If you would like a copy of this version please contact info@davarpartners.org

Ŋakarimojoŋ Old Testament

<div class="version vid2803 iso6393kdj" data-vid="2803" data-iso6393="kdj">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="s">Akalele &#331;ina apolon nooi</div><div class="r">(Luk. 17:26-27)</div><div class="p"> 1Tolimok Ekapolon Noa tema, &#8220;Toloma nataker kaapei ka ekal kon, anerae aanyu ayo&#331; atemar iyo&#331; bon iyookino aloki&#331;aren ka&#331; ananyamet a na. 2Kitoloma nataker &#331;itya&#331; &#331;ulu itojokitae &#331;ulu egelegelya &#331;itomon ka &#331;iomwon, &#331;ulukilyok ka &#331;unaberu. Kitoloma da&#331; &#331;itya&#331; &#331;ulu itoronitae, &#331;olokile ka &#331;inaberu; 3&#331;ikyeny da&#331; &#331;ulu egelegelya &#331;itomon ka &#331;iomwon, &#331;ulukilyok &#331;ikanikaarei ka &#331;uluberu &#331;akanikaarei torubakiniata &#331;ikabilae kec eyakasi nakwap daada&#331;, 4anerae ekaku a &#331;irwa a &#331;ikanikaarei, eyakuuni ayo&#331; akiru &#331;ina etepi nakwap &#331;apaarasya &#331;atomoniomwon ka &#331;akuwarisya &#331;atomoniomwon. Tosodi amunyari ayo&#331; a akiru a &#331;in ibore daada&#331; &#331;ini eyari anakwap, &#331;ini adau ayo&#331; asubun.&#8221; 5Kitiya Noa daada&#331; lopite &#331;olo ecikitor Ekapolon i&#331;es.</div><div class="p"> 6Arae &#331;ikaru a Noa &#331;amiae &#331;akanikapei apaki &#331;ina abunio akalele nakwap. 7Tolomasi Noa ka aberu ke&#331; ka &#331;idwe ke&#331; &#331;ulusapa ta &#331;aterak ke&#331; nataker, ikotere eiunotor anakalele. 8Tolomasi kaapei ka Noa &#331;itya&#331; &#331;ulu itojokitae ka &#331;ulu itoronitae da&#331; ka &#331;ikyeny ta ibore daada&#331; &#331;ini elyat anakwap, 9a &#331;iareerei &#331;olokile ka &#331;inaberu ikwapei ecikitor Akuj Noa. 10Kelunyar &#331;irwa &#331;ikanikaarei, kiwakin &#331;akipi nakwap.</div><div class="p"> 11Alokaru a &#331;olo adolioto &#331;ikaru a Noa &#331;amiae &#331;akanikapei, elap &#331;olo a &#331;iarei &#331;irwa ka elap &#331;itomon ka &#331;ikanikaarei, tolakakin &#331;iitan &#331;ulu a &#331;auwuata ka to&#331;aaros alokidiama &#331;irotin daada&#331; &#331;ulu ebuneneo akiru. 12Kidon akiru akwap &#331;apaarasya &#331;atomoniomwon ka &#331;akuwarisya &#331;atomoniomwon. 13Akolo&#331;it &#331;in, i&#331;es alomaryata Noa ka &#331;idwe ke&#331; &#331;ulusapa lu: Sem, Am ka Yapes nataker; kaapei ka aberu ke&#331; ta &#331;aterak ke&#331;. 14Arae da&#331; akolo&#331;it &#331;inapei alomaryata nataker &#331;itya&#331; &#331;ulu egelegelya; &#331;ulu ka ariet ka &#331;ulu enaikina ka &#331;itu&#331;a kaapei ta &#331;itya&#331; daada&#331; &#331;ulu elyato, a &#331;olokabila a &#331;itya&#331; &#331;iareerei ta &#331;ikyeny &#331;ulu a &#331;olokabila &#331;iareerei. 15Tolomasi &#331;ul daada&#331; nataker kaapei ka Noa, tolomasi &#331;iboorei &#331;ulu eyarete daada&#331; nateker a &#331;iareerei. 16Toloma &#331;inibore daada&#331; nataker, a &#331;olokabila &#331;inikile ka &#331;iniberu, ikwapei ecikitor Akuj Noa. Ani keloma Noa nataker togolok Ekapolon epuke.</div><div class="p"> 17Torubakis &#331;akipi iwaakina nakwap &#331;irwa &#331;atomoniomwon, torubakis &#331;akipi iyatasi, kikyaasi ataker kidiama nooi alokwap. 18Tolalata &#331;akipi nooi, kiyatakin alokidiama &#331;alup, kilemilem ataker alokidiama &#331;akipi. 19Tolalata &#331;akipi anakwap nooi akilo, torapuwasi tari &#331;imoru &#331;ulu aoyak daada&#331; anakwap. 20Tolalata &#331;akipi torapuwasi &#331;imoru, todol alalau a &#331;akipi &#331;imitae &#331;akanikaarei akisyakin anaitae a &#331;imoru tari kidiama. 21Totwana ibore daada&#331; &#331;ini ayari anakwap: &#330;ikyeny, &#331;ibaren, &#331;itya&#331; &#331;ulu ka ariet ka ibore daada&#331; &#331;ini epori ka elyat alokwap ta &#331;itu&#331;a daada&#331;; 22totwan anakwap ibore daada&#331; &#331;ini ie&#331;a alokumes. 23Tomunyar ibore daada&#331; &#331;ini ayari anakwap, akisyakin alotu&#331;a, alobaren, aloboorei a &#331;ulu elyato daada&#331; ka &#331;ikyeny. Noa bon abu kido&#331; ka &#331;ulu arukitotor i&#331;es anataker. 24Kirimamakin &#331;akipi nakwap, todolo &#331;irwa amiat ka &#331;atomonikan.</div>
 </div>
 </div>
</div>

Ngakarimojong Interconfessional Bible © Bible Society of Uganda, 2008.

Tolimok Ekapolon Noa tema, “Toloma nataker kaapei ka ekal kon, anerae aanyu ayoŋ atemar iyoŋ bon iyookino alokiŋaren kaŋ ananyamet a na. Kitoloma nataker ŋityaŋ ŋulu itojokitae ŋulu egelegelya ŋitomon ka ŋiomwon, ŋulukilyok ka ŋunaberu. Kitoloma daŋ ŋityaŋ ŋulu itoronitae, ŋolokile ka ŋinaberu; ŋikyeny daŋ ŋulu egelegelya ŋitomon ka ŋiomwon, ŋulukilyok ŋikanikaarei ka ŋuluberu ŋakanikaarei torubakiniata ŋikabilae kec eyakasi nakwap daadaŋ, anerae ekaku a ŋirwa a ŋikanikaarei, eyakuuni ayoŋ akiru ŋina etepi nakwap ŋapaarasya ŋatomoniomwon ka ŋakuwarisya ŋatomoniomwon. Tosodi amunyari ayoŋ a akiru a ŋin ibore daadaŋ ŋini eyari anakwap, ŋini adau ayoŋ asubun.” Kitiya Noa daadaŋ lopite ŋolo ecikitor Ekapolon iŋes.
Arae ŋikaru a Noa ŋamiae ŋakanikapei apaki ŋina abunio akalele nakwap. Tolomasi Noa ka aberu keŋ ka ŋidwe keŋ ŋulusapa ta ŋaterak keŋ nataker, ikotere eiunotor anakalele. Tolomasi kaapei ka Noa ŋityaŋ ŋulu itojokitae ka ŋulu itoronitae daŋ ka ŋikyeny ta ibore daadaŋ ŋini elyat anakwap, a ŋiareerei ŋolokile ka ŋinaberu ikwapei ecikitor Akuj Noa. Kelunyar ŋirwa ŋikanikaarei, kiwakin ŋakipi nakwap.
Alokaru a ŋolo adolioto ŋikaru a Noa ŋamiae ŋakanikapei, elap ŋolo a ŋiarei ŋirwa ka elap ŋitomon ka ŋikanikaarei, tolakakin ŋiitan ŋulu a ŋauwuata ka toŋaaros alokidiama ŋirotin daadaŋ ŋulu ebuneneo akiru. Kidon akiru akwap ŋapaarasya ŋatomoniomwon ka ŋakuwarisya ŋatomoniomwon. Akoloŋit ŋin, iŋes alomaryata Noa ka ŋidwe keŋ ŋulusapa lu: Sem, Am ka Yapes nataker; kaapei ka aberu keŋ ta ŋaterak keŋ. Arae daŋ akoloŋit ŋinapei alomaryata nataker ŋityaŋ ŋulu egelegelya; ŋulu ka ariet ka ŋulu enaikina ka ŋituŋa kaapei ta ŋityaŋ daadaŋ ŋulu elyato, a ŋolokabila a ŋityaŋ ŋiareerei ta ŋikyeny ŋulu a ŋolokabila ŋiareerei. Tolomasi ŋul daadaŋ nataker kaapei ka Noa, tolomasi ŋiboorei ŋulu eyarete daadaŋ nateker a ŋiareerei. Toloma ŋinibore daadaŋ nataker, a ŋolokabila ŋinikile ka ŋiniberu, ikwapei ecikitor Akuj Noa. Ani keloma Noa nataker togolok Ekapolon epuke.
Torubakis ŋakipi iwaakina nakwap ŋirwa ŋatomoniomwon, torubakis ŋakipi iyatasi, kikyaasi ataker kidiama nooi alokwap. Tolalata ŋakipi nooi, kiyatakin alokidiama ŋalup, kilemilem ataker alokidiama ŋakipi. Tolalata ŋakipi anakwap nooi akilo, torapuwasi tari ŋimoru ŋulu aoyak daadaŋ anakwap. Tolalata ŋakipi torapuwasi ŋimoru, todol alalau a ŋakipi ŋimitae ŋakanikaarei akisyakin anaitae a ŋimoru tari kidiama. Totwana ibore daadaŋ ŋini ayari anakwap: Ŋikyeny, ŋibaren, ŋityaŋ ŋulu ka ariet ka ibore daadaŋ ŋini epori ka elyat alokwap ta ŋituŋa daadaŋ; totwan anakwap ibore daadaŋ ŋini ieŋa alokumes. Tomunyar ibore daadaŋ ŋini ayari anakwap, akisyakin alotuŋa, alobaren, aloboorei a ŋulu elyato daadaŋ ka ŋikyeny. Noa bon abu kidoŋ ka ŋulu arukitotor iŋes anataker. Kirimamakin ŋakipi nakwap, todolo ŋirwa amiat ka ŋatomonikan.

ያዳምጡ Akisy. 7