Achi Rabinal - 2009 Edition (Traditional) (NT) Drama

<div class="version vid517 iso6393acr" data-vid="517" data-iso6393="acr">
   <div class="book bkMAT">
      <div class="chapter ch2" data-usfm="MAT.2">
         <div class="label">2</div><div class="s"><span class="heading">Achijab' k'o kina'oj keb'e'b'ina ruk' ri Jes&#250;s</span></div><div class="p"><span class="content">  </span><span class="verse v1" data-usfm="MAT.2.1"><span class="label">1</span><span class="content">Ri Jes&#250;s xalax chila' Bel&#233;n re Judea echiri' e rey ri Herodes. Xeb'opon k'u Jerusalem jujun achijab' e petinaq pa releb'al lo ri q'ij. Rike lik k'o kina'oj puwi taq ri ch'umil. </span></span><span class="verse v2" data-usfm="MAT.2.2"><span class="label">2</span><span class="content">Jek'uwa' kakib'i'ij:</span></span></div><div class="p"><span class="verse v2" data-usfm="MAT.2.2"><span class="content">&#8212;&#191;Pa k'o wi ri rey ke raj judi'ab' alaxinaq? Ma ri'oj xqil ruch'umil k'a pa releb'al lo ri q'ij; yey e wa' oj petinaq cha' ko'lqaloq'nimaj uq'ij &#8212;kecha'.</span></span></div><div class="p"><span class="verse v2" data-usfm="MAT.2.2"><span class="content">  </span></span><span class="verse v3" data-usfm="MAT.2.3"><span class="label">3</span><span class="content">Echiri' xuta wa' ri rey Herodes, lik xsach una'oj che y jela' xkik'ulumaj konoje ri winaq e aj Jerusalem. </span></span><span class="verse v4" data-usfm="MAT.2.4"><span class="label">4</span><span class="content">Xumol k'u kichi' konoje ri nimaq e aj chakunel pa Rocho Dios kuk' raj k'utunel re ri tzijpixab' y xutz'onoj k'u chike pa kalax wi ri Cristo, Rucha'o'n lo ri Dios. </span></span><span class="verse v5" data-usfm="MAT.2.5"><span class="label">5</span><span class="content">Rike xkib'i'ij che:</span></span></div><div class="p"><span class="verse v5" data-usfm="MAT.2.5"><span class="content">&#8212;Ri Cristo kalax pa raldea Bel&#233;n re Judea, ma jewa' utz'ib'am kan ri q'alajisanel chupa Ruch'a'tem ri Dios:</span></span></div><div class="q1"><span class="verse v5" data-usfm="MAT.2.5"><span class="content">  </span></span><span class="verse v6" data-usfm="MAT.2.6"><span class="label">6</span><span class="content">Ri'at Bel&#233;n at k'o pa ri luwar re Judea,</span></span></div><div class="q1"><span class="verse v6" data-usfm="MAT.2.6"><span class="content">tob' lik at ch'uti'n, ri'at lik k'o awach</span></span></div><div class="q2"><span class="verse v6" data-usfm="MAT.2.6"><span class="content">chikiwach raj wach e k'o Judea,</span></span></div><div class="q1"><span class="verse v6" data-usfm="MAT.2.6"><span class="content">ma awuk' ri'at kape wi ri Jun Taqanel;</span></span></div><div class="q1"><span class="verse v6" data-usfm="MAT.2.6"><span class="content">ek'u Rire ku'ana chajinel ke ri nutinamit Israel </span><span class="rq"><span class="content">Mi. 5:2</span><span class="content">  </span></span></span></div><div class="m"><span class="verse v6" data-usfm="MAT.2.6"><span class="content">&#8212;xecha'.</span></span></div><div class="p"><span class="verse v6" data-usfm="MAT.2.6"><span class="content">  </span></span><span class="verse v7" data-usfm="MAT.2.7"><span class="label">7</span><span class="content">Ri Herodes ruma ri xuto, xa xe'laq'ay xeb'usik'ij rachijab' e aj na'oj puwi taq ri ch'umil y xutz'onoj k'u chike jampa xwinaqir wa' wa ch'umil. </span></span><span class="verse v8" data-usfm="MAT.2.8"><span class="label">8</span><span class="content">Tek'uchiri', xeb'utaq b'i Bel&#233;n, jewa' xub'i'ij chike:</span></span></div><div class="p"><span class="verse v8" data-usfm="MAT.2.8"><span class="content">&#8212;Oj alaq y lik tzukuj alaq chi utz ri ralko ak'a. We xriq k'u alaq, ko'lb'i'ij alaq chwe pa k'o wi cha' jela' kin'ek ri'in y ki'nloq'nimaj uq'ij &#8212;xcha'.</span></span></div><div class="p"><span class="verse v8" data-usfm="MAT.2.8"><span class="content">  </span></span><span class="verse v9" data-usfm="MAT.2.9"><span class="label">9</span><span class="content">Tek'uchiri' rachijab' e aj na'oj xkita ri xub'i'ij ri rey, xkimaj chub'i ri kib'e. Ek'u ri ch'umil kilom lo k'a pa releb'al lo ri q'ij, nab'e b'i chikiwach y xtak'i' k'u chwi ri luwar pa k'o wi ri ralko ak'a. </span></span><span class="verse v10" data-usfm="MAT.2.10"><span class="label">10</span><span class="content">Rike echiri' xkil ri ch'umil, lik xeki'kot che. </span></span><span class="verse v11" data-usfm="MAT.2.11"><span class="label">11</span><span class="content">Ek'uchiri' xeb'ok pa ri ja, xkil ri ralko ak'a ruk' ruchu Mar&#237;a. Xexuki'ik y xkiloq'nimaj uq'ij. Xkijaq k'u uchi' ri kikaxa y xkiya taq sipanik che, wa' re oro, re incienso y re mirra lik ki' ruxlab'. </span></span><span class="verse v12" data-usfm="MAT.2.12"><span class="label">12</span><span class="content">Chaq'ab' k'u ri', xq'alajisax chike pa wachik' na ketzelej ta chi pa k'o wi ri Herodes. Ruma k'u ri', xetzelej pa kitinamit pa jun chik b'e.</span></span></div><div class="s"><span class="heading">Kak'am b'i ri Jes&#250;s Egipto kuma ruchu-uqaw</span></div><div class="p"><span class="verse v12" data-usfm="MAT.2.12"><span class="content">  </span></span><span class="verse v13" data-usfm="MAT.2.13"><span class="label">13</span><span class="content">Echiri' rachijab' e aj na'oj eb'elinaq chub'i ruk' ri Jes&#250;s, xuk'ut rib' jun &#225;ngel re ri Dios pa uwachik' ri Jos&#233; y xub'i'ij che: &#171;Chatyaktajoq, cheb'ak'ama b'i rak'a y ruchu. Chixanimaj b'i k'a Egipto y chixkanaja chila' k'ate kamb'i'ij chiwe jampa kixpetik, ma ri Herodes kutaq utzukuxik rak'a cha' kakamisaxik&#187; xcha'.</span></span></div><div class="p"><span class="verse v13" data-usfm="MAT.2.13"><span class="content">  </span></span><span class="verse v14" data-usfm="MAT.2.14"><span class="label">14</span><span class="content">Xyaktaj k'u b'i ri Jos&#233; chaq'ab', xeb'uk'am b'i rak'a y ruchu, y xeb'ek Egipto. </span></span><span class="verse v15" data-usfm="MAT.2.15"><span class="label">15</span><span class="content">Chila' k'ut xek'oji' wi k'a che rukamik ri Herodes. Xu'an k'u wa' cha' e ku'ana rub'i'im lo ri Dios ruma ri q'alajisanel echiri' jewa' xub'i'ij: &#171;K'a chila' Egipto xinsik'ij wi lo ri Nuk'ajol&#187;</span><span class="note x"><span class="label">#</span><span class=" body">Os. 11:1</span></span><span class="content"> xcha'.</span></span></div><div class="p"><span class="verse v15" data-usfm="MAT.2.15"><span class="content">  </span></span><span class="verse v16" data-usfm="MAT.2.16"><span class="label">16</span><span class="content">Ri Herodes, echiri' xreta'maj xsokoso'x kan kuma rachijab' e aj na'oj, lik xpe royowal. Ruma k'u ri', xutaq kikamisaxik konoje ri raltaq ko ch'uti'q alab'o k'amaja' kakik'is keb' junab', chike ri e k'o Bel&#233;n y pa taq ri luwar e k'o lo chunaqaj. Ek'u xuk'am re ri' ri xkib'i'ij ri e aj na'oj puwi ruq'ijol echiri' xwinaqir ri ch'umil. </span></span><span class="verse v17" data-usfm="MAT.2.17"><span class="label">17</span><span class="content">Jek'ula' e xu'ana ri tz'ib'ital kan ruma ri q'alajisanel Jerem&#237;as echiri' xub'i'ij:</span></span></div><div class="q1"><span class="verse v17" data-usfm="MAT.2.17"><span class="content">  </span></span><span class="verse v18" data-usfm="MAT.2.18"><span class="label">18</span><span class="content">Xtataj jun qulaj pa Ram&#225;,</span></span></div><div class="q2"><span class="verse v18" data-usfm="MAT.2.18"><span class="content">oq'ej y sik' ruk' b'is.</span></span></div><div class="q1"><span class="verse v18" data-usfm="MAT.2.18"><span class="content">E ri Raquel keroq'ej ri ralk'o'al</span></span></div><div class="q2"><span class="verse v18" data-usfm="MAT.2.18"><span class="content">y na karaj tane kab'ochi'ix uk'u'x</span></span></div><div class="q2"><span class="verse v18" data-usfm="MAT.2.18"><span class="content">ruma ri kikamik ri ralk'o'al </span><span class="rq"><span class="content">Jer. 31:15</span><span class="content">  </span></span></span></div><div class="m"><span class="verse v18" data-usfm="MAT.2.18"><span class="content">xcha'.</span></span></div><div class="s"><span class="heading">Ri Jes&#250;s kuk' ruchu-uqaw ketzelej tanchi Nazaret</span></div><div class="p"><span class="verse v18" data-usfm="MAT.2.18"><span class="content">  </span></span><span class="verse v19" data-usfm="MAT.2.19"><span class="label">19</span><span class="content">Tek'uchiri' kaminaq chi ri Herodes, jun &#225;ngel re ri Dios xuk'ut rib' pa uwachik' ri Jos&#233; chila' Egipto y xub'i'ij che: </span></span><span class="verse v20" data-usfm="MAT.2.20"><span class="label">20</span><span class="content">&#171;Chatyaktajoq, cheb'ak'ama b'i rak'a junam ruk' ruchu y chixtzelej tanchi Israel, ma ya xekam konoje ri kakaj kakikamisaj rak'a&#187; xcha'.</span></span></div><div class="p"><span class="verse v20" data-usfm="MAT.2.20"><span class="content">  </span></span><span class="verse v21" data-usfm="MAT.2.21"><span class="label">21</span><span class="content">Xyaktaj k'u ri Jos&#233;, xeb'uk'am b'i rak'a y ruchu, y xtzelej lo Israel. </span></span><span class="verse v22" data-usfm="MAT.2.22"><span class="label">22</span><span class="content">Pero xuxi'ij rib' ke'ek Judea, ma xreta'maj e ri Arquelao ruk'ajol ri Herodes ri xkanaj kan rey re Judea puk'axel ruqaw. Ruma k'u ri xq'alajisax che pa jun chik uwachik', xumaj b'i ub'e Galilea. </span></span><span class="verse v23" data-usfm="MAT.2.23"><span class="label">23</span><span class="content">Echiri' xeb'opon chila', xe'jeqela pa ri tinamit Nazaret, cha' e xu'ana ri xkib'i'ij ri q'alajisanelab' chwi ri Jes&#250;s: &#8220;Rire kab'i'x che aj Nazaret.&#8221;</span></span></div>
      </div>
   </div>
</div>

Ri Jesús xalax chila' Belén re Judea echiri' e rey ri Herodes. Xeb'opon k'u Jerusalem jujun achijab' e petinaq pa releb'al lo ri q'ij. Rike lik k'o kina'oj puwi taq ri ch'umil. Jek'uwa' kakib'i'ij:
—¿Pa k'o wi ri rey ke raj judi'ab' alaxinaq? Ma ri'oj xqil ruch'umil k'a pa releb'al lo ri q'ij; yey e wa' oj petinaq cha' ko'lqaloq'nimaj uq'ij —kecha'.
Echiri' xuta wa' ri rey Herodes, lik xsach una'oj che y jela' xkik'ulumaj konoje ri winaq e aj Jerusalem. Xumol k'u kichi' konoje ri nimaq e aj chakunel pa Rocho Dios kuk' raj k'utunel re ri tzijpixab' y xutz'onoj k'u chike pa kalax wi ri Cristo, Rucha'o'n lo ri Dios. Rike xkib'i'ij che:
—Ri Cristo kalax pa raldea Belén re Judea, ma jewa' utz'ib'am kan ri q'alajisanel chupa Ruch'a'tem ri Dios:
Ri'at Belén at k'o pa ri luwar re Judea,
tob' lik at ch'uti'n, ri'at lik k'o awach
chikiwach raj wach e k'o Judea,
ma awuk' ri'at kape wi ri Jun Taqanel;
ek'u Rire ku'ana chajinel ke ri nutinamit Israel
—xecha'.
Ri Herodes ruma ri xuto, xa xe'laq'ay xeb'usik'ij rachijab' e aj na'oj puwi taq ri ch'umil y xutz'onoj k'u chike jampa xwinaqir wa' wa ch'umil. Tek'uchiri', xeb'utaq b'i Belén, jewa' xub'i'ij chike:
—Oj alaq y lik tzukuj alaq chi utz ri ralko ak'a. We xriq k'u alaq, ko'lb'i'ij alaq chwe pa k'o wi cha' jela' kin'ek ri'in y ki'nloq'nimaj uq'ij —xcha'.
Tek'uchiri' rachijab' e aj na'oj xkita ri xub'i'ij ri rey, xkimaj chub'i ri kib'e. Ek'u ri ch'umil kilom lo k'a pa releb'al lo ri q'ij, nab'e b'i chikiwach y xtak'i' k'u chwi ri luwar pa k'o wi ri ralko ak'a. Rike echiri' xkil ri ch'umil, lik xeki'kot che. Ek'uchiri' xeb'ok pa ri ja, xkil ri ralko ak'a ruk' ruchu María. Xexuki'ik y xkiloq'nimaj uq'ij. Xkijaq k'u uchi' ri kikaxa y xkiya taq sipanik che, wa' re oro, re incienso y re mirra lik ki' ruxlab'. Chaq'ab' k'u ri', xq'alajisax chike pa wachik' na ketzelej ta chi pa k'o wi ri Herodes. Ruma k'u ri', xetzelej pa kitinamit pa jun chik b'e.

Echiri' rachijab' e aj na'oj eb'elinaq chub'i ruk' ri Jesús, xuk'ut rib' jun ángel re ri Dios pa uwachik' ri José y xub'i'ij che: «Chatyaktajoq, cheb'ak'ama b'i rak'a y ruchu. Chixanimaj b'i k'a Egipto y chixkanaja chila' k'ate kamb'i'ij chiwe jampa kixpetik, ma ri Herodes kutaq utzukuxik rak'a cha' kakamisaxik» xcha'.
Xyaktaj k'u b'i ri José chaq'ab', xeb'uk'am b'i rak'a y ruchu, y xeb'ek Egipto. Chila' k'ut xek'oji' wi k'a che rukamik ri Herodes. Xu'an k'u wa' cha' e ku'ana rub'i'im lo ri Dios ruma ri q'alajisanel echiri' jewa' xub'i'ij: «K'a chila' Egipto xinsik'ij wi lo ri Nuk'ajol» xcha'.
Ri Herodes, echiri' xreta'maj xsokoso'x kan kuma rachijab' e aj na'oj, lik xpe royowal. Ruma k'u ri', xutaq kikamisaxik konoje ri raltaq ko ch'uti'q alab'o k'amaja' kakik'is keb' junab', chike ri e k'o Belén y pa taq ri luwar e k'o lo chunaqaj. Ek'u xuk'am re ri' ri xkib'i'ij ri e aj na'oj puwi ruq'ijol echiri' xwinaqir ri ch'umil. Jek'ula' e xu'ana ri tz'ib'ital kan ruma ri q'alajisanel Jeremías echiri' xub'i'ij:
Xtataj jun qulaj pa Ramá,
oq'ej y sik' ruk' b'is.
E ri Raquel keroq'ej ri ralk'o'al
y na karaj tane kab'ochi'ix uk'u'x
ruma ri kikamik ri ralk'o'al
xcha'.

Tek'uchiri' kaminaq chi ri Herodes, jun ángel re ri Dios xuk'ut rib' pa uwachik' ri José chila' Egipto y xub'i'ij che: «Chatyaktajoq, cheb'ak'ama b'i rak'a junam ruk' ruchu y chixtzelej tanchi Israel, ma ya xekam konoje ri kakaj kakikamisaj rak'a» xcha'.
Xyaktaj k'u ri José, xeb'uk'am b'i rak'a y ruchu, y xtzelej lo Israel. Pero xuxi'ij rib' ke'ek Judea, ma xreta'maj e ri Arquelao ruk'ajol ri Herodes ri xkanaj kan rey re Judea puk'axel ruqaw. Ruma k'u ri xq'alajisax che pa jun chik uwachik', xumaj b'i ub'e Galilea. Echiri' xeb'opon chila', xe'jeqela pa ri tinamit Nazaret, cha' e xu'ana ri xkib'i'ij ri q'alajisanelab' chwi ri Jesús: “Rire kab'i'x che aj Nazaret.”

ያዳምጡ Mateo 2