Migaama, Centre - WBT - NT non Drama

Migaama, Centre - WBT - NT Drama

<div class="version vid2999 iso6393mmy" data-vid="2999" data-iso6393="mmy">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s1">Iisa wagaa ma daate ta Samaari</div><div class="p"> 1-3Guu Pariziyennigee giyyi&#599;e kadar ga Iisa batasayya giimi maani &#436;iila min oko Yaaya o jobookeetee kulla &#436;iiliy ma maanuwe ku Yaaya. Ma seene pa, ga Iisa saa ma kayaati batisiye &#599;a giimi, ay jobookeetee ka ma batasayya. Maa ga Iisa giyyi&#599;e kadar gu giimi beneyya go&#331;&#331;a, ga wace min ki&#599;a ta Yudee, gaa yokow&#599;o ki&#599;a ta Galilee.</div><div class="p"> 4Gaa yokaa pa Galilee, illa ga &#436;elaa ma botol ka ki&#599;a ta Samaari. 5Gaa sar&#599;e geegar ka&#436;i a&#599;e maa gu kolaa goo Sisar ma aaye katta ganti Yakub, maa ga berewwiyee oko runti kee Yuusup min tippa. 6Ay i&#331;aa appe kulla maa ga beeniti Yakub maa ga caree al&#599;o. Maa ga Iisa rakaw&#599;e pa min turguwwi, ga ase nunta biiti beenu kaaka wikinne ka gaayilti.</div><div class="p"> 7-8Wikinne maa ga Iisa naba&#599;&#599;o kaaka pa, gu jobookeetee katee darre ta Sisar gu dee&#599;iyo gi&#599;a tiyaw. Gii lekki&#599;o Samaaritenni&#331;ga ma ase &#599;abbiti ammo. Maa gi asiyya gassa, gaa innicca gaa: &#171;Biraw &#599;e ammi na aar&#816;i&#599;o.&#187; 9Gii tiiliyyee gee: &#171;Kii ma ki ay Yawudince. Ayme ki enew&#599;ino naa ma ay gima ta Samaari kii na biram ammi ki aar&#816;i&#599;o?&#187; Gita pa beneyye go&#331;&#331;a asan gu Yawudigee ma giimi ku Samaari gi galawwiyoo &#599;a#4.9 Giimi ku Samaari, ay Samaaritennigee. Guta pa ay giimi ku amsenta, Yawudigee sokke beenannico ma Asiriyennigee, guu wee&#599;iy pe Samaaritennigee guta kotti. Guta pa jagiya wikirco ka lollikiti Mellayi kayco. Dee geewa were kayaati dambu maa gu kolaa goo Garizim gu lollok&#599;iya i&#331;aa Mella, min maa gu dee&#599;o lollika Zerizalem, o gu amassiy ka awaadigee ku Mellayi ma ku zorro..</div><div class="p"> 10Gaa Iisa tiilitti gaa: &#171;Ka ibinca &#599;a birawti Mellayi, o gimu keeke ma enaate ammi ku aar&#816;iti. Ka eben&#599;iya ampane kee, ay ka&#331; pe soo ma enaa, gaa biritte ammi ma beraayo hayaatane oko giimo.&#187; 11Gii daate beneyyiyyee gee: &#171;Mii&#599;i keeke, ki lekka &#599;a rambaaye ka cimmiti ammo, o beenu si&#436;&#436;a. Ki gasakkay ta&#331;aa ammi kotti ma beraayo hayaatane oko giimo? 12Kaakatini kee Yakub ay gata ma mirniiga beenu keeke, o ga gata saa kulla ma kayaati o rontee o gaaruwtee aar&#816;e amtee. Ki pa leewe ki wala&#331; ki &#436;iila e?&#187; 13Gaa Iisa tiilitti gaa: &#171;Gaa gimu aar&#816;e amtee beenu keeke, gu ibini deewa payya. 14Gimu soopa ma ar&#816;aa ammi maa ga naa beree, gu ibini deewa &#599;a payya ta kaw, asan gu ammi maa na beree deewee ammi ma sorotta diiman o gu beree hayaatane ma gakamma &#599;a ta kaw.&#187; 15Gii daate beneyyiyyee gee: &#171;Mii&#599;i keeke, biraw &#599;e ammi kotti ku maa gu ibini al&#599;ino dee &#599;a o na al&#599;o asa &#599;a payya &#599;abbiti i&#331;ee.&#187;</div><div class="p"> 16Gaa Iisa lee&#599;iti gaa: &#171;Addo ka dee&#599;iya kolla mitte ku asi&#599;o.&#187; 17Gii gita pa tiiliyyee gee: &#171;Na lekka &#599;a mii&#599;i.&#187; Gaa Iisa beneyyitti gaa: &#171;Ay seene appe ka lee&#599;aw kaaka lekka &#599;a mii&#599;i, 18asan ka sokke mii&#599;i bee&#436;a, o mii&#599;i maa ka nowo&#599;&#599;e keeke ha&#331;ka kulla ay mitte &#599;a. Oko keeke pa, ka beneyye ma seene.&#187; 19Gii daate tiiliyyee gee: &#171;Mii&#599;i, naa ellam go&#331;&#331;a, ki ay nabiinice. 20Kookuweetini koo Samaaritennigee aabidiya Mella oko damba taata, a ku&#331; Yawudigee pa kuu ga were ka aabiditi Mellayi aaye geegar ka Zerizalem.&#187; 21Gaa Iisa tiilitti gaa: &#171;Daate, amannu oko beneytu keeke. Wikinne akka asa maa ku al&#599;iya aabida &#599;a payya Mella Baaba oko damba taata, o ga ay Zerizalem &#599;a ka kulla. 22Ku&#331; giimi ka Samaari aabaddaa Mella maa ku ibina &#599;a samaane, nii Yawudigee soopa aabaddaa Mella maa ni ibina samaane, asan gi najjiyti Mellayi delaa &#436;a omma min Yawudigeyyo. 23Wikinne soopa asaa, o ga ase paa&#599;e ha&#331;ka, maa gu giimi asiyya aabida Mella Baaba ma gaayo ta Ruuhanti o ma seeniti, asan ga Mella a&#331;ka giimi ma aabaddaa pe go&#331;&#331;a a&#599;e. 24Mella ay Ruuhane, o gu giimi ma aabaddaa pa kulla, a&#331;ka gu aabidiyya ma gaayo ta Ruuhanti o ma seeniti.&#187; 25Gii daate beneyyiyyee gee: &#171;Na lekka kabarre kadar ga Masi, gata maa ga Mella aparre, akka asa, ga asinniigu gaara gaartee Mellayi paracco.&#187; 26Gaa Iisa tiilitti gaa: &#171;Ay naata keeke appe ma beneyyate ay Masi.&#187;</div><div class="p"> 27Gaa wikinne maa gu beney&#599;o kaaka pa, gu jobookeetee kulla asi&#599;e min gi&#599;aawi lawwi ku tiyaawi. Guu ajjibi&#599;e maa gu elliyya ga beneyya ma daate. Gaa al&#599;o lekka &#599;a ya gimu ka&#436;i kulla min oko jobookeetee ma inniya gaa: &#171;Ki a&#331;kiti ini me?&#187;, e ba&#331; gaa: &#171;Ayme ki beney&#599;o ma daate teete?&#187; 28Gii daate uttiyyee oko ku&#599;igit&#237; i&#331;aa, gii yooki&#599;e darriti gi dee&#599;iyo taasa oko giimo gee: 29&#171;Aso&#331; &#436;a ku asiyya ella gimu kinne ma gaarawgu gaartaw paracco maa na leelo! Wala&#331; pe ga deewa Masi?&#187; 30Guu giimi oomi&#599;e min darriti, gu dee&#599;iya ella Iisa.</div><div class="p"> 31Wikinne maa gi daate yooki&#599;e darriti gi dee&#599;iyo taasa oko giimo kaaka, gu jobookeetee pa malmallaa goo: &#171;Garaawatini, asu tee &#599;e?&#187; 32Gaa gata pa tiiliyyoo gaa: &#171;Na lekka tiyaw maa ku ibina &#599;a.&#187; 33Guu jobookeetee enew&#599;o zeneeco goo: &#171;Alka lekka soo gimu ma itiriyee tiyaw e?&#187; 34Gaa Iisa beneyyiyyoo payya gaa: &#171;Tiyawtu, ay na lee&#599;iy gaari maa ga ma n&#816;akamminoo a&#331;ka, o na gaamiyya lubbi maa ga berewwiyaw. 35Ku beneyya kuu gi se&#599;&#599;o marakkiti koyyee poo&#599;i. Naata soopa beneyyato&#331; naa ku ello&#331;gu &#436;a ganna neero, o gu a&#331;ka paa&#599;e se&#599;&#599;o. 36Gimu ma se&#599;ekka gasakkaca appe hagganti, o ga temekkay kor&#436;o ku maa ga gassicca hayaatane ma gakamma &#599;a ta kaw. Ay go&#331;&#331;a pe ga gimu ma lowokka o ma se&#599;ekka parhin&#599;o serco sawa. 37Masal keeke pa beneyye gaa: Gimu ka&#436;i &#436;a lowokka o ka&#436;i pa se&#599;ekka. Ay seene. 38Na n&#816;aamito&#331; se&#599;&#599;iti oko gaan maa ku al&#599;e lobokka &#599;a. Giimi daare pa lubbe, kuu asi&#599;e jiira oko lubbico maa gu leewe paa&#599;e.&#187;</div><div class="s1">Giimi maani ku ki&#599;a ta Samaari amanna oko Iisa</div><div class="p"> 39Samaaritennigee maani min darre ta Sisar dowwiy galbigeeco oko Iisa asan gi daate beneyyiyoo gee: &#171;Gimu kinne gaarawgu gaartaw paracco maa na leelo.&#187; 40Ay &#599;akko appe gu Samaaritennigee asiyya gassa Iisa gu asiya malmila goo ga nuntayo. Gaa nunti&#599;e ma guta meeni seera. 41Maa ga Iisa beneyyiyyoo, guu giimi maani ta kaw duw&#599;iy payya galbigeeco oko gata ma ay Masi. 42Guu beneyyitti oko daatti goo: &#171;Ha&#331;ka ni dowwiy &#599;a galbigeetini oko gata ma beneyte ka maa ka jeppini, innasoopa ni dowwiy kulla, asan ni giyyiya saa pe ga niita ma deytini o ni leelo pe kabarre ma tirta kadar ga ay Najjaayaco giimi paracco ku dunuune teete.&#187;</div><div class="s1">Iisa rayyaddaa runti lubaaka ka tatta ka hakuumati</div><div class="p"> 43Maa ga Iisa nunti&#599;e ki&#599;a ta Samaari meeni seera, gaa &#436;iili&#599;e payya ki&#599;a ta Galilee. 44Gaa gata saa ma kayaati beneyyi&#599;e gaa: &#171;Nabiinice gu giimi ku darriti bakammiki &#599;a.&#187; 45Innasoopa, maa ga asi&#599;e Galilee, gu giimi joobiya samaane, asan gu elle gaari ku ajjibiti ma garaaca gudiranti. Gaari kotti pa, ga leyyiy laalane ta Pakti ma deero Zerizalem. Giimi ku Galilee kotti pa, kulla katee oko laalane taata. 46Gaa yooki&#599;e darre ta Kana ma aaye Galilee, were maa ga sawil&#599;iy ammi gu dee&#599;e mirmi ku mor&#816;mor&#816;oskeyyo.</div><div class="p">Gaa lekki&#599;o lubaaka tatta ka hakuumati, maa ga runti parayya geegar ka Kaparnawom. 47Maa ga gimu kaaka giyyi&#599;e kadar ga Iisa wace min ki&#599;a ta Yudee ga asi&#599;e ki&#599;a ta Galilee, gaa kaatiyyee darre ta Kana ga dee&#599;iyee beneyya gaa: &#171;Mii&#599;i keeke, ban&#816;n&#816;u &#599;e a&#599;e&#331; Kaparnawom, ki dee&#599;iya rayyida runtu ma parayya ta tirta teete katta muuti.&#187; 48Gaa Iisa beneyyiyyee gaa: &#171;Kuu elle &#599;a a&#599;e go&#331;&#331;a garaawi ku ajjibiti ma garaaca gudiranti Mellayi, gu galbigeeto&#331; ku dowway &#599;a oko naata.&#187; 49Gaa lubaaka ka tatta ka hakuumati tiiliyyee oko Iisa gaa: &#171;Mii&#599;i keeke, asu a&#599;e&#331; girtu omma min maa ga runtu al&#599;e mataa &#599;a missa.&#187; 50Gaa Iisa beneyyiyyee gaa: &#171;Ha&#331;ka ki yooku paa&#599;e gircum. Runcum rayyide.&#187;</div><div class="p">Gaa mi&#599;i kaaka amanni&#599;e oko beneyti Iisa maa ga beneyyiyee, gaa yooki&#599;e. 51Gaa ta sokkonta maa ga sar&#599;e geegar ka Kaparnawom, gu lubaakeetee joobiyya butuuli guu beneyyiyyee goo: &#171;Runcum rayyide.&#187; 52Gaa gata pa inni&#599;iy gaa: &#171;Ay wikinne &#331;awwa maa ga rayyidi&#599;e?&#187; Guu guta pa tiiliyyee goo: &#171;Ay mooko ma duhur.&#187; 53Maa ga giyyiyya beneyco kaaka pa, ga leelo kabarre kadar ga ay wikinne kaaka saa maa ga Iisa beneyyiyyee gaa: &#171;Runcum rayyide.&#187; Ay &#599;akko appe ga duwicca galbanti oko Iisa. Guu gimtee ku giiri kulla paracco duw&#599;iy galbigeeco oko Iisa.</div><div class="p"> 54Ay keeke appe ay latta ka ajjibiti ka seerti&#331;, maa ga Iisa leelo wikinne maa ga yooki&#599;e min ki&#599;a ta Yudee gaa asi&#599;e payya ki&#599;a ta Galilee.</div>
 </div>
 </div>
</div>

Guu Pariziyennigee giyyiɗe kadar ga Iisa batasayya giimi maani ƴiila min oko Yaaya o jobookeetee kulla ƴiiliy ma maanuwe ku Yaaya. Ma seene pa, ga Iisa saa ma kayaati batisiye ɗa giimi, ay jobookeetee ka ma batasayya. Maa ga Iisa giyyiɗe kadar gu giimi beneyya goŋŋa, ga wace min kiɗa ta Yudee, gaa yokowɗo kiɗa ta Galilee.
Gaa yokaa pa Galilee, illa ga ƴelaa ma botol ka kiɗa ta Samaari. Gaa sarɗe geegar kaƴi aɗe maa gu kolaa goo Sisar ma aaye katta ganti Yakub, maa ga berewwiyee oko runti kee Yuusup min tippa. Ay iŋaa appe kulla maa ga beeniti Yakub maa ga caree alɗo. Maa ga Iisa rakawɗe pa min turguwwi, ga ase nunta biiti beenu kaaka wikinne ka gaayilti.
Wikinne maa ga Iisa nabaɗɗo kaaka pa, gu jobookeetee katee darre ta Sisar gu deeɗiyo giɗa tiyaw. Gii lekkiɗo Samaaritenniŋga ma ase ɗabbiti ammo. Maa gi asiyya gassa, gaa innicca gaa: «Biraw ɗe ammi na aar̰iɗo.» Gii tiiliyyee gee: «Kii ma ki ay Yawudince. Ayme ki enewɗino naa ma ay gima ta Samaari kii na biram ammi ki aar̰iɗo?» Gita pa beneyye goŋŋa asan gu Yawudigee ma giimi ku Samaari gi galawwiyoo ɗa.
Gaa Iisa tiilitti gaa: «Ka ibinca ɗa birawti Mellayi, o gimu keeke ma enaate ammi ku aar̰iti. Ka ebenɗiya ampane kee, ay kaŋ pe soo ma enaa, gaa biritte ammi ma beraayo hayaatane oko giimo.» Gii daate beneyyiyyee gee: «Miiɗi keeke, ki lekka ɗa rambaaye ka cimmiti ammo, o beenu siƴƴa. Ki gasakkay taŋaa ammi kotti ma beraayo hayaatane oko giimo? Kaakatini kee Yakub ay gata ma mirniiga beenu keeke, o ga gata saa kulla ma kayaati o rontee o gaaruwtee aar̰e amtee. Ki pa leewe ki walaŋ ki ƴiila e?» Gaa Iisa tiilitti gaa: «Gaa gimu aar̰e amtee beenu keeke, gu ibini deewa payya. Gimu soopa ma ar̰aa ammi maa ga naa beree, gu ibini deewa ɗa payya ta kaw, asan gu ammi maa na beree deewee ammi ma sorotta diiman o gu beree hayaatane ma gakamma ɗa ta kaw.» Gii daate beneyyiyyee gee: «Miiɗi keeke, biraw ɗe ammi kotti ku maa gu ibini alɗino dee ɗa o na alɗo asa ɗa payya ɗabbiti iŋee.»
Gaa Iisa leeɗiti gaa: «Addo ka deeɗiya kolla mitte ku asiɗo.» Gii gita pa tiiliyyee gee: «Na lekka ɗa miiɗi.» Gaa Iisa beneyyitti gaa: «Ay seene appe ka leeɗaw kaaka lekka ɗa miiɗi, asan ka sokke miiɗi beeƴa, o miiɗi maa ka nowoɗɗe keeke haŋka kulla ay mitte ɗa. Oko keeke pa, ka beneyye ma seene.» Gii daate tiiliyyee gee: «Miiɗi, naa ellam goŋŋa, ki ay nabiinice. Kookuweetini koo Samaaritennigee aabidiya Mella oko damba taata, a kuŋ Yawudigee pa kuu ga were ka aabiditi Mellayi aaye geegar ka Zerizalem.» Gaa Iisa tiilitti gaa: «Daate, amannu oko beneytu keeke. Wikinne akka asa maa ku alɗiya aabida ɗa payya Mella Baaba oko damba taata, o ga ay Zerizalem ɗa ka kulla. Kuŋ giimi ka Samaari aabaddaa Mella maa ku ibina ɗa samaane, nii Yawudigee soopa aabaddaa Mella maa ni ibina samaane, asan gi najjiyti Mellayi delaa ƴa omma min Yawudigeyyo. Wikinne soopa asaa, o ga ase paaɗe haŋka, maa gu giimi asiyya aabida Mella Baaba ma gaayo ta Ruuhanti o ma seeniti, asan ga Mella aŋka giimi ma aabaddaa pe goŋŋa aɗe. Mella ay Ruuhane, o gu giimi ma aabaddaa pa kulla, aŋka gu aabidiyya ma gaayo ta Ruuhanti o ma seeniti.» Gii daate beneyyiyyee gee: «Na lekka kabarre kadar ga Masi, gata maa ga Mella aparre, akka asa, ga asinniigu gaara gaartee Mellayi paracco.» Gaa Iisa tiilitti gaa: «Ay naata keeke appe ma beneyyate ay Masi.»
Gaa wikinne maa gu beneyɗo kaaka pa, gu jobookeetee kulla asiɗe min giɗaawi lawwi ku tiyaawi. Guu ajjibiɗe maa gu elliyya ga beneyya ma daate. Gaa alɗo lekka ɗa ya gimu kaƴi kulla min oko jobookeetee ma inniya gaa: «Ki aŋkiti ini me?», e baŋ gaa: «Ayme ki beneyɗo ma daate teete?» Gii daate uttiyyee oko kuɗigití iŋaa, gii yookiɗe darriti gi deeɗiyo taasa oko giimo gee: «Asoŋ ƴa ku asiyya ella gimu kinne ma gaarawgu gaartaw paracco maa na leelo! Walaŋ pe ga deewa Masi?» Guu giimi oomiɗe min darriti, gu deeɗiya ella Iisa.
Wikinne maa gi daate yookiɗe darriti gi deeɗiyo taasa oko giimo kaaka, gu jobookeetee pa malmallaa goo: «Garaawatini, asu tee ɗe?» Gaa gata pa tiiliyyoo gaa: «Na lekka tiyaw maa ku ibina ɗa.» Guu jobookeetee enewɗo zeneeco goo: «Alka lekka soo gimu ma itiriyee tiyaw e?» Gaa Iisa beneyyiyyoo payya gaa: «Tiyawtu, ay na leeɗiy gaari maa ga ma n̰akamminoo aŋka, o na gaamiyya lubbi maa ga berewwiyaw. Ku beneyya kuu gi seɗɗo marakkiti koyyee pooɗi. Naata soopa beneyyatoŋ naa ku elloŋgu ƴa ganna neero, o gu aŋka paaɗe seɗɗo. Gimu ma seɗekka gasakkaca appe hagganti, o ga temekkay korƴo ku maa ga gassicca hayaatane ma gakamma ɗa ta kaw. Ay goŋŋa pe ga gimu ma lowokka o ma seɗekka parhinɗo serco sawa. Masal keeke pa beneyye gaa: Gimu kaƴi ƴa lowokka o kaƴi pa seɗekka. Ay seene. Na n̰aamitoŋ seɗɗiti oko gaan maa ku alɗe lobokka ɗa. Giimi daare pa lubbe, kuu asiɗe jiira oko lubbico maa gu leewe paaɗe.»

Samaaritennigee maani min darre ta Sisar dowwiy galbigeeco oko Iisa asan gi daate beneyyiyoo gee: «Gimu kinne gaarawgu gaartaw paracco maa na leelo.» Ay ɗakko appe gu Samaaritennigee asiyya gassa Iisa gu asiya malmila goo ga nuntayo. Gaa nuntiɗe ma guta meeni seera. Maa ga Iisa beneyyiyyoo, guu giimi maani ta kaw duwɗiy payya galbigeeco oko gata ma ay Masi. Guu beneyyitti oko daatti goo: «Haŋka ni dowwiy ɗa galbigeetini oko gata ma beneyte ka maa ka jeppini, innasoopa ni dowwiy kulla, asan ni giyyiya saa pe ga niita ma deytini o ni leelo pe kabarre ma tirta kadar ga ay Najjaayaco giimi paracco ku dunuune teete.»

Maa ga Iisa nuntiɗe kiɗa ta Samaari meeni seera, gaa ƴiiliɗe payya kiɗa ta Galilee. Gaa gata saa ma kayaati beneyyiɗe gaa: «Nabiinice gu giimi ku darriti bakammiki ɗa.» Innasoopa, maa ga asiɗe Galilee, gu giimi joobiya samaane, asan gu elle gaari ku ajjibiti ma garaaca gudiranti. Gaari kotti pa, ga leyyiy laalane ta Pakti ma deero Zerizalem. Giimi ku Galilee kotti pa, kulla katee oko laalane taata. Gaa yookiɗe darre ta Kana ma aaye Galilee, were maa ga sawilɗiy ammi gu deeɗe mirmi ku mor̰mor̰oskeyyo.
Gaa lekkiɗo lubaaka tatta ka hakuumati, maa ga runti parayya geegar ka Kaparnawom. Maa ga gimu kaaka giyyiɗe kadar ga Iisa wace min kiɗa ta Yudee ga asiɗe kiɗa ta Galilee, gaa kaatiyyee darre ta Kana ga deeɗiyee beneyya gaa: «Miiɗi keeke, ban̰n̰u ɗe aɗeŋ Kaparnawom, ki deeɗiya rayyida runtu ma parayya ta tirta teete katta muuti.» Gaa Iisa beneyyiyyee gaa: «Kuu elle ɗa aɗe goŋŋa garaawi ku ajjibiti ma garaaca gudiranti Mellayi, gu galbigeetoŋ ku dowway ɗa oko naata.» Gaa lubaaka ka tatta ka hakuumati tiiliyyee oko Iisa gaa: «Miiɗi keeke, asu aɗeŋ girtu omma min maa ga runtu alɗe mataa ɗa missa.» Gaa Iisa beneyyiyyee gaa: «Haŋka ki yooku paaɗe gircum. Runcum rayyide.»
Gaa miɗi kaaka amanniɗe oko beneyti Iisa maa ga beneyyiyee, gaa yookiɗe. Gaa ta sokkonta maa ga sarɗe geegar ka Kaparnawom, gu lubaakeetee joobiyya butuuli guu beneyyiyyee goo: «Runcum rayyide.» Gaa gata pa inniɗiy gaa: «Ay wikinne ŋawwa maa ga rayyidiɗe?» Guu guta pa tiiliyyee goo: «Ay mooko ma duhur.» Maa ga giyyiyya beneyco kaaka pa, ga leelo kabarre kadar ga ay wikinne kaaka saa maa ga Iisa beneyyiyyee gaa: «Runcum rayyide.» Ay ɗakko appe ga duwicca galbanti oko Iisa. Guu gimtee ku giiri kulla paracco duwɗiy galbigeeco oko Iisa.
Ay keeke appe ay latta ka ajjibiti ka seertiŋ, maa ga Iisa leelo wikinne maa ga yookiɗe min kiɗa ta Yudee gaa asiɗe payya kiɗa ta Galilee.

ያዳምጡ Yaaya 4