Yine - 2008 WBT (NT) Non-Drama

Yine - 2008 WBT (NT) Drama

<div class="version vid652 iso6393pib" data-vid="652" data-iso6393="pib">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">Gwa Katlewakleru yokanatanune</div><div class="p"> 1Wane rixa. Geso rali towutletatkana pamole gepi yimaklene, wane yiyatka, papokchikaka wannanu yimaklewatinripa ga wa runkaklewatinripa.</div><div class="p"> 2Yoshmakikowaka Gwa yijnakpiranyegityalu Kristo kamrure. Giyagni yokanatna yimaklene Gesyegi. 3Wane chinruna, &#8220;&#191;Pixaklege ginachripyi, waka wkagwakerge satu?&#8221;</div><div class="p"> 4Rugita Geso. Wane chinna, &#8220;Gajewa. Ginkakapanru Gwa gyijnakotanrukakaya ga wa getanrukakaya. 5Maygalenenanu getatka. Ga wa myankanenanu yanatka. Ga wa gijirgitunatachine powratkatka. Ga wa majnakonenanu jemashatatka. Ga wa gipnachine yotunkaaka. Ga wa kwamonurune yegi runkakletika Kiglerpotunanu Tokanchi. 6Giglenshinikanyegitkaluru mutspetkatu Gitaya.&#8221;</div><div class="s">Geso gipgujtatanru Gwa Katlewaklerupirana</div><div class="p"> 7Yanananumtinna, Geso yinuwaka ginkakletna gixolune yine Gwapirana, &#8220;&#191;Kluneru getapa yineru mwiyawakanuya? &#191;Satu kapanrege kannipgyalu kowshikanrurge? 8Seyni &#191;kluneru getapa? &#191;Satu jeji popchimkalurege gitakachri? Gike. Pogirchinepji rawna popchimkalu gitakachine. 9Seyni &#191;klu chinanu wane gyapa? &#191;Satu tokanchi geneklewatachrirge getapinripa? Gigi, wane nchingi. Tokanchi geneklewatchri pnute. 10Gi rixanu walenwa yonpiranyegitkaluru:</div><div class="q1"> Petanu. Gita yokanatlu notowreru pixa penute. </div><div class="q1"> Wale galpokotanru patnugapote pixa penute. </div><div class="p"> 11&#8220;Galikakni wane nchingi, gi wa rupgujewna satu suxo gishpakyachri, Gwa Katlewakleru pnute tsru. Seyni wa mtserutu potu tengogne pogirewatyawakaya tsruni Gwa pnute. 12Gwa Katlewaklerukluyakawa ga wa xanigognenanu tengogne pogirewatyawaka muchkowyegitka. Muchkowatachine kashichlu. 13Gi rixanu pejnuruneko tokanchi geneklewatachine ga wa tokanchi yokanatkaluru Gwaklupotunanuko runkakletpiranatluna. 14Galuka yoptoletiniplu walenwa Giliya wa ginachripa. 15Girukokta kajnakopnapa wa yijnakotinripa, yijnakotanu.&#8221;</div><div class="s">Mturune giputu tuplanatachine</div><div class="p"> 16Geso gomkagi wane chinretna, &#8220;&#191;Giru pixka nutakanna nyi gimuweekakgognenatachine? Mturune pixka, giputu tuplanatachine, rupxalunna tomsanatachine. 17Wane chinna:</div><div class="q1">Wtumlejyegitgi. Gi wa gansata gixa.</div><div class="q1">Wamonuwata gixa yegi. Gi wa nchiyagjeta gixa.</div><div class="m"> 18Gi rixanu runa Gwa. Gi wa nika. Gi wa rura. Wane chinna, &#8216;Kamchi waneylu.&#8217; 19Nuna Gita Yineru Wgenno, nikachrino ga wa girachrino. Wane chinna, &#8216;Getanru. Satu jeji tsru nikalu. Winga kgirakleru. Gijgawenutachine ga wa kmukochirerune gipxaalu.&#8217;</div><div class="p">&#8220;Wa gimatkalewlu potukalu gekakgitka kamrureya.&#8221;</div><div class="s">Geso ginkakna pokchikaka gajene salewnalepapirana</div><div class="p"> 20Giyagni Geso yinuwaka chigetjeretna pokchikaka gajene. Wale chinanu chigetjetna gi rixanu wanna getanmaklu gixo potu ruyaklewle kamrujetyawaka. Ga wa retmakluna, gi waleko renshinikanutyana. Wane china chigetjeretyana, 21&#8220;&#161;Gi waneni pixa Korasi pokchi! &#161;Gi waneni pixa Wetsayta! Gi rixanu Tiro pokchiniya ga wa Sito pokchiniya wanepmaklu giyaklewlukaka nkamruyegityagi gixa, wannanimka muchikawako renshinikanutannimkana. Kawshistugalu mkachrimka rutakmanetinnimkawanna ga wa chichipagimka rutakmanetinnimkawana. 22Ga wa wane nchingi, Tiro ga wa Sito pnute salewnalenapgi gixapni giklukanuwnalugognepa. 23Ga wa pixa Kapernawo, tengognepotunanuko pixka putaaka. Ga wa gipnachine gwiyawakapotunanuko pixka putaako. Gi rixanu wa Sotoma gajene yegi kamrutikomka giyaklewlu pixa yegi kamrutikaluru, xanigognenanumka rutukna. 24Ga wa wane nchingi wa gakotkalurupa Sotomachijne gajenniya gixa pnute wa giklukanuwnalgognepatka.&#8221;</div><div class="s">Ginanu Gita yegi. Gita gapnankakanutkagi</div><div class="p"> 25Walegogne Geso wane china, &#8220;Numalwutyi, Nuru, tengogne Gitsrukate ga wa chiji, tyepirankaka Pixa yogimatyana kgimatkalerune ga wa kanshinikanurune, ga wa mturune pekakgita. 26Gigi, Nuru, gi rixanu wane Pixa gigleretle getletlu.</div><div class="p"> 27&#8220;Ptowruko samyokno Nuru. Gikena gimatlu Gituru, seyni Girchipje gimatlu. Gikena gimatkoxlu Girchi, seyni Giturupje ga wa girukokta raluka gekakgireta Gituru.</div><div class="p"> 28&#8220;Ginanu Gita yegi, pejnurunekgi gama kamrurewletachingi, gitjitachingi. Gita gapnankakanutkagi. 29Gikamrurewatinno. Gimatinno. Gi rixanu mayogotno Gita. Mturu gixnachriwano najiya. Ga wa gikshikanru gapnanunshinikanutinripa. 30Gi rixanu myapretni gikamrurewatinipno. Ga wa nutjitanru munotni.&#8221;</div>
 </div>
 </div>
</div>

Wane rixa. Geso rali towutletatkana pamole gepi yimaklene, wane yiyatka, papokchikaka wannanu yimaklewatinripa ga wa runkaklewatinripa.
Yoshmakikowaka Gwa yijnakpiranyegityalu Kristo kamrure. Giyagni yokanatna yimaklene Gesyegi. Wane chinruna, “¿Pixaklege ginachripyi, waka wkagwakerge satu?”
Rugita Geso. Wane chinna, “Gajewa. Ginkakapanru Gwa gyijnakotanrukakaya ga wa getanrukakaya. Maygalenenanu getatka. Ga wa myankanenanu yanatka. Ga wa gijirgitunatachine powratkatka. Ga wa majnakonenanu jemashatatka. Ga wa gipnachine yotunkaaka. Ga wa kwamonurune yegi runkakletika Kiglerpotunanu Tokanchi. Giglenshinikanyegitkaluru mutspetkatu Gitaya.”

Yanananumtinna, Geso yinuwaka ginkakletna gixolune yine Gwapirana, “¿Kluneru getapa yineru mwiyawakanuya? ¿Satu kapanrege kannipgyalu kowshikanrurge? Seyni ¿kluneru getapa? ¿Satu jeji popchimkalurege gitakachri? Gike. Pogirchinepji rawna popchimkalu gitakachine. Seyni ¿klu chinanu wane gyapa? ¿Satu tokanchi geneklewatachrirge getapinripa? Gigi, wane nchingi. Tokanchi geneklewatchri pnute. Gi rixanu walenwa yonpiranyegitkaluru:
Petanu. Gita yokanatlu notowreru pixa penute.
Wale galpokotanru patnugapote pixa penute.
“Galikakni wane nchingi, gi wa rupgujewna satu suxo gishpakyachri, Gwa Katlewakleru pnute tsru. Seyni wa mtserutu potu tengogne pogirewatyawakaya tsruni Gwa pnute. Gwa Katlewaklerukluyakawa ga wa xanigognenanu tengogne pogirewatyawaka muchkowyegitka. Muchkowatachine kashichlu. Gi rixanu pejnuruneko tokanchi geneklewatachine ga wa tokanchi yokanatkaluru Gwaklupotunanuko runkakletpiranatluna. Galuka yoptoletiniplu walenwa Giliya wa ginachripa. Girukokta kajnakopnapa wa yijnakotinripa, yijnakotanu.”

Geso gomkagi wane chinretna, “¿Giru pixka nutakanna nyi gimuweekakgognenatachine? Mturune pixka, giputu tuplanatachine, rupxalunna tomsanatachine. Wane chinna:
Wtumlejyegitgi. Gi wa gansata gixa.
Wamonuwata gixa yegi. Gi wa nchiyagjeta gixa.
Gi rixanu runa Gwa. Gi wa nika. Gi wa rura. Wane chinna, ‘Kamchi waneylu.’ Nuna Gita Yineru Wgenno, nikachrino ga wa girachrino. Wane chinna, ‘Getanru. Satu jeji tsru nikalu. Winga kgirakleru. Gijgawenutachine ga wa kmukochirerune gipxaalu.’
“Wa gimatkalewlu potukalu gekakgitka kamrureya.”

Giyagni Geso yinuwaka chigetjeretna pokchikaka gajene. Wale chinanu chigetjetna gi rixanu wanna getanmaklu gixo potu ruyaklewle kamrujetyawaka. Ga wa retmakluna, gi waleko renshinikanutyana. Wane china chigetjeretyana, “¡Gi waneni pixa Korasi pokchi! ¡Gi waneni pixa Wetsayta! Gi rixanu Tiro pokchiniya ga wa Sito pokchiniya wanepmaklu giyaklewlukaka nkamruyegityagi gixa, wannanimka muchikawako renshinikanutannimkana. Kawshistugalu mkachrimka rutakmanetinnimkawanna ga wa chichipagimka rutakmanetinnimkawana. Ga wa wane nchingi, Tiro ga wa Sito pnute salewnalenapgi gixapni giklukanuwnalugognepa. Ga wa pixa Kapernawo, tengognepotunanuko pixka putaaka. Ga wa gipnachine gwiyawakapotunanuko pixka putaako. Gi rixanu wa Sotoma gajene yegi kamrutikomka giyaklewlu pixa yegi kamrutikaluru, xanigognenanumka rutukna. Ga wa wane nchingi wa gakotkalurupa Sotomachijne gajenniya gixa pnute wa giklukanuwnalgognepatka.”

Walegogne Geso wane china, “Numalwutyi, Nuru, tengogne Gitsrukate ga wa chiji, tyepirankaka Pixa yogimatyana kgimatkalerune ga wa kanshinikanurune, ga wa mturune pekakgita. Gigi, Nuru, gi rixanu wane Pixa gigleretle getletlu.
“Ptowruko samyokno Nuru. Gikena gimatlu Gituru, seyni Girchipje gimatlu. Gikena gimatkoxlu Girchi, seyni Giturupje ga wa girukokta raluka gekakgireta Gituru.
“Ginanu Gita yegi, pejnurunekgi gama kamrurewletachingi, gitjitachingi. Gita gapnankakanutkagi. Gikamrurewatinno. Gimatinno. Gi rixanu mayogotno Gita. Mturu gixnachriwano najiya. Ga wa gikshikanru gapnanunshinikanutinripa. Gi rixanu myapretni gikamrurewatinipno. Ga wa nutjitanru munotni.”

ያዳምጡ Matiyo 11