℗ 2006 Hosanna Grabado por Vina, Solola, Guatemala

Guaymi - 2004 Edition (NT)

<div class="version vid601 iso6393gym" data-vid="601" data-iso6393="gym">
 <div class="book bkMAT">
 <div class="chapter ch18" data-usfm="MAT.18">
 <div class="label">18</div><div class="s">Nire b&#228;ri &#252;ti&#228;te niebare Jesukwe</div><div class="r">(Marcos 9.33-37; Lucas 9.46-48; 17.1-2)</div><div class="p"> 1Abti k&#228; ye ngwane nun ja t&#246;itikaka Jesube k&#228;kwe kr&#246;taba ken mda, bti nunkwe nieba ie:</div><div class="p">&#191;Ng&#246;b&#246;ta gobrane nunbti, ne ng&#228;t&#228;ite nire abko b&#228;ri &#252;ti&#228;te ruen? nunkwe nieba Jesuye.</div><div class="p"> 2Angwane Jesukwe ng&#228;b&#228;kre chi k&#228;r&#228;ba iti, bti mikaba t&#228;k&#228;nintbe nun ng&#228;t&#228;ite kwe, 3k&#228;kwe nieba kr&#246;r&#246;:</div><div class="p">Ti bike kukwe era erere niere munye abko kr&#246;r&#246;: Ng&#228;b&#228;kre kiakia t&#228; ja mike bobre, ne kwrere munkwe &#241;an ja mikadre bobre Ng&#246;b&#246;bt&#228; ne ngwane, Ng&#246;b&#246;kwe &#241;an gobrandre jire chi munbti. 4Ne aisete, ni bti Ng&#246;b&#246;ta gobrane, ye ng&#228;t&#228;ite nire nire k&#228;ta ja mike bobre Ng&#246;b&#246;bt&#228; abko t&#228; ja mike bobre ng&#228;b&#228;kre chi ne kwrere, ye abko b&#228;ri &#252;ti&#228;te.</div><div class="p"> 5Ye abko, nire nire k&#228;ta ni ja mikaka bobre Ng&#246;b&#246;bt&#228; ng&#228;b&#228;kre chi ne kwrere ye kaen ng&#228;bti ti k&#228;bti, ye ngwane ti ne ara jire kata ng&#228;bti kwe. 6Akwa nire nire k&#228;ta ja mike bobre Ng&#246;b&#246;bt&#228; ng&#228;b&#228;kre ne kwrere, ye nirekwe ngwiandreta ti k&#228;ikwitek&#228; jabti, k&#228;nti rabadre kukwe nuene b&#228;ri k&#228;me mda, ni ye abko Ng&#246;b&#246;kwe mikadi ja tare nike kr&#252;b&#228;te. Mden kisete, ni ye ng&#228;mi ni t&#246;dekaka tibti ngwen ti k&#228;ikwitek&#228; jabti, k&#228;nenkri j&#228;kwata kri nura ukwakr&#228; ye m&#228;k&#228;dre ng&#228;r&#228;, bti kitadre mrente nguse k&#228;nti m&#252;re reketadre abko rabadre b&#228;ri kuin kr&#228;ke. Ye kwrere ni ye &#241;an rabadre ni t&#246;dekaka tibti ngwen ti k&#228;ikwitek&#228; jabti.</div><div class="p"> 7Ni k&#228; nebt&#228;, kr&#228;ke kukwe t&#228;r&#228; keta kabre k&#228;ta ni nuente ja k&#228;ne abko nita ja mike ngite, ye abko k&#228;me nikr&#228; bk&#228;n&#228;, akwa ye abko t&#228; k&#228;re. Akwa nire nire k&#246;b&#246;ite ni mda mda t&#228; ja mike ngite Ng&#246;b&#246; r&#252;ere, &#161;ni ye abko bobre jak&#228;n! &#241;obt&#228; &#241;an angwane Ng&#246;b&#246;kwe niara mikadi ja ngie nuen kr&#252;b&#228;te ni mda mda ye dokw&#228;re. 8Ne aisete ma kise ya o ma ngoto ya, k&#246;b&#246;ite makwe ja mika ngite Ng&#246;b&#246; r&#252;ere ne ngwane, makwe tikaka ta jae, bti makwe kitaka mobe ja okw&#228; b&#228;re mento abko b&#228;ri rabadre kuin, &#241;obt&#228; &#241;an angwane makwe n&#252;nandre deme kise kw&#228;r&#228;be amne ngoto kw&#228;r&#228;be rikak&#228;re n&#252;ne Ng&#246;b&#246;be k&#228; k&#228;inbti abko b&#228;ri kuin angwane, &#241;an ma kise krobu amne ma ngoto krobu ben ng&#246;i j&#246;kr&#228; Ng&#246;b&#246;kwe ma kitadre &#241;ukw&#228; jutra ngitiek&#228; k&#228;rek&#228;re te. 9Erere arato, ma okw&#228; k&#246;b&#246;ite ma raba ja mike ngite Ng&#246;b&#246; r&#252;ere, ne ngwane makwe ja okw&#228; ye diante kwati mento, bti makwe kitaka mobe arato, &#241;obt&#228; &#241;an angwane ma okw&#228; kwatibe ben ma rikadre n&#252;ne k&#228;rek&#228;re Ng&#246;b&#246;be, ye abko rabadre b&#228;ri kuin makr&#228; amne, &#241;an ma okw&#228; kubu ben ng&#246;i ma kitadre k&#228;rek&#228;re &#241;ukw&#228; jutrate k&#228; ja tare nikakr&#228; k&#228;nti. Ye mdenbt&#228; tita kukwe b&#228; mike kore mae, nieba Jesukwe nunye.</div><div class="p"> 10Mdak&#228;re abko, ti bike kukwe era erere niere kr&#246;r&#246; munye: Nitre t&#246;dekaka tibti t&#228; ja mike bobre Ng&#246;b&#246;bt&#228;, ye abko ng&#228;b&#228;kre kiakia kwrere, se munkwe &#241;an b&#228;t&#228; ngwian bt&#228; tik&#228;n, &#241;obt&#228; &#241;an angwane k&#228;re angeletre niaratrekwe t&#228; ti R&#252;n ngw&#228;rekri k&#228; k&#228;inbti.</div><div class="s">Obeja nianinte, bt&#228; Jesukwe kukwe b&#228; mikani</div><div class="r">(Lucas 15.3-7)</div><div class="p"> 11Mdak&#228;re abko, ti Ni K&#228; Nebt&#228; Ngobo jatani ni nianinte ye diantarik&#228;re. 12Yebt&#228; abko ti bike kukwe b&#228; mike kr&#246;r&#246; munye: Ni iti kwe obeja t&#228;dre gre ketarike, akwa obeja krati rikadre ngwarbe kw&#228;r&#228;kw&#228;r&#228; k&#228;n, ye ngwane obeja rabadre gre ketabk&#228; bti kr&#228; j&#228;t&#228;bti kr&#228; &#246;k&#228;n (99), &#191;ye &#241;an mikadre kwe ja ngibiare kaibe ngitiobti, bti rikadre obeja nianinte krati ye k&#228;nentari ya? J&#228;nri, rikadre obeja nianinte ye k&#228;nentari. 13Abti obeja ye kwandretari ie angwane, obeja kratibe ye abko b&#228;ri k&#228;i rabadre nu&#228;re bt&#228; obeja gre ketabk&#228; bti kr&#228; j&#228;t&#228;bti kr&#228; &#246;k&#228;n yebti ta abko ti t&#246; nibi niei metre. 14Ye kwrere arato, mun R&#252;n t&#228; k&#228; k&#228;inbti sete abko &#241;an t&#246; nitre t&#246;dekaka tibti t&#228; ja mike bobre Ng&#246;b&#246;bt&#228; ng&#228;b&#228;kre kiakia kwrere se tuai nente jire iti jak&#228;n. Abko kore se, nieba Jesukwe.</div><div class="s">Ja mr&#228;k&#228; t&#246;dekaka Jesubti t&#246;i diandre &#241;o</div><div class="r">(Lucas 17.3)</div><div class="p"> 15Yebti Jesukwe nieba mda:</div><div class="p">Ma mr&#228;k&#228; mden erere k&#228;kwe ja mika ngite ma r&#252;ere angwane, ma rika k&#228;kwe blita kaibe ben amne ja mikani ngite &#241;o ma r&#252;ere kwe, ye makwe mika gare ie. Yebti ja ngite niedre kwe mae amne kukwe &#252;kadrete kwe mabe, ne ngwane mun nibirate kuin jabt&#228;. 16Akwa &#241;an t&#246; raba ma kukwei nuai amne &#241;an t&#246; raba kukwe &#252;kaite mabe ne ngwane, makwe ni mda k&#228;n&#228; iti, nibu ja mukore abko ben ma rika bliteta ma mr&#228;k&#228; yebe. Abti makwe blitadi &#241;o ben, ye abko rabadi gare metre ni nibuye, ni nim&#228;ye. 17Akwa ma n&#228;in ni mda mda ngwena jabe, ye okw&#228;bti ma mr&#228;k&#228; &#241;an t&#246; raba kukwe &#252;kaite janknu mabe ne ngwane, nitre g&#228;t&#228;k&#228; ti k&#228;bti t&#228; ja &#252;kekr&#246; ye ie makwe mika gare g&#228;t&#228;te; akwa nitre g&#228;t&#228;k&#228; ye k&#228;kwe blitadre ma mr&#228;k&#228; yebe, akwa &#241;an t&#246; rabadre kukwe &#252;kaite janknu mabe ne ngwane, ni t&#246;dekaka ng&#246;b&#246; ngwarbebti, kwrere jire raba tuen munye amne ni ngututu j&#228;ndr&#228;n &#252;ti&#228; k&#228;r&#228;k&#228; gobran romanobokr&#228; ye kwrere jire raba mun okw&#228;te arato.</div><div class="p"> 18Ye abko, ti bike kukwe era erere niere munye abko kr&#246;r&#246;: Munkwe dre dre m&#228;k&#228;dite k&#228; nebt&#228;, ye abko rabadi m&#228;k&#228;ninte k&#228; k&#228;inbti Ng&#246;b&#246;kwe amne munkwe dre dre tikadrete k&#228; nebt&#228; abko rabadi tikaninte Ng&#246;b&#246;kwe k&#228; k&#228;inbti sete. 19Ye kwrere arato, ti bike kukwe era erere niere munye abko kr&#246;r&#246;: Mun nibu k&#228;kwe kukwe &#252;kadrete jabe kw&#228;rikw&#228;ri k&#228; nebt&#228; k&#228;kwe ja t&#246;i mikadre gwaire, bti mun t&#246; rabadre dreye, ye abko munkwe k&#228;r&#228;dre Ng&#246;b&#246;ye, k&#228;kwe blitadre ben amne ti R&#252;n k&#228; k&#228;inbti sete k&#228;kwe biandi munye, 20&#241;obt&#228; &#241;an angwane ni t&#228;dre nibu ya o nim&#228; ja &#252;kaninkr&#246; g&#228;t&#228;re ti k&#228;bti ye abko ti t&#228;di siba ketetibe bentre. Abko kore se, nieba Jesukwe.</div><div class="s">Kukwe blo diandre jabti ta kw&#228;rikw&#228;ri</div><div class="p"> 21Angwane Pedro rikaba, k&#228;kwe kukwe ngwiantariba Jesuye, k&#228;kwe nieba:</div><div class="p">Ti D&#228;nkien, &#191;ti mr&#228;k&#228; iti k&#228;kwe kukwe nuendre blo ti r&#252;ere, se abko tikwe diandre b&#228;be bti ta ruen? &#191;Tikwe diandre b&#228; k&#252;k&#252; bti ta ya? nieba kwe Jesuye.</div><div class="p"> 22Abt&#228; Jesukwe nieba mda Pedroye:</div><div class="p">&#209;an makwe diandre b&#228; k&#252;k&#252;be bti ta abko ti bike niere mae, akwa makwe diandre gre ketam&#228; bti b&#228; j&#228;t&#228;bti b&#228; k&#252;k&#252; (77) bti ta. 23Ne aisete ni bti Ng&#246;b&#246;ta gobrane, ng&#228;t&#228;ite kukweta nakenk&#228; kr&#246;r&#246; abko ti bike b&#228; mike: Bati jrei n&#228;mane iti abko nikani r&#252;r&#252;mon &#252;ti&#228; &#252;kete sribik&#228; kwekwe ben. 24Nikani r&#252;r&#252;mon &#252;ti&#228; &#252;kete kr&#246;r&#246;, ye bt&#228;r&#228;be sribik&#228; iti kwe abko bti r&#252;r&#252;mon &#252;ti&#228; n&#228;mane millone kabre kr&#252;b&#228;te abko j&#228;n&#252;kani jrei ye k&#228;nti. 25Akwa sribik&#228; ye abko ie ngwian &#241;an namani jire chi ja &#252;ti&#228; biankr&#228; jrei yeye. Abt&#228; jrei ye k&#228;kwe sribik&#228; ye r&#252;r&#252;moimna meri kwe amne ng&#228;bri&#228;nk&#228; kwekwe amne j&#228;ndr&#228;n kwekwe erere ben ng&#246;i r&#252;r&#252;moimna jreikwe r&#252;r&#252;mon &#252;ti&#228;re. Amne sribik&#228; ye abko rabadre ni klabore ni mdakr&#228; kore, jreikwe sribi &#252;ti&#228; diandre r&#252;r&#252;mon &#252;ti&#228;re abkok&#228;re. 26Akwa sribik&#228; ye nikani mate ngukudokw&#228;bti temen jrei ye ngw&#228;rekri, k&#228; namani ribere kisere kr&#246;r&#246; jrei yeye: Makwe ti ngibia b&#228;t&#228;re abko ti t&#246; nibi ribei mae amne r&#252;r&#252;mon &#252;ti&#228; tibti ye tikwe &#252;ti&#228; biandita j&#246;kr&#228; mae, niebare kwe jreiye. 27Angwane sribik&#228; ye namani ruentari tare jrei yeye, k&#228;kwe r&#252;r&#252;mon &#252;ti&#228; kabre ye diani j&#246;kr&#228; bti ta, k&#228;kwe tikaninte.</div><div class="p"> 28Yebti sribik&#228; ye nikaninta angwane, sribi muko kwe abko bti r&#252;r&#252;mon &#252;ti&#228; n&#228;mane chi kwe abko ben namani ng&#228;t&#228;i. Angwane sribik&#228; ye nikani betek&#228;, k&#228;kwe sribi muko kwe ye kani roro mk&#228;bti, nikani roro mk&#228; kekete se kwrere, k&#228; namani niere: &#161;R&#252;r&#252;mon &#252;ti&#228; mabti, ye makwe &#252;ti&#228; bianta j&#246;kr&#228; tie! namani niere ie. 29Akwa sribik&#228; ye nikani mate ngukudokw&#228;bti temen sribi muko ye ngw&#228;rekri, k&#228; namani ribere kisere kr&#246;r&#246; ie: Makwe ti ngibia b&#228;t&#228;re abko ti t&#246; nibi ribei mae amne r&#252;r&#252;mon &#252;ti&#228; tibti ye tikwe &#252;ti&#228; biandita j&#246;kr&#228; mae, niebare kwe sribi mukoye. 30Akwa sribik&#228; ye &#241;an t&#246; namani sribi muko kwe ye ngwen ruentari tare jae, k&#228;kwe kitani ngite k&#228; teri, bti r&#252;r&#252;mon &#252;ti&#228; ye biandreta j&#246;kr&#228; kwe angwane batibe tikadreteta, abkok&#228;re kitani ngite kwe.</div><div class="p"> 31Sribik&#228; k&#228;kwe nuenbare kore, ye abko matani tare sribik&#228; mda mdabt&#228;. Abt&#228; sribik&#228; k&#228;kwe dre nuenbare ye abko sribik&#228; mda mda ye nikani, k&#228;kwe niebareta j&#246;kr&#228; jreiye. 32Abt&#228; jrei ye k&#228;kwe sribik&#228; ye k&#228;r&#228;mna mda. N&#252;kani jrei k&#228;nti angwane, niebare kwe ie: &#161;Ma moto k&#228;me! R&#252;r&#252;mon &#252;ti&#228; kabre kr&#252;b&#228;te mabti abko tikwe diandre mabti ta abko ma rababa ribere kisere tie, erere tikwe nuenba makr&#228;. 33Tikwe ma ngwianba ruentari tare jae, k&#228;kwe r&#252;r&#252;mon &#252;ti&#228; kabre diani mabti ta, ye kwrere makwe sribi muko makwe ye ngwiandre ruentari tare jae arato b&#228; amarebti makwe kitani ngite r&#252;r&#252;mon &#252;ti&#228; chi dokw&#228;re se, niebare jreikwe ie. 34Yebti jrei moto namani romon kr&#252;b&#228;te sribik&#228; ye kr&#228;ke, k&#228;kwe kitani ngite. Ye k&#228;nti ng&#246; tikadrek&#228; kr&#252;b&#228;te mikak&#228;re ja ngie nuen abti r&#252;r&#252;mon &#252;ti&#228; biandreta j&#246;kr&#228; kwe jreiye amne batibe rabadre tikaninte abkok&#228;re abko nakanink&#228; kore.</div><div class="p"> 35Ye kwrere arato, mun mr&#228;k&#228; mden mden k&#228;kwe kukwe nuendre blo mun r&#252;ere, akwa munkwe &#241;an diandre bti ta ja moto kuinbti, ye ngwane ti R&#252;n t&#228; k&#228; k&#228;inbti se k&#228;kwe &#241;an mun ngite niara r&#252;ere diandrek&#228; jire chi munbt&#228; arato. Abko kore se, nieba Jesukwe.</div>
 </div>
 </div>
</div>

Abti kä ye ngwane nun ja töitikaka Jesube käkwe krötaba ken mda, bti nunkwe nieba ie:
¿Ngöböta gobrane nunbti, ne ngätäite nire abko bäri ütiäte ruen? nunkwe nieba Jesuye.
Angwane Jesukwe ngäbäkre chi käräba iti, bti mikaba täkänintbe nun ngätäite kwe, käkwe nieba krörö:
Ti bike kukwe era erere niere munye abko krörö: Ngäbäkre kiakia tä ja mike bobre, ne kwrere munkwe ñan ja mikadre bobre Ngöböbtä ne ngwane, Ngöbökwe ñan gobrandre jire chi munbti. Ne aisete, ni bti Ngöböta gobrane, ye ngätäite nire nire käta ja mike bobre Ngöböbtä abko tä ja mike bobre ngäbäkre chi ne kwrere, ye abko bäri ütiäte.
Ye abko, nire nire käta ni ja mikaka bobre Ngöböbtä ngäbäkre chi ne kwrere ye kaen ngäbti ti käbti, ye ngwane ti ne ara jire kata ngäbti kwe. Akwa nire nire käta ja mike bobre Ngöböbtä ngäbäkre ne kwrere, ye nirekwe ngwiandreta ti käikwitekä jabti, känti rabadre kukwe nuene bäri käme mda, ni ye abko Ngöbökwe mikadi ja tare nike krübäte. Mden kisete, ni ye ngämi ni tödekaka tibti ngwen ti käikwitekä jabti, känenkri jäkwata kri nura ukwakrä ye mäkädre ngärä, bti kitadre mrente nguse känti müre reketadre abko rabadre bäri kuin kräke. Ye kwrere ni ye ñan rabadre ni tödekaka tibti ngwen ti käikwitekä jabti.
Ni kä nebtä, kräke kukwe tärä keta kabre käta ni nuente ja käne abko nita ja mike ngite, ye abko käme nikrä bkänä, akwa ye abko tä käre. Akwa nire nire köböite ni mda mda tä ja mike ngite Ngöbö rüere, ¡ni ye abko bobre jakän! ñobtä ñan angwane Ngöbökwe niara mikadi ja ngie nuen krübäte ni mda mda ye dokwäre. Ne aisete ma kise ya o ma ngoto ya, köböite makwe ja mika ngite Ngöbö rüere ne ngwane, makwe tikaka ta jae, bti makwe kitaka mobe ja okwä bäre mento abko bäri rabadre kuin, ñobtä ñan angwane makwe nünandre deme kise kwäräbe amne ngoto kwäräbe rikakäre nüne Ngöböbe kä käinbti abko bäri kuin angwane, ñan ma kise krobu amne ma ngoto krobu ben ngöi jökrä Ngöbökwe ma kitadre ñukwä jutra ngitiekä kärekäre te. Erere arato, ma okwä köböite ma raba ja mike ngite Ngöbö rüere, ne ngwane makwe ja okwä ye diante kwati mento, bti makwe kitaka mobe arato, ñobtä ñan angwane ma okwä kwatibe ben ma rikadre nüne kärekäre Ngöböbe, ye abko rabadre bäri kuin makrä amne, ñan ma okwä kubu ben ngöi ma kitadre kärekäre ñukwä jutrate kä ja tare nikakrä känti. Ye mdenbtä tita kukwe bä mike kore mae, nieba Jesukwe nunye.
Mdakäre abko, ti bike kukwe era erere niere krörö munye: Nitre tödekaka tibti tä ja mike bobre Ngöböbtä, ye abko ngäbäkre kiakia kwrere, se munkwe ñan bätä ngwian btä tikän, ñobtä ñan angwane käre angeletre niaratrekwe tä ti Rün ngwärekri kä käinbti.


Mdakäre abko, ti Ni Kä Nebtä Ngobo jatani ni nianinte ye diantarikäre. Yebtä abko ti bike kukwe bä mike krörö munye: Ni iti kwe obeja tädre gre ketarike, akwa obeja krati rikadre ngwarbe kwäräkwärä kän, ye ngwane obeja rabadre gre ketabkä bti krä jätäbti krä ökän (99), ¿ye ñan mikadre kwe ja ngibiare kaibe ngitiobti, bti rikadre obeja nianinte krati ye känentari ya? Jänri, rikadre obeja nianinte ye känentari. Abti obeja ye kwandretari ie angwane, obeja kratibe ye abko bäri käi rabadre nuäre btä obeja gre ketabkä bti krä jätäbti krä ökän yebti ta abko ti tö nibi niei metre. Ye kwrere arato, mun Rün tä kä käinbti sete abko ñan tö nitre tödekaka tibti tä ja mike bobre Ngöböbtä ngäbäkre kiakia kwrere se tuai nente jire iti jakän. Abko kore se, nieba Jesukwe.


Yebti Jesukwe nieba mda:
Ma mräkä mden erere käkwe ja mika ngite ma rüere angwane, ma rika käkwe blita kaibe ben amne ja mikani ngite ño ma rüere kwe, ye makwe mika gare ie. Yebti ja ngite niedre kwe mae amne kukwe ükadrete kwe mabe, ne ngwane mun nibirate kuin jabtä. Akwa ñan tö raba ma kukwei nuai amne ñan tö raba kukwe ükaite mabe ne ngwane, makwe ni mda känä iti, nibu ja mukore abko ben ma rika bliteta ma mräkä yebe. Abti makwe blitadi ño ben, ye abko rabadi gare metre ni nibuye, ni nimäye. Akwa ma näin ni mda mda ngwena jabe, ye okwäbti ma mräkä ñan tö raba kukwe ükaite janknu mabe ne ngwane, nitre gätäkä ti käbti tä ja ükekrö ye ie makwe mika gare gätäte; akwa nitre gätäkä ye käkwe blitadre ma mräkä yebe, akwa ñan tö rabadre kukwe ükaite janknu mabe ne ngwane, ni tödekaka ngöbö ngwarbebti, kwrere jire raba tuen munye amne ni ngututu jändrän ütiä käräkä gobran romanobokrä ye kwrere jire raba mun okwäte arato.
Ye abko, ti bike kukwe era erere niere munye abko krörö: Munkwe dre dre mäkädite kä nebtä, ye abko rabadi mäkäninte kä käinbti Ngöbökwe amne munkwe dre dre tikadrete kä nebtä abko rabadi tikaninte Ngöbökwe kä käinbti sete. Ye kwrere arato, ti bike kukwe era erere niere munye abko krörö: Mun nibu käkwe kukwe ükadrete jabe kwärikwäri kä nebtä käkwe ja töi mikadre gwaire, bti mun tö rabadre dreye, ye abko munkwe kärädre Ngöböye, käkwe blitadre ben amne ti Rün kä käinbti sete käkwe biandi munye, ñobtä ñan angwane ni tädre nibu ya o nimä ja ükaninkrö gätäre ti käbti ye abko ti tädi siba ketetibe bentre. Abko kore se, nieba Jesukwe.

Angwane Pedro rikaba, käkwe kukwe ngwiantariba Jesuye, käkwe nieba:
Ti Dänkien, ¿ti mräkä iti käkwe kukwe nuendre blo ti rüere, se abko tikwe diandre bäbe bti ta ruen? ¿Tikwe diandre bä kükü bti ta ya? nieba kwe Jesuye.
Abtä Jesukwe nieba mda Pedroye:
Ñan makwe diandre bä kükübe bti ta abko ti bike niere mae, akwa makwe diandre gre ketamä bti bä jätäbti bä kükü (77) bti ta. Ne aisete ni bti Ngöböta gobrane, ngätäite kukweta nakenkä krörö abko ti bike bä mike: Bati jrei nämane iti abko nikani rürümon ütiä ükete sribikä kwekwe ben. Nikani rürümon ütiä ükete krörö, ye btäräbe sribikä iti kwe abko bti rürümon ütiä nämane millone kabre krübäte abko jänükani jrei ye känti. Akwa sribikä ye abko ie ngwian ñan namani jire chi ja ütiä biankrä jrei yeye. Abtä jrei ye käkwe sribikä ye rürümoimna meri kwe amne ngäbriänkä kwekwe amne jändrän kwekwe erere ben ngöi rürümoimna jreikwe rürümon ütiäre. Amne sribikä ye abko rabadre ni klabore ni mdakrä kore, jreikwe sribi ütiä diandre rürümon ütiäre abkokäre. Akwa sribikä ye nikani mate ngukudokwäbti temen jrei ye ngwärekri, kä namani ribere kisere krörö jrei yeye: Makwe ti ngibia bätäre abko ti tö nibi ribei mae amne rürümon ütiä tibti ye tikwe ütiä biandita jökrä mae, niebare kwe jreiye. Angwane sribikä ye namani ruentari tare jrei yeye, käkwe rürümon ütiä kabre ye diani jökrä bti ta, käkwe tikaninte.
Yebti sribikä ye nikaninta angwane, sribi muko kwe abko bti rürümon ütiä nämane chi kwe abko ben namani ngätäi. Angwane sribikä ye nikani betekä, käkwe sribi muko kwe ye kani roro mkäbti, nikani roro mkä kekete se kwrere, kä namani niere: ¡Rürümon ütiä mabti, ye makwe ütiä bianta jökrä tie! namani niere ie. Akwa sribikä ye nikani mate ngukudokwäbti temen sribi muko ye ngwärekri, kä namani ribere kisere krörö ie: Makwe ti ngibia bätäre abko ti tö nibi ribei mae amne rürümon ütiä tibti ye tikwe ütiä biandita jökrä mae, niebare kwe sribi mukoye. Akwa sribikä ye ñan tö namani sribi muko kwe ye ngwen ruentari tare jae, käkwe kitani ngite kä teri, bti rürümon ütiä ye biandreta jökrä kwe angwane batibe tikadreteta, abkokäre kitani ngite kwe.
Sribikä käkwe nuenbare kore, ye abko matani tare sribikä mda mdabtä. Abtä sribikä käkwe dre nuenbare ye abko sribikä mda mda ye nikani, käkwe niebareta jökrä jreiye. Abtä jrei ye käkwe sribikä ye kärämna mda. Nükani jrei känti angwane, niebare kwe ie: ¡Ma moto käme! Rürümon ütiä kabre krübäte mabti abko tikwe diandre mabti ta abko ma rababa ribere kisere tie, erere tikwe nuenba makrä. Tikwe ma ngwianba ruentari tare jae, käkwe rürümon ütiä kabre diani mabti ta, ye kwrere makwe sribi muko makwe ye ngwiandre ruentari tare jae arato bä amarebti makwe kitani ngite rürümon ütiä chi dokwäre se, niebare jreikwe ie. Yebti jrei moto namani romon krübäte sribikä ye kräke, käkwe kitani ngite. Ye känti ngö tikadrekä krübäte mikakäre ja ngie nuen abti rürümon ütiä biandreta jökrä kwe jreiye amne batibe rabadre tikaninte abkokäre abko nakaninkä kore.
Ye kwrere arato, mun mräkä mden mden käkwe kukwe nuendre blo mun rüere, akwa munkwe ñan diandre bti ta ja moto kuinbti, ye ngwane ti Rün tä kä käinbti se käkwe ñan mun ngite niara rüere diandrekä jire chi munbtä arato. Abko kore se, nieba Jesukwe.

ያዳምጡ Mateo 18