<div class="version vid244 iso6393djr" data-vid="244" data-iso6393="djr">
   <div class="book bkACT">
      <div class="chapter chINTRO1" data-usfm="ACT.INTRO1">
         <div class="imt"><span class="content">Dhuwal nhe dhu &#331;athil &#331;urru&#331;uny nh&#228;ma</span></div><div class="ip"><span class="content">Lukthu &#331;unhi dhuwandja dh&#228;wu wukirri Dhiyapalatjku ga bukmakkun yol&#331;uw walala&#331; &#331;unhi walal gan m&#228;rr-&#331;amathin God-Wa&#331;arrwu. Ga wukirriny &#331;ayi &#331;unhi dhuwal dh&#228;wuny m&#228;rr &#331;ayi dhu dh&#228;wu gurrupan walala&#331; yuwalk yan balayi yol&#331;uw walala&#331;, nhaltjarr &#331;ayi &#331;unhi ma&#7739;&#331;'thurr ga nhaltjarr &#331;ayi marrtjin &#331;uthar.</span></div><div class="ip"><span class="content">Ga dhiyalnydja &#331;ayi ga dh&#228;wu &#331;urruyirr'yun &#331;unhiliyin &#331;unhi wanhal walal ganarrtham Mathuyuy ga M&#228;kthu ga Lukthu ga Djondhu. Ga lakaramany &#331;ayi ga dhiyalnydja djorra'&#331;ur &#331;unhi nhaltjarra walal marrtjin &#331;unhi Djuy'yunawuyyu mala dj&#228;ma, ga lakaram ga nhan&#331;un Dhuyu-Birrimbirrwun dj&#228;ma malany.</span></div><div class="ip"><span class="content">Ga &#331;urruyirr'yurrnydja walal gan &#331;unhi buku-manapanminany &#331;unhal Djurutjalam w&#228;&#331;a&#331;ur, ga &#331;unhiliyin walal marrtjin &#331;unhi &#7695;&#228;lthinany bala marrtjin &#331;unhi yol&#331;uny malany dha&#331;a&#331;dhinan. Ga be&#331;uryiny dhurrwara&#331;ur walalnydja &#331;unhi rom-dj&#228;gamirriynydja mala ga &#331;urru&#7695;awala&#331;uynydja gapmandhu mala walalany &#331;aya&#331;u-mi&#7695;ikumara, bala walalnydja gan &#331;unhi m&#228;rr-yuwalkthinyamirrnydja mala &#7739;atjuwarr'yurra be&#331;uryiny Djurutjalam&#331;urnydja w&#228;&#331;a&#331;ur wiripu&#331;ulila w&#228;&#331;alil mala&#331;ulil. Yurr b&#228;ydhi walal &#331;unhi nhakun &#7739;atjuwarr'yurrnydja, ga ba&#7695;ak yan walal gan &#331;unhi Manymaktja Dh&#228;wu lakara&#331;alyi yan &#7739;atjuwarr'mara&#331;al bukmakkal yan yol&#331;uwalnydja walala&#331;gal &#331;unhi nh&#228;lil walal gan marrtjin. Ga walalnydja &#331;unhi Djamaritandhuny b&#228;purruy ga Djan'tayilyuny yol&#331;u walal m&#228;rra&#331;ala gan dh&#228;wuny walalala&#331;gu&#331; bala gan m&#228;rr-yuwalkmirriyinan. Ga dhiyalnydja dhu&#7695;i&#331;urnydja djorra'&#331;ur ga lakaram &#331;anya Bolnhany &#331;unhawalnha &#331;unhi bu&#7753;bu-dharrwamirrilila w&#228;&#331;alil Rawumlila, ga &#331;unhayin &#331;ayi ga dh&#228;wuny lakaram Djesuwala&#331;uwuynydja yol&#331;uwalnydja walala&#331;gal.</span></div>
      </div>
   </div>
</div>

Djambarrpuyŋu New Testament © Bible Society Australia, 2008.

Dhuwal nhe dhu ŋathil ŋurruŋuny nhäma
Lukthu ŋunhi dhuwandja dhäwu wukirri Dhiyapalatjku ga bukmakkun yolŋuw walalaŋ ŋunhi walal gan märr-ŋamathin God-Waŋarrwu. Ga wukirriny ŋayi ŋunhi dhuwal dhäwuny märr ŋayi dhu dhäwu gurrupan walalaŋ yuwalk yan balayi yolŋuw walalaŋ, nhaltjarr ŋayi ŋunhi maḻŋ'thurr ga nhaltjarr ŋayi marrtjin ŋuthar.
Ga dhiyalnydja ŋayi ga dhäwu ŋurruyirr'yun ŋunhiliyin ŋunhi wanhal walal ganarrtham Mathuyuy ga Mäkthu ga Lukthu ga Djondhu. Ga lakaramany ŋayi ga dhiyalnydja djorra'ŋur ŋunhi nhaltjarra walal marrtjin ŋunhi Djuy'yunawuyyu mala djäma, ga lakaram ga nhanŋun Dhuyu-Birrimbirrwun djäma malany.
Ga ŋurruyirr'yurrnydja walal gan ŋunhi buku-manapanminany ŋunhal Djurutjalam wäŋaŋur, ga ŋunhiliyin walal marrtjin ŋunhi ḏälthinany bala marrtjin ŋunhi yolŋuny malany dhaŋaŋdhinan. Ga beŋuryiny dhurrwaraŋur walalnydja ŋunhi rom-djägamirriynydja mala ga ŋurruḏawalaŋuynydja gapmandhu mala walalany ŋayaŋu-miḏikumara, bala walalnydja gan ŋunhi märr-yuwalkthinyamirrnydja mala ḻatjuwarr'yurra beŋuryiny Djurutjalamŋurnydja wäŋaŋur wiripuŋulila wäŋalil malaŋulil. Yurr bäydhi walal ŋunhi nhakun ḻatjuwarr'yurrnydja, ga baḏak yan walal gan ŋunhi Manymaktja Dhäwu lakaraŋalyi yan ḻatjuwarr'maraŋal bukmakkal yan yolŋuwalnydja walalaŋgal ŋunhi nhälil walal gan marrtjin. Ga walalnydja ŋunhi Djamaritandhuny bäpurruy ga Djan'tayilyuny yolŋu walal märraŋala gan dhäwuny walalalaŋguŋ bala gan märr-yuwalkmirriyinan. Ga dhiyalnydja dhuḏiŋurnydja djorra'ŋur ga lakaram ŋanya Bolnhany ŋunhawalnha ŋunhi buṉbu-dharrwamirrilila wäŋalil Rawumlila, ga ŋunhayin ŋayi ga dhäwuny lakaram Djesuwalaŋuwuynydja yolŋuwalnydja walalaŋgal.

ያዳምጡ God-waŋarrwuŋ djämapuy mala Dhuwal nhe dhu ŋathil ŋurruŋuny nhäma