ra ulun ondo' bagu ayuk kapali' i, “Orou raiti' orou Sabat takau; minanggal kou noyo ra Ukum ri Musa ra nangkayang kou ra apin muno.”
Kaa' taam io, “Ulun ondo' namabas raki' ra raitii' ni, Io noyo nanusub raki', indagu Io, ‘Kayango' apin muno am ugar.’ ”
Pangkuot ilo riso, “Osoi nanusub rirun nangkayang ra apin muno am mugar?”
Kaa' ulun bagu binabas i kalo nakapandai osoi io, sabap ra minongoi i Jisus latok ra ulun masuang ru giu' i.
Kalo nabuoi ragili, tinuum io ri Jisus giu' ra Baloi Tuhan am ragui' no ulun i, “Napali' kou noyo raino. Pai' noyo boo inganganai' tula mutu, maa' raginio kalo matiu' kou ra baal makalalaa' poyo.”
Ugar ulun i am pambala' ra tingganai ru ulun ru Jaudi, “I Jisus ti noyo ondo' namabas raki'.” Ginio boo ra timinalimpuun ilo mantipagon ri Jisus, sabap ra namabas Io ra ulun paat ra orou Sabat. Kaa' taam i Jisus risilo, “Ama' Kuno magail mangandoi, am Aku pana musiti' mangandoi.”
Ragu raginio nangkinibit ra tingganai ru ulun ru Jaudi gumogot poyo mamatoi Riso. Sabap ra sala' ka minanggal Io ayuk ra Ukum ri Musa ra orou Sabat, kaa' minindagu Io poyo ra i Aki Kapuuno' noyo Ama' Nano; arati' no Io galama' mogondo' ri Aki Kapuuno'.

Taam i Jisus risilo, “Balain takamin toojo: Kalo makapambaal Anak ra atan ayuk pana intor ra kuasa' Nano galama'. Atan ondo' makito Nano baalon ru Ama', ginio ayuk baalon Nano. Sabap ra ondo' baalon ru Ama', nogondo' niayuk ra baalon ru Anak. Sabap ra motogom i Ama' ra Anak am manulu' Riso ra atan ayuk baalon Nano galama'. Manulu' Io poyo ra Anak ra baal ondo' maatang poyo saboi mangimuag kau ngai'. Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano. I Ama' kalo mangakim ra osoi ayuk pana, kaa' ngaangai' kuasa' mangakim no pinataak No noyo ra Anak. Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.
“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag. Balain takamin toojo: Paat no masuku', am sotopot no nasuku' noyo, ra ulun minatoi pana makapangkirongog ra bolos ru Anak ri Aki Kapuuno', am osoi ayuk mangkirongog am gumagaya', maayag io. Koson i Ama' noyo intaran ru kaayagan, nogondo' niayuk ra Anak inanian No ra kuasa' koson Io ti pana intaran ru kaayagan. Nangani' Io ra Anak ra kuasa' mangakim, sabap ra Io no Anak ru Ulun. Pai' kau pangimuag mangkirongog raginio, sabap ra masuku' paat ra ngaangai' ulun minatoi mokorongog ra bolos Nano. Mingkual ilo boo intor ra lobong nilai. Osoi ayuk nambaal ra moonsoi, lumuat io am maayag, kaa' osoi ayuk nambaal ra malaat, lumuat io am ukumin.”

“Kalo makapambaal Aku ra atan ayuk pana maya' ra kuasa' Kuno galama'. Kaa' mangakim Aku ra ulun sumugut ra nambalaan ri Ama' Raki'. Matimpok toojo pangakiman Kutu, sabap ra kalo maguyum Aku ra kasagaan galama', kaa' kasagaan Nali ondo' nanusub Raki' i ayuk.
“Amon ru Aku ayuk galama' mampaintutun ra baal Kutu, kaintutunan Kuno kalo maaya' intopoton. Kaa' mokoondo' poyo ondo' mampaintutun intor Raki', am nakapandai Aku ra kaintutunan Nano motopot. Akau no nanusub ra ulun mongoi pangkuot ri Juanis osoi Aku, am kaintutunan nano intor Raki' motopot. Aku kalo pana paintutunon ru ulun, kaa' raguon Ku gitio, maa' raginio bayagon kau. I Juanis i koson ra lampung ondo' mapaang am mampakasinda, kaa' sangkinolor ayuk akau masaga' siminia' ra sinda nali. Kaa' mokoondo' kaintutunan ra bokon ondo' maatang poyo intor ra kaintutunan ri Juanis i. Io ginio atan ondo' baalon Kutu, ondo' pinalansan ri Ama' Raki', ngaangai' ti mampainono' ra i Ama' noyo nanusub Raki'. I Ama', ondo' nanusub Raki', Io no galama' mampaintutun Raki'. Akau kalo poyo igondo' pokorongog ra bolos Nali kapoam pakakito ra bulos Nali. Ragu Nano kalo sumoroi ra guang min, sabap ra kalo mangintopot kau Riso ondo' sinusub Nali. Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki', kaa' marara' kau matong Raki' koson mokoowot ra kaayagan motopot.
“Kalo makiompor Aku ra ulun. Kaa' koson ramuyun, nakaulig Aku ra kalo motogom kau ri Aki Kapuuno' ralalom ru guang min. Aku minatong nabaya' ra kuasa' ru Ama' Kuno, kaa' kalo inapu min Aku. Kaa' amon ru mokoondo' poyo ulun ra bokon matong ramuyun mabaya' ra kuasa' nano galama', io apuon min. Ati kulaan kau makapangintopot Raki', amon ru makiompor kau ayuk ra ulun am kalo makiompor kau ri Aki Kapuuno' ondo' rondo' ayuk. Pai' kau pangkara' ra Aku manguu' ramuyun ra saang ru Ama' Kuno. I nabi Musa ondo' manguu' ramuyun, io no ondo' lalansanin min. Amon ru totopot kau nangintopot ri Musa, maaru' nangintopot kau niayuk Raki', sabap ra io pana nanulis noyo intor Raki'. Kaa' amon ru kalo nangintopot kau ra tinulisan nali, ati kulaan akau mangintopot ra atan raguon Kutu?”

ያዳምጡ JUANIS 5