Gwahatike - 2000 Edition (NT)

<div class="version vid939 iso6393dah" data-vid="939" data-iso6393="dah">
    <div class="book bkMAT">
        <div class="chapter ch3" data-usfm="MAT.3">
            <div class="label">3</div><div class="s"><span class="heading">Yon Baptais bele&#331; mere tagalde hinhin</span></div><div class="r"><span class="heading">(</span><span class="heading">Mak 1:1-8</span><span class="heading">; </span><span class="heading">Luk 3:1-18</span><span class="heading">; </span><span class="heading">Yon 1:19-28</span><span class="heading">)</span></div><div class="p"><span class="content">  </span><span class="verse v1" data-usfm="MAT.3.1"><span class="label">1</span><span class="content">Be, dama budam kukeb al kura Yon Baptais ine&#331; hinhan goyen Yudia na&#331;are sawsawa po kuru&#331; na&#331;a bana go&#331; wa&#331;be saba tagal tagal mi&#331; uryi&#331;. </span></span><span class="verse v2" data-usfm="MAT.3.2"><span class="label">2</span><span class="content">Saba te&#331; hinhin gobe gahade: &#8220;Al Kuru&#331; bele&#331; alya bereyami&#331; doya&#331; yirtek nalube bikke&#331; binde hihi. Ni&#331;geb ye&#331; yufuk bana hitek ye&#331; nurde ha&#331; kenem mata bulu&#331;ti&#331; yubul te&#331; ye&#331; ge biti&#331; mulga&#331; henayi&#331;,&#8221; yine&#331; hinhin. </span></span><span class="verse v3" data-usfm="MAT.3.3"><span class="label">3</span><span class="content">Mete&#331; goyen te&#331; hinhin al Yon Baptais goke bikke&#331; Al Kuru&#331;yen mere basa&#331; al Aisaia bele&#331; gaha yiri&#331;:</span></span></div><div class="q1"><span class="verse v3" data-usfm="MAT.3.3"><span class="content">&#8220;Sawsawa po kuru&#331; na&#331;a bana go&#331; al kura forok ye&#331;be alya bereya bele&#331; Doya&#331; Al Kuru&#331;yen mere nurde gama ird ird ni&#331; dufay gitik te&#331; te&#331; ge gahade kuware tagalde hiye&#331;:</span></span></div><div class="q2"><span class="verse v3" data-usfm="MAT.3.3"><span class="content">&#8216;Doya&#331; Al Kuru&#331;yen bele&#331; kerna&#331;.</span></span></div><div class="q2"><span class="verse v3" data-usfm="MAT.3.3"><span class="content">Bele&#331;mi&#331; sope irde huwa irna&#331;,&#8217; ye&#331; hiye&#331;,&#8221; ye&#331; kayyi&#331;. </span><span class="rq"><span class="content">Aisaia 40:3</span></span></span></div><div class="p"><span class="verse v3" data-usfm="MAT.3.3"><span class="content">  </span></span><span class="verse v4" data-usfm="MAT.3.4"><span class="label">4</span><span class="content">Be, al gote uli&#331;horbe dap&#331;a kamel wuy&#331;e&#331; bele&#331; irti&#331; goyen hor irdeb dap&#331;a sikke&#331; gore po ka&#331;mi&#331; irde uli&#331;hor goyen mal temdere giti irde hiyen. Irdeb bi&#331;gemi&#331;be gusuya yala&#331;gu fimi&#331;ya po nene hiyen. </span></span><span class="verse v5" data-usfm="MAT.3.5"><span class="label">5</span><span class="content">Irkeb Yudia na&#331;a bana go&#331; ni&#331; taun kuru&#331; Yerusalemya na&#331;a bana go&#331; ni&#331; taun hoya&#331; hoya&#331;yabe Yodan fe si&#331;a bana go&#331; ni&#331; marya kuru&#331; goyen Yon hitte ku&#331;be </span></span><span class="verse v6" data-usfm="MAT.3.6"><span class="label">6</span><span class="content">mata bulu&#331;mi&#331; ge Al Kuru&#331; pohogay irkeb Yon bele&#331; Yodan fe bana baptais yirde hinhin.</span></span></div><div class="p"><span class="verse v6" data-usfm="MAT.3.6"><span class="content">  </span></span><span class="verse v7" data-usfm="MAT.3.7"><span class="label">7</span><span class="content">Be, Yuda marte tikula sa&#331;i&#331; po gama irde ha&#331;yen Farisi marya Sadusi marya budam Yon bele&#331; al baptais yirde hinhinde gor wake yene&#331;be, &#8220;De&#331;be mata bulu&#331; po te&#331; ha&#331; gega, mali baptais tini&#331; ye&#331; wayha&#331;? De&#331; gab dufayti&#331; bulu&#331; wor po kunere dir&#331;e&#331; we&#331; yara. Goyenbe mali baptais tetek gab Al Kuru&#331;yen bearar ma kentek ye&#331; nurde ha&#331;? Ganu&#331; bele&#331; gwaha dinu&#331;? Epte ma wor po busaharnayi&#331; geb! </span></span><span class="verse v8" data-usfm="MAT.3.8"><span class="label">8</span><span class="content">Ni&#331;geb Al Kuru&#331;yen bearar bana ma hitek ye&#331; nurde ha&#331; kenem mata bulu&#331;ti&#331; yubul te&#331; ye&#331; ge biti&#331; mulga&#331; ha&#331; gote igine&#331; Al Kuru&#331; dili&#331;de mata igi&#331; huwak goyen po te&#331; hinayi&#331;. </span></span><span class="verse v9" data-usfm="MAT.3.9"><span class="label">9</span><span class="content">Irde dindike&#331; ge ye&#331;, &#8216;Ne&#331;be Abraham dir&#331;e&#331; we&#331;,&#8217; ma ye&#331; hinayi&#331;. Al Kuru&#331;be igi&#331; hora gayen yade Abrahamyen dir&#331;e&#331; we&#331; yirye&#331; geb, mata bulu&#331;ti&#331; ma yubul tinayi&#331;be mereti&#331; gobe mi&#331; mi&#331;mo&#331; wor po hiyye&#331;. </span></span><span class="verse v10" data-usfm="MAT.3.10"><span class="label">10</span><span class="content">Be, saporbe bikke&#331; he mi&#331;de kerd kerd ni&#331; ep irti&#331; hi yara Al Kuru&#331; bele&#331; mata bulu&#331;ti&#331; gote muru&#331;gem duntek binde wor po hi. Ni&#331;geb he kura igine&#331; ma he&#331; hiye&#331; gobe ilde kak alare temeynayi&#331; go gwahade goyen po, de&#331; gayen mata bulu&#331;ti&#331; yubul ma tinayi&#331;be Al Kuru&#331; bele&#331; dakira te&#331; kak alare dimiyye&#331;.</span></span></div><div class="p"><span class="verse v10" data-usfm="MAT.3.10"><span class="content">  </span></span><span class="verse v11" data-usfm="MAT.3.11"><span class="label">11</span><span class="content">&#8220;Nebe mata bulu&#331;ti&#331; yubul te&#331; Al Kuru&#331; ni&#331; biti&#331; mulga&#331; hekeb fe uli&#331; po baptais dirde hime. Goyenbe harhokner al kura wayye&#331;. Al gote tare&#331;be kuru&#331; wor po. Ye&#331;be al tur&#331;u&#331; ya&#331; wor po geb, ne gahade gare epte ma ye&#331; ge te&#331; mete&#331; kuru&#331; titek hime. Kaha&#331; basa&#331;mi&#331; te&#331; ku&#331; ku&#331; gobe mete&#331; kuru&#331; mo&#331; gega, goyen wor epte mo&#331; ye&#331; nurde hime. Ye&#331; bele&#331; gab Holi Spiritya kakya bele&#331; baptais dirye&#331;. </span></span><span class="verse v12" data-usfm="MAT.3.12"><span class="label">12</span><span class="content">Irde ye&#331;be al kura wit igine&#331; yaware&#331; ye&#331; kutummi&#331; tuku&#331; igine&#331;ya sikke&#331;ya pota yirde igine&#331;be goyen yerd yerd ya bana yerde sikke&#331;be yade kumga tiyye&#331; go gwahade goyen dirye&#331;. Ni&#331;geb al kame wayye&#331; goreb meremi&#331; ma gama irde hinayi&#331; marbe kak hugi&#331;e&#331; hitekde gor yimiyye&#331;,&#8221; yinyi&#331;.</span></span></div><div class="s"><span class="heading">Yon Baptais bele&#331; Yesu baptais iryi&#331;</span></div><div class="r"><span class="heading">(</span><span class="heading">Mak 1:9-11</span><span class="heading">; </span><span class="heading">Luk 3:21-22</span><span class="heading">)</span></div><div class="p"><span class="verse v12" data-usfm="MAT.3.12"><span class="content">  </span></span><span class="verse v13" data-usfm="MAT.3.13"><span class="label">13</span><span class="content">Goyarebe Yesu gob Yon bele&#331; baptais niri ye&#331;be Galili na&#331;are mat Yodan fete kuri&#331;. </span></span><span class="verse v14" data-usfm="MAT.3.14"><span class="label">14</span><span class="content">Wake kene&#331;be Yon bele&#331; pet te&#331;be, &#8220;Ge bele&#331; gab ne baptais nirtek gega, dani&#331; bul mat, &#8216;Ye&#331; bele&#331; baptais niri,&#8217; ye&#331; ne hitte wayha?&#8221; inyi&#331;. </span></span><span class="verse v15" data-usfm="MAT.3.15"><span class="label">15</span><span class="content">Irkeb Yesu bele&#331; wol he&#331;be, &#8220;Mekerke ha&#331;kabe ne nurhem gwahade nira. Gogab Al Kuru&#331;yen dufay huwak wor po goyen tum&#331;a&#331; deyya bele&#331; kawan forok irye&#331;. Gwaha tiye&#331; gab igi&#331; ye&#331; nurde hime,&#8221; inyi&#331;. Irkeb Yon bele&#331; fe alare tuku&#331; baptais iryi&#331;.</span></span></div><div class="p"><span class="verse v15" data-usfm="MAT.3.15"><span class="content">  </span></span><span class="verse v16" data-usfm="MAT.3.16"><span class="label">16</span><span class="content">Be, Yesu go baptais te&#331;be fe tubul te&#331; si&#331;are wayyi&#331;. Wakeb goyare goyen po na&#331;ki&#331; hol yiri&#331;. Hol yekeb Holi Spiritbe Yesu hitte nu foy te&#331; katti&#331;e&#331; te&#331; ye&#331; hende keperke yi&#331;ge&#331; kinyi&#331;. </span></span><span class="verse v17" data-usfm="MAT.3.17"><span class="label">17</span><span class="content">Irkeb al melak kura na&#331;ki&#331;de mat, &#8220;Al gabe urne bubulku&#331;ne wor po. Ye&#331; ge ama&#331;e&#331; wor po nurde hime,&#8221; yiri&#331;.</span></span></div>
        </div>
    </div>
</div>

Be, dama budam kukeb al kura Yon Baptais ineŋ hinhan goyen Yudia naŋare sawsawa po kuruŋ naŋa bana goŋ waŋbe saba tagal tagal miŋ uryiŋ. Saba teŋ hinhin gobe gahade: “Al Kuruŋ beleŋ alya bereyamiŋ doyaŋ yirtek nalube bikkeŋ binde hihi. Niŋgeb yeŋ yufuk bana hitek yeŋ nurde haŋ kenem mata buluŋtiŋ yubul teŋ yeŋ ge bitiŋ mulgaŋ henayiŋ,” yineŋ hinhin. Meteŋ goyen teŋ hinhin al Yon Baptais goke bikkeŋ Al Kuruŋyen mere basaŋ al Aisaia beleŋ gaha yiriŋ:
“Sawsawa po kuruŋ naŋa bana goŋ al kura forok yeŋbe alya bereya beleŋ Doyaŋ Al Kuruŋyen mere nurde gama ird ird niŋ dufay gitik teŋ teŋ ge gahade kuware tagalde hiyeŋ:
‘Doyaŋ Al Kuruŋyen beleŋ kernaŋ.
Beleŋmiŋ sope irde huwa irnaŋ,’ yeŋ hiyeŋ,” yeŋ kayyiŋ.
Be, al gote uliŋhorbe dapŋa kamel wuyŋeŋ beleŋ irtiŋ goyen hor irdeb dapŋa sikkeŋ gore po kaŋmiŋ irde uliŋhor goyen mal temdere giti irde hiyen. Irdeb biŋgemiŋbe gusuya yalaŋgu fimiŋya po nene hiyen. Irkeb Yudia naŋa bana goŋ niŋ taun kuruŋ Yerusalemya naŋa bana goŋ niŋ taun hoyaŋ hoyaŋyabe Yodan fe siŋa bana goŋ niŋ marya kuruŋ goyen Yon hitte kuŋbe mata buluŋmiŋ ge Al Kuruŋ pohogay irkeb Yon beleŋ Yodan fe bana baptais yirde hinhin.
Be, Yuda marte tikula saŋiŋ po gama irde haŋyen Farisi marya Sadusi marya budam Yon beleŋ al baptais yirde hinhinde gor wake yeneŋbe, “Deŋbe mata buluŋ po teŋ haŋ gega, mali baptais tiniŋ yeŋ wayhaŋ? Deŋ gab dufaytiŋ buluŋ wor po kunere dirŋeŋ weŋ yara. Goyenbe mali baptais tetek gab Al Kuruŋyen bearar ma kentek yeŋ nurde haŋ? Ganuŋ beleŋ gwaha dinuŋ? Epte ma wor po busaharnayiŋ geb! Niŋgeb Al Kuruŋyen bearar bana ma hitek yeŋ nurde haŋ kenem mata buluŋtiŋ yubul teŋ yeŋ ge bitiŋ mulgaŋ haŋ gote igineŋ Al Kuruŋ diliŋde mata igiŋ huwak goyen po teŋ hinayiŋ. Irde dindikeŋ ge yeŋ, ‘Neŋbe Abraham dirŋeŋ weŋ,’ ma yeŋ hinayiŋ. Al Kuruŋbe igiŋ hora gayen yade Abrahamyen dirŋeŋ weŋ yiryeŋ geb, mata buluŋtiŋ ma yubul tinayiŋbe meretiŋ gobe miŋ miŋmoŋ wor po hiyyeŋ. Be, saporbe bikkeŋ he miŋde kerd kerd niŋ ep irtiŋ hi yara Al Kuruŋ beleŋ mata buluŋtiŋ gote muruŋgem duntek binde wor po hi. Niŋgeb he kura igineŋ ma heŋ hiyeŋ gobe ilde kak alare temeynayiŋ go gwahade goyen po, deŋ gayen mata buluŋtiŋ yubul ma tinayiŋbe Al Kuruŋ beleŋ dakira teŋ kak alare dimiyyeŋ.
“Nebe mata buluŋtiŋ yubul teŋ Al Kuruŋ niŋ bitiŋ mulgaŋ hekeb fe uliŋ po baptais dirde hime. Goyenbe harhokner al kura wayyeŋ. Al gote tareŋbe kuruŋ wor po. Yeŋbe al turŋuŋ yaŋ wor po geb, ne gahade gare epte ma yeŋ ge teŋ meteŋ kuruŋ titek hime. Kahaŋ basaŋmiŋ teŋ kuŋ kuŋ gobe meteŋ kuruŋ moŋ gega, goyen wor epte moŋ yeŋ nurde hime. Yeŋ beleŋ gab Holi Spiritya kakya beleŋ baptais diryeŋ. Irde yeŋbe al kura wit igineŋ yawareŋ yeŋ kutummiŋ tukuŋ igineŋya sikkeŋya pota yirde igineŋbe goyen yerd yerd ya bana yerde sikkeŋbe yade kumga tiyyeŋ go gwahade goyen diryeŋ. Niŋgeb al kame wayyeŋ goreb meremiŋ ma gama irde hinayiŋ marbe kak hugiŋeŋ hitekde gor yimiyyeŋ,” yinyiŋ.


Goyarebe Yesu gob Yon beleŋ baptais niri yeŋbe Galili naŋare mat Yodan fete kuriŋ. Wake keneŋbe Yon beleŋ pet teŋbe, “Ge beleŋ gab ne baptais nirtek gega, daniŋ bul mat, ‘Yeŋ beleŋ baptais niri,’ yeŋ ne hitte wayha?” inyiŋ. Irkeb Yesu beleŋ wol heŋbe, “Mekerke haŋkabe ne nurhem gwahade nira. Gogab Al Kuruŋyen dufay huwak wor po goyen tumŋaŋ deyya beleŋ kawan forok iryeŋ. Gwaha tiyeŋ gab igiŋ yeŋ nurde hime,” inyiŋ. Irkeb Yon beleŋ fe alare tukuŋ baptais iryiŋ.
Be, Yesu go baptais teŋbe fe tubul teŋ siŋare wayyiŋ. Wakeb goyare goyen po naŋkiŋ hol yiriŋ. Hol yekeb Holi Spiritbe Yesu hitte nu foy teŋ kattiŋeŋ teŋ yeŋ hende keperke yiŋgeŋ kinyiŋ. Irkeb al melak kura naŋkiŋde mat, “Al gabe urne bubulkuŋne wor po. Yeŋ ge amaŋeŋ wor po nurde hime,” yiriŋ.

ያዳምጡ Matiyu 3