If you would like a copy of this version please contact info@davaraudiobibles.org

Nahali New Testament, CC-BY-SA-4.0, The Love Fellowship. Nahali New Testament, CC-BY-SA-4.0, Davar Partners International, The Love Fellowship, 2023.

Nahali New Testament

Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.

“दोष लागाडू मा तुमु पोर भी दोष नाय लागाडाय. काहाकाय ज्या जीही केरीन दोष लागाडहु, तिहीच तुमरे पोर दोष भी लागाडनेमाय आवी, एने जा मापासे तुमु मापहु ताच मापासे तुमरे केरता भी मापाय.”
“तू काहा आपणा बायाकान डोला माय वालो कोचराह देखणे, एने आपणा डोला माय वालो होट्यो तुवाह देखाणे नाहं? ताराच डोलाम कोचरू हि, ते तू आपणा बायाक किहिक केय सकीह, का लाव मी तार डोलावालो कोचरो निकाल बोगवानान” “हे कोपटी, पेल आपणा डोला मायरीन होट्यो काड ली, तेवी तू आपणा बायाकान डोलान केचरो हास केरीन काड साकही.” “पवित्र वस्तु चिताह आपी मा, एने आपणी मोती डुकराओगाण जगारहु मा, काकहाकाय ता ती वोस्तु पायामा चेंदती एने फिरीन तुमूह फाड टाकति.”


“मांगु ते तुमूह आपाय जाय; होदू ते तुमूह सापडी, ठोकु ते तुमरीकेरता उगाडी जाय काहाकाय जो कूण मांगणे ताह जुडीह, एने जो कूण होदिह ताह सापडणे, जो कूण ठोकी तान केरता उगाडणे माय आवी.” तुमरे माय ओहलो कूण हि, जो आपणो तान सोरो रोटू मागी ते ताह देगडा आपी? एने मासा मागी ते ताह गेयळेक आपी? जर तुमु खराब रेयने भी, आपणा सोराह हाजाली वस्तु आपणेन जाणतेह, ते तुमरो स्वर्गावालू आबुक तुमूह हाजाली वोस्तु काहा नेय आपी? एने ज्या कारण से तुमूह लागी का माणहे तुमरे हेरया वागणे जुवी तोहोलोच तुमु भी तासहेऱ्यो वागु, काहाकाय व्यवस्था एने भविष्यवक्ता ज्योच हिकाडेल हेते.


“चोवडा दरवाजामा रिगणेन होदुमा, काहाकाय चोवडो हि ती वात जी सिदो नाशमा लीन जाथी, एने ती सिडिक पोर चालणारा जादा माणहे हेते. पुण हाकडो हि ती सिडिक जी जीवनावोर लीन जाथी, एने थोडोच माणहे हेते जा ती सिडिक पोर जातेह.”


जुठा भविष्यवक्ता से सावधान रीवू, जा मेंढरांन वेह मा आवती पुण मायरीन फाडीन खाणारे कोल्यो रेणू. तान फोला पोररीन ताह तुमूह ओलखाणे, काय माणहे काटावालो झाडाउपेर अंगूर एने उटकटरान झाडा पोररीन अंजीर तोड्णु काय? इहीच हाजो झाड हाजो फोल आपणे, पुण खराब झाड खारब फोल आपणे. हाजो झाड खराब फोल आप सकीत नाहं, एने खारब झाड हाजो फोल आप सकीत नाहं हर एक झाड जो हाजो फोल नाय आपी तो आकठाम टाकणेम आवी. ज्यासे तुमु तान फोला पोररीन ओलखाणे.
हर एकजाण जो माहु हे प्रभु, हे प्रभु, केथी, ता आखा स्वर्गान राज्यामाय प्रवेश नाय केरती, पुण जो मारा स्वर्गीय आबाकने ईच्छान पोर चाली तोच स्वर्गान राज्यामाय प्रवेश जाय. ती दिह जुलुम माणहे माहु केती, प्रभु! हे प्रभु! आमु तारा नावा से भविष्यवाणी किरील, तारा नावा से दुष्ट आत्मा काडील, एने तारा नावा से कोलाक आश्चर्यान काम नाह केऱ्या काय? तेवी मी ताह केह, “मी तुमूह केधीच ओलखित नाह” हे कुकर्म केरणारा माहुरीन सेटा एवू.


“केरीन जो कूण मारी वातू होम्लीन वचनान पोर चाली, तो ता बुद्धिमान माणहान होस हि, जो आपणो घेर सापरापुर बांधीलह. एने पाणी पोडनो, एने नदी आवो, वादूण भी आवो एने ता घेराह लागिल तेभी तो घेर पोडयो नाहं, काहाकाय तान पायु सापरापुर बांधील इतू. पुण जो कूण मारो वचनाह होमलीन, एने तान पोर चाली नाय, तो ता मुर्खान होस हि जो आपणो घेर रेटापूर बांदयो. एने पाणी पोडयो, नदी आवी, वादूण भी आवो एने ता घेराह लाग्यो, तेवी तो घेर पोड गीयो एने आखो एतो काम नाह एतो ओहलो एय गीयो.”
जेवी, यीशु ज्यू वातू केतालू, तेवी तावली गेर्दी तान हिकाडणे पोर भोगलाय गीयी काहाकाय तो ताह शास्त्री गेतुच नाहं पुण अधिकारीन गेतुच हिकाड तालो.

ያዳምጡ मत्ती 7