If you have would like a copy of this version please contact info@davarpartners.org

Cipangano Cipiya 2015

<div class="version vid888 iso6393ilb" data-vid="888" data-iso6393="ilb">
 <div class="book bkMAT">
 <div class="chapter ch19" data-usfm="MAT.19">
 <div class="label">19</div><div class="s">Jeso Wayiisha Makani Aakulekana</div><div class="r">(Maako 10:1-12)</div><div class="p"> 1Inzho Jeso amane kubaambila mazwi aza wakakuhwa ku Galilaya, waya mucishi ca Judiya kumutala wa Joodani. 2Makamu makamu a bantu akamucilila, ubobo wakabaponya nkukona koko.</div><div class="p"> 3Ba Falisi bakeza kumusunka bakamubuzha ati, &#8220;Sa muntu ulyeelele kumuleka mwinakwe kufwumbwa kaambo?&#8221; 4#Mata 1:27; 5:2Walo wakaingula ati, &#8220;Sa mwiina nimwakabala ati kumalengelo mulengi wakalenga mulombwana u mukaintu? 5#Mata 2:24Ubobo mulombwana ulakashiya ushi u baina ukukakatila kumwinakwe. Ulimwi babo bobile ulaba mubili womwi. 6Tabacili bobile baba mubili womwi. Ubobo ncaaswaanganya Leza, kutabi muntu ucaandaanya.&#8221; 7#Ciz 24:1-4; Mat 5:31Bamane bamubuzha ulimwi ati, &#8220;No nkaamboonzhi Mozesi wakalailila ati mulombwana ape mwinakwe lu&#331;walu lwa kumuleka amana amuleke?&#8221; 8Jeso wakaingula ati, &#8220;Nkaambo kakuti muli bazumu myonzo ncaakamuhumizhizha Mozesi kuleka benenu, pele kumalengelo kacitali bobo pe.&#8221; 9#Mat 5:32; 1 Bako 7:10, 11Inzho ndamwaambila ati, &#8220;Kufwumbwa uuleka mwinakwe kukaambo kamwi bulyo katali kakubucilwa, amana watwala uunji, wezo ati wacita bumambe.&#8221;</div><div class="p"> 10Bamane ba shiciiya bakamwaambila ati, &#8220;Naa kuti mbukabele kaambo bobo ku makani a mulombwana u mwinakwe, nkukwaamba ncibotu kutatwala.&#8221; 11Jeso wakabeta ati, &#8220;Lolu lwiiyo tabali bantu boonse bakonzha kulutambula, cita bulyo kuli babo Leza mbaalupele. 12Nkaambo nkubali bamwi batakonzha kutwala ukaambo kabuzhalwe bwabo. Bamwi tabatwali kaambo bantu bakabacita bobo. Ulimwi nkubali ubamwi batatwali ukaambo ka bwami bwa kwizeulu. Kufwumbwa wezo uukonzha kutambula lolu lwiiyo naacite bobo.&#8221;</div><div class="s">Jeso Wabalongezha Bana Bashoonto</div><div class="r">(Maako 10:13-16; Luka 18:15-17)</div><div class="p"> 13Bamwi bantu bakaleta bana bashoonto kwa Jeso kwaamba abaampe matashi ukubakombela, pele ba shiciiya bakabalemanina babo bantu. 14Jeso wakaamba ati, &#8220;Amubaleke bana beze kwangu mutabakasha pe, nkaambo bwami bwa kwizeulu mbwabo bali bolya.&#8221; 15Ubobo wakabaampa matashi amane wakabashiya.</div><div class="s">Muhubi mukubushi</div><div class="r">(Maako 10:17-31; Luka 18:18-30)</div><div class="p"> 16Umwi mulombwana wakeza kwa Jeso waamba ati, &#8220;Mwiiyi anu ncite nzhi cibotu kwaamba nkabuyane bumi butamana?&#8221;</div><div class="p"> 17Wakamwaambila ati, &#8220;No kaamboonzhi ncuumbuzha ati nciciliye cibotu. Mubotu uli womwi bulyo. Kuti naa ulazanda kuya kunjila mu bumi butamana cilila milawo.&#8221;</div><div class="p"> 18 # 
 Kul 20:13; Ciz 5:17; 
 Kul 20:14; Ciz 5:18; 
 Kul 20:15; Ciz 5:19; 
 Kul 20:16; Ciz 5:20 Walo wakabuzha ati, &#8220;Anu milawo nzhi?&#8221; Jeso wakaamba ati, &#8220;Utayaya, utaciti bumambe, utebi, utalenjelezha mweenzhinoko kaambo, 19#Kul 20:12; Ciz 5:16; Bale 19:18Lemeka uso u banoko, ulimwi fwuna mweenzhinoko umbona mbuulifwini umwini?&#8221; 20Wezo mulombwana wakaamba ati, &#8220;Yezhi yoonse ndeebamba. No kwashaala nzhi?&#8221; 21Jeso wakamwiingula ati, &#8220;Kuti naa ulazanda kulondoka, koya ukauzhe shoonse nshuukwete. Mali nguukayana ukape bapushi. Buhubi ulakabuyana kwizeulu. Wamana uzhize uncilile.&#8221; 22Wezu mulombwana naakaateelela aza makani wakaya ulyuusile nkaambo kakwete lubono lunji lunji.</div><div class="p"> 23Jeso wakabaambila ba shiciiya ati, &#8220;Cini cini ndamushimwina ati ncizumu ku muntu muhubi kwaamba akenjile mu bwami bwa kwizeulu. 24Ulimwi ndamwaambila ati ncuubauba inkamela kunjila mukapulo kansonde kubaala muntu muhubi kwaamba anjile mu bwami bwa Leza.&#8221; 25Ba shiciiya nibakaateelela aza bakazhingwa cini cini u kwaamba ati, &#8220;Alo kulakaba ukaafwutuka?&#8221; 26Pele Jeso wakabalanjilila wabaambila ati, &#8220;Ku bantu ceci ncizumu, pele kwa Leza shoonse shintu shilakonzha kucitika.&#8221; 27Pita wakaingula ati, &#8220;Kayi bona uswe twakashishiya shoonse twakakucilila, no tulakapewaanzhi?&#8221; 28#Mat 25:31; Lk 22:30Jeso wakabaambila ati, &#8220;Cini cini ndamwaambila ati mubulenge bupiya, lelyo Mwanaa Muntu naakaakala acuuna cakwe ca bulemu, amwe numuncilila mulakakala a shuuna shili ikumi ushuuna shobile sha bwami u kubeteka mishobo iili ikumi iitwesha yobile ya Izilaili. 29Ubobo kufwumbwa wezo wakashiya munzhi nibaba banina balombwana u bakaintu, naa ushi naaba baina naa bana, niiba myuunda yakwe ukaambo kezhina lyangu ulakatambula shishika ku mwaanda kubaala nshaakashiya ulimwi ulakakona bumi butamana. 30#Mat 20:16; Lk 13:30Pele banji banji bataanzhi balakaba bashaalizhi, abo bashaalizhi balakaba bataanzhi.&#8221;</div>
 </div>
 </div>
</div>

Ila New Testament © Bible Society of Zambia, 2015.

Inzho Jeso amane kubaambila mazwi aza wakakuhwa ku Galilaya, waya mucishi ca Judiya kumutala wa Joodani. Makamu makamu a bantu akamucilila, ubobo wakabaponya nkukona koko.
Ba Falisi bakeza kumusunka bakamubuzha ati, “Sa muntu ulyeelele kumuleka mwinakwe kufwumbwa kaambo?” Walo wakaingula ati, “Sa mwiina nimwakabala ati kumalengelo mulengi wakalenga mulombwana u mukaintu? Ubobo mulombwana ulakashiya ushi u baina ukukakatila kumwinakwe. Ulimwi babo bobile ulaba mubili womwi. Tabacili bobile baba mubili womwi. Ubobo ncaaswaanganya Leza, kutabi muntu ucaandaanya.” Bamane bamubuzha ulimwi ati, “No nkaamboonzhi Mozesi wakalailila ati mulombwana ape mwinakwe luŋwalu lwa kumuleka amana amuleke?” Jeso wakaingula ati, “Nkaambo kakuti muli bazumu myonzo ncaakamuhumizhizha Mozesi kuleka benenu, pele kumalengelo kacitali bobo pe.” Inzho ndamwaambila ati, “Kufwumbwa uuleka mwinakwe kukaambo kamwi bulyo katali kakubucilwa, amana watwala uunji, wezo ati wacita bumambe.”
Bamane ba shiciiya bakamwaambila ati, “Naa kuti mbukabele kaambo bobo ku makani a mulombwana u mwinakwe, nkukwaamba ncibotu kutatwala.” Jeso wakabeta ati, “Lolu lwiiyo tabali bantu boonse bakonzha kulutambula, cita bulyo kuli babo Leza mbaalupele. Nkaambo nkubali bamwi batakonzha kutwala ukaambo kabuzhalwe bwabo. Bamwi tabatwali kaambo bantu bakabacita bobo. Ulimwi nkubali ubamwi batatwali ukaambo ka bwami bwa kwizeulu. Kufwumbwa wezo uukonzha kutambula lolu lwiiyo naacite bobo.”


Bamwi bantu bakaleta bana bashoonto kwa Jeso kwaamba abaampe matashi ukubakombela, pele ba shiciiya bakabalemanina babo bantu. Jeso wakaamba ati, “Amubaleke bana beze kwangu mutabakasha pe, nkaambo bwami bwa kwizeulu mbwabo bali bolya.” Ubobo wakabaampa matashi amane wakabashiya.


Umwi mulombwana wakeza kwa Jeso waamba ati, “Mwiiyi anu ncite nzhi cibotu kwaamba nkabuyane bumi butamana?”
Wakamwaambila ati, “No kaamboonzhi ncuumbuzha ati nciciliye cibotu. Mubotu uli womwi bulyo. Kuti naa ulazanda kuya kunjila mu bumi butamana cilila milawo.”
Walo wakabuzha ati, “Anu milawo nzhi?” Jeso wakaamba ati, “Utayaya, utaciti bumambe, utebi, utalenjelezha mweenzhinoko kaambo, Lemeka uso u banoko, ulimwi fwuna mweenzhinoko umbona mbuulifwini umwini?” Wezo mulombwana wakaamba ati, “Yezhi yoonse ndeebamba. No kwashaala nzhi?” Jeso wakamwiingula ati, “Kuti naa ulazanda kulondoka, koya ukauzhe shoonse nshuukwete. Mali nguukayana ukape bapushi. Buhubi ulakabuyana kwizeulu. Wamana uzhize uncilile.” Wezu mulombwana naakaateelela aza makani wakaya ulyuusile nkaambo kakwete lubono lunji lunji.
Jeso wakabaambila ba shiciiya ati, “Cini cini ndamushimwina ati ncizumu ku muntu muhubi kwaamba akenjile mu bwami bwa kwizeulu. Ulimwi ndamwaambila ati ncuubauba inkamela kunjila mukapulo kansonde kubaala muntu muhubi kwaamba anjile mu bwami bwa Leza.” Ba shiciiya nibakaateelela aza bakazhingwa cini cini u kwaamba ati, “Alo kulakaba ukaafwutuka?” Pele Jeso wakabalanjilila wabaambila ati, “Ku bantu ceci ncizumu, pele kwa Leza shoonse shintu shilakonzha kucitika.” Pita wakaingula ati, “Kayi bona uswe twakashishiya shoonse twakakucilila, no tulakapewaanzhi?” Jeso wakabaambila ati, “Cini cini ndamwaambila ati mubulenge bupiya, lelyo Mwanaa Muntu naakaakala acuuna cakwe ca bulemu, amwe numuncilila mulakakala a shuuna shili ikumi ushuuna shobile sha bwami u kubeteka mishobo iili ikumi iitwesha yobile ya Izilaili. Ubobo kufwumbwa wezo wakashiya munzhi nibaba banina balombwana u bakaintu, naa ushi naaba baina naa bana, niiba myuunda yakwe ukaambo kezhina lyangu ulakatambula shishika ku mwaanda kubaala nshaakashiya ulimwi ulakakona bumi butamana. Pele banji banji bataanzhi balakaba bashaalizhi, abo bashaalizhi balakaba bataanzhi.”

ያዳምጡ Matayo 19