 If you would like a copy of this version please contact info@davaraudiobibles.org

Text: Kusaal Bible ©, Ghana Institute Of Linguistics, Literacy and Bible Translation (GILLBT). Audio: Kusaal Old Testament Audio Bible ℗ 2023, Davar Partners International.

Kusaal Old Testament

<div class="version vid3752 iso6393kus" data-vid="3752" data-iso6393="kus">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="s">Ku'om da di dunia la y&#603;la</div><div class="p"> 1Ka Zugs&#596;b la y&#603;l Noa ye, &#8220;Kp&#603;n'&#603;m anr&#651;&#331; la ni, f&#651;n n&#603; f&#651; yidim w&#651;sa, b&#596;zug&#596; m ny&#603; f&#651;n an nins&#651;&#331; si'em z&#651;ma&#651;&#331; ka&#331;a ni. 2N&#596;kim b&#651;nk&#596;nbid ban&#603; an nyain ka ba m&#596;ri maan malima la ay&#596;p&#596;i-p&#596;i, b&#651;ndaug n&#603; b&#651;nnya'a&#331;, n&#603; b&#651;nk&#596;nbid buudban&#603; p&#651; maan malima la ayi', yi' b&#651;ndaad n&#603; b&#651;nnya'as, 3n&#603; niis buudi w&#651;sa ay&#596;p&#596;i-p&#596;i b&#651;ndaad n&#603; b&#651;nnya'as lin&#603; na k&#603; ka ba buudi k&#651; kpi'ilim te&#331;gbau&#331; nwa' zug&#596;. 4Daba ay&#596;p&#596;i zina m na k&#603; ka saa ni te&#331;gbau&#331; nwa' zug, dabpisnaasi y&#651;'&#651;&#331; n&#603; ninta&#331; w&#651;sa, ka na san'am b&#651;nv&#651;r buudi lin&#603; ka m maal la w&#651;sa.&#8221; 5Ka Noa da maal din w&#651;sa ka Zugs&#596;b y&#603;l o la naae.</div><div class="p"> 6Noa da an&#603; y&#651;ma k&#596;bisyuob&#651; (600) ka ku'om la di dunia la. 7Ka Noa n&#603; o pu'a n&#603; o biis la n&#603; ba pu'ab kp&#603;n' anr&#651;&#331;&#651;n la ka ku'om la k&#651; nya&#331;i dii ba. 8-9B&#651;nk&#596;nbid n&#603; niimis ban&#603; an nyain n&#603; ban&#603; ka' nyainn&#603;; ba b&#651;ndaad n&#603; b&#651;nnya'as, ba b&#651;mb&#603;da n&#603; b&#651;mbibis w&#651;sa m&#603; da k&#603;n Noa san'an na kp&#603;n' anr&#651;&#331;&#651;n la nw&#603;n&#603; Wina'am y&#603;l o si'em la. 10Daba ay&#596;p&#596;i la nya'a&#331; ka ku'otita'ar p&#603;'&#603;l te&#331;gbau&#331; la w&#651;sa.</div><div class="p"> 11 # 
 2Pi 3:6
 Noa da paae y&#651;ma k&#596;bisyuob&#651; (600) la, li nwadis ayi' la dabpii n&#603; ay&#596;p&#596;i daar, ka ku'osuoya la y&#596;'&#596;s, ban&#603; b&#603; ag&#596;l n&#603; ban&#603; tans te&#331;in la w&#651;sa. 12Ka saa ni te&#331;gbau&#331; la ni dabpisnaasi y&#651;'&#651;&#331; n&#603; ninta&#331; w&#651;sa. 13Ka daakan la ka Noa n&#603; o pu'a n&#603; o biis Sem, Ham, n&#603; Jafet n&#603; ba pu'ab la da la'asi kp&#603;n' anr&#651;&#331; la ni. 14Ba da m&#596;r m&#596;&#596;gin b&#651;nk&#596;nbid n&#603; ba buudi, yin b&#651;nk&#596;nbid n&#603; ba buudi, b&#651;nk&#596;nbid ban&#603; vuud te&#331;in n&#603; ba buudi n&#603; niimis n&#603; ba buudi n&#603; b&#651;n-ian'ada buudi w&#651;sa kp&#603;n'. 15B&#651;nk&#596;nbid ban&#603; w&#651;sa m&#596;r v&#651;m la buudi ayi', yi' k&#603;n Noa san'an na kp&#603;n' anr&#651;&#331; la. 16B&#651;nk&#596;nbban&#603; da kp&#603;n' anr&#651;&#331; la ni da an&#603; b&#651;ndaug n&#603; b&#651;nnya'a&#331; nw&#603;n&#603; Wina'am da y&#603;l Noa si'em la. Ka Zugs&#596;b la y&#596;' k&#651;l&#651;&#331; la. 17Saa la da ni hali dabisa pisnaasi ka ku'om la paasid, ka anr&#651;&#331; la pin'ili pukid. 18Ka ku'om la paas hali ka anr&#651;&#331; la m&#603; puk ku'om la zug. 19-20Ku'om la da p&#603;'&#603;l te&#331;gbau&#331; la w&#651;sa hali lim zuoban&#603; d&#651; la w&#651;sa gaad n&#596;bir makir pisi. 21B&#651;nv&#651;ya ban&#603; da b&#603; te&#331;gbau&#331; zug la w&#651;sa da kpiya. Niis n&#603; yin b&#651;nk&#596;nbid n&#603; sian'arin b&#651;nk&#596;nbid n&#603; ban&#603; w&#651;sa vuud te&#331; n&#603; saalib w&#651;sa. 22B&#651;n lin&#603; da b&#603; te&#331;gbau&#331; zug&#651; m&#596;r v&#651;m w&#651;sa da kpiya. 23B&#651;nv&#651;ya ban&#603; da b&#603; te&#331;gbau&#331; zug la w&#651;sa da kpin&#603; kpi'ilim. Saalib n&#603; b&#651;nk&#596;nbid n&#603; b&#651;nvuuda ban&#603; da b&#603; te&#331;gbau&#331; zug, n&#603; niis ban&#603; da ian'ad ag&#596;la w&#651;sa da li'in&#603;. Noa n&#603; ban&#603; da b&#603; anr&#651;&#331;&#651;n la ma'aa da nan kp&#603;n v&#651;e. 24Ka ku'om la da p&#603;'&#603;l te&#331;gbau&#331; la dabisa k&#596;biga n&#603; pisnu.</div>
 </div>
 </div>
</div>

Ka Zugsɔb la yɛl Noa ye, “Kpɛn'ɛm anrʋŋ la ni, fʋn nɛ fʋ yidim wʋsa, bɔzugɔ m nyɛ fʋn an ninsʋŋ si'em zʋmaʋŋ kaŋa ni. Nɔkim bʋnkɔnbid banɛ an nyain ka ba mɔri maan malima la ayɔpɔi-pɔi, bʋndaug nɛ bʋnnya'aŋ, nɛ bʋnkɔnbid buudbanɛ pʋ maan malima la ayi', yi' bʋndaad nɛ bʋnnya'as, nɛ niis buudi wʋsa ayɔpɔi-pɔi bʋndaad nɛ bʋnnya'as linɛ na kɛ ka ba buudi kʋ kpi'ilim teŋgbauŋ nwa' zugɔ. Daba ayɔpɔi zina m na kɛ ka saa ni teŋgbauŋ nwa' zug, dabpisnaasi yʋ'ʋŋ nɛ nintaŋ wʋsa, ka na san'am bʋnvʋr buudi linɛ ka m maal la wʋsa.” Ka Noa da maal din wʋsa ka Zugsɔb yɛl o la naae.
Noa da anɛ yʋma kɔbisyuobʋ (600) ka ku'om la di dunia la. Ka Noa nɛ o pu'a nɛ o biis la nɛ ba pu'ab kpɛn' anrʋŋʋn la ka ku'om la kʋ nyaŋi dii ba. Bʋnkɔnbid nɛ niimis banɛ an nyain nɛ banɛ ka' nyainnɛ; ba bʋndaad nɛ bʋnnya'as, ba bʋmbɛda nɛ bʋmbibis wʋsa mɛ da kɛn Noa san'an na kpɛn' anrʋŋʋn la nwɛnɛ Wina'am yɛl o si'em la. Daba ayɔpɔi la nya'aŋ ka ku'otita'ar pɛ'ɛl teŋgbauŋ la wʋsa.
Noa da paae yʋma kɔbisyuobʋ (600) la, li nwadis ayi' la dabpii nɛ ayɔpɔi daar, ka ku'osuoya la yɔ'ɔs, banɛ bɛ agɔl nɛ banɛ tans teŋin la wʋsa. Ka saa ni teŋgbauŋ la ni dabpisnaasi yʋ'ʋŋ nɛ nintaŋ wʋsa. Ka daakan la ka Noa nɛ o pu'a nɛ o biis Sem, Ham, nɛ Jafet nɛ ba pu'ab la da la'asi kpɛn' anrʋŋ la ni. Ba da mɔr mɔɔgin bʋnkɔnbid nɛ ba buudi, yin bʋnkɔnbid nɛ ba buudi, bʋnkɔnbid banɛ vuud teŋin nɛ ba buudi nɛ niimis nɛ ba buudi nɛ bʋn-ian'ada buudi wʋsa kpɛn'. Bʋnkɔnbid banɛ wʋsa mɔr vʋm la buudi ayi', yi' kɛn Noa san'an na kpɛn' anrʋŋ la. Bʋnkɔnbbanɛ da kpɛn' anrʋŋ la ni da anɛ bʋndaug nɛ bʋnnya'aŋ nwɛnɛ Wina'am da yɛl Noa si'em la. Ka Zugsɔb la yɔ' kʋlʋŋ la. Saa la da ni hali dabisa pisnaasi ka ku'om la paasid, ka anrʋŋ la pin'ili pukid. Ka ku'om la paas hali ka anrʋŋ la mɛ puk ku'om la zug. Ku'om la da pɛ'ɛl teŋgbauŋ la wʋsa hali lim zuobanɛ dʋ la wʋsa gaad nɔbir makir pisi. Bʋnvʋya banɛ da bɛ teŋgbauŋ zug la wʋsa da kpiya. Niis nɛ yin bʋnkɔnbid nɛ sian'arin bʋnkɔnbid nɛ banɛ wʋsa vuud teŋ nɛ saalib wʋsa. Bʋn linɛ da bɛ teŋgbauŋ zugʋ mɔr vʋm wʋsa da kpiya. Bʋnvʋya banɛ da bɛ teŋgbauŋ zug la wʋsa da kpinɛ kpi'ilim. Saalib nɛ bʋnkɔnbid nɛ bʋnvuuda banɛ da bɛ teŋgbauŋ zug, nɛ niis banɛ da ian'ad agɔla wʋsa da li'inɛ. Noa nɛ banɛ da bɛ anrʋŋʋn la ma'aa da nan kpɛn vʋe. Ka ku'om la da pɛ'ɛl teŋgbauŋ la dabisa kɔbiga nɛ pisnu.

ያዳምጡ Pin'ilʋg 7