Western Cree Bible (Syllabics version) About Western Cree In reality, there is no such language as “Western Cree.” However, the western varieties of Cree, currently known as Plains Cree, Alberta Cree, Swampy Cree, and Woods Cree, have at times been lumped together under the term “Western Cree.” About This Translation A Bible was published in “Western Cree” in 1862 by the British and Foreign Bible Society. It had been translated by William Mason (a missionary ministering in Norway House) and particularly by his wife Sophia Thomas Mason (from Red River, whose mother was Cree), with substantial contributions by indigenous co-workers John Sinclair and the Reverend Henry Bird Steinhauer. This was the second Bible printed in a North American indigenous language. It was printed entirely in syllabics. This Bible was later revised by Archdeacon MacKay and Richard Faries. This Bible has remained in use in Cree communities up to the present day. It has been out of print for several years, and there are frequent requests for copies. The text has now been digitized, and corrections are being done to the typos that crept into the text. If you are interested in obtaining a printed copy of this Bible, please contact the Canadian Bible Society at http://www.biblescanada.com. Copyright Information The Holy Bible in Western Cree © 2018 Canadian Bible Society. The text of the Holy Bible in Western Cree that appears in this electronic format or website is for personal use only. Up to five hundred (500) verses of the Bible text in any form (written, visual, electronic or audio) may be quoted without permission. The quoted verses may not be more than 50% of a complete book of the Bible, or more than 25% of the total text of the work in which they are quoted. Prior written permission must be obtained for any other use of the text. Copyright acknowledgement must in all cases appear on the title or copyright page. For more information on copyright conditions or to apply, visit http://www.biblesociety.ca/copyright

Kanāci Kihci Masinahikan

This Bible text is a corrected edition of the 1908 Western Cree Bible; it is in the public domain.

ᒫᑲ ᓂᐢᑕᒼ ᐊᓂᒪ ᐁ ᑭᓯᑳᐠ, ᐁᐊᐧᑯ ᐁ ᐃᐢᐸᔨᐠ, ᐃᐧᐸᐨ ᐁ ᑫᑭᓭᐹᔭᔨᐠ, ᓇᐦᐃᓂᑐᐃᐧᑲᒥᑯᕽ ᑭ ᐯ ᐃᑐᐦᑌᐊᐧᐠ, ᐃᐧᑭᒪᑯᐅᐃᐧᓇ ᐁ ᐯᑖᒋᐠ ᐊᓂᐦᐃ ᑳ ᑭ ᑲᐧᔮᒋᑖᒋᐠ. ᐁᑯᓯ ᒫᑲ ᑭ ᒥᐢᑲᐁᐧᐊᐧᐠ ᐊᓯᓂᐊ ᐅᐦᐱᒣ ᐁ ᑭ ᐃᓯ ᑎᑎᐱᐁᐧᐱᓂᒥᐦᐟ ᓇᐦᐃᓂᑐᐃᐧᑲᒥᑯᕽ ᐅᐦᒋ. ᑭ ᐱᐦᑐᑫᐊᐧᐠ ᒫᑲ, ᐁᑯᓯ ᐁᑳ ᐁ ᑭ ᒥᐢᑲᐦᑭᐠ ᐃᐧᔭᐃᐧᔨᐤ ᑳ ᑎᐯᔨᐦᒋᑫᔨᐟ ᒋᓴᓴ. ᑭ ᐊᔨᑭᐣ ᒫᑲ, ᒣᑳᐧᐨ ᐁ ᐊᐧᐊᐧᓀᔨᑕᐦᑭᐠ, ᒋᐢᐟ, ᓂᓱ ᓈᐯᐊᐧ ᑭ ᐃᐧᒋᑳᐸᐃᐧᐢᑖᑲᐧᐠ ᐁ ᐋᐧᐱᐢᑭᓯᐅᔨᐟ; ᐁ ᓭᑭᓯᒋᐠ ᒫᑲ, ᒥᓇ ᐊᐢᑭᕽ ᐁ ᐃᓯ ᓇᒥᐢᑫᐧᐸᔨᐅᒋᐠ, ᑭ ᐃᑎᑲᐧᐠ, ᑖᓀᑭ ᐁᐧᐦᒋ ᓇᑐᓇᐋᐧᔦᐠ ᐯᒪᑎᓯᐟ ᒣᑳᐧᐨ ᐅ ᓂᐱᐊᐧ? ᓇᒪᐃᐧᔭ ᐅᑕ ᐊᔮᐤ, ᒫᑲ ᑭ ᐊᐧᓂᐢᑳᐤ; ᑲᓄᑭᐢᑭᓯᐠ ᑖᓂᓯ ᑳ ᑭ ᐃᑎᑯᔦᐠ ᒣᑳᐧᐨ ᑫᔮᐱᐨ ᑲᓬᐊᓬᐃᕽ ᐁ ᐊᔮᐟ, ᐁ ᐃᑌᐧᐟ, ᐃᑕᐢᑌᐤ ᐃᔨᓂᐃᐧᑯᓯᓵᐣ ᑭᑕ ᐸᑭᑎᓂᐦᐟ ᐅᒋᒋᐋᐧᕽ ᑳ ᒪᒑᑎᓯᒋᐠ ᐊᔨᓯᔨᓂᐊᐧᐠ, ᑭᑕ ᒋᐢᑕᐊᐢᑳᐧᑎᐟ ᒫᑲ, ᐁᑯᓯ ᓂᐢᑐ ᑭᓯᑳᔨᑭ ᒥᓇ ᑭᑕ ᐊᐧᓂᐢᑳᐟ. ᐁᑲᐧ ᑭ ᑭᐢᑭᓱᐸᔨᐊᐧᐠ ᐅᐟ ᐊᔭᒥᐃᐧᓂᔨᐊᐧ, ᐁᑯᓯ ᑭ ᑭᐁᐧᐊᐧᐠ ᓇᐦᐃᓂᑐᐃᐧᑲᒥᑯᕽ ᐅᐦᒋ, ᐁ ᑭ ᐃᐧᐦᑕᒪᐋᐧᒋᐠ ᑲᐦᑭᔭᐤ ᐅᐦᐃ ᐊᓂᐦᐃ ᒥᑖᑕᐟ ᐯᔭᑯᓵᑊ, ᐊᓯᒋ ᑲᐦᑭᔭᐤ ᑯᑕᑲ. ᐁᐊᐧᑯᓂᐠ ᒫᑲ ᒣᕒᐃ ᒪᐠᑕᓬᐃᐣ, ᒥᓇ ᒍᐋᓇ, ᐋᓯᒋ ᒣᕒᐃ ᐅᑳᐃᐧᔭ ᒉᒥᐢ; ᒥᓇ ᑯᑕᑲ ᐃᐢᑫᐧᐊᐧ ᑳ ᑭ ᐃᐧᒉᐃᐧᑯᒋᐠ ᐅᐦᐃ ᑳ ᑭ ᐃᐧᐦᑕᒪᐋᐧᒋᐠ ᑭᐢᑭᓄᐦᐊᒪᐋᐧᑲᓇ. ᒫᑲ ᐅᐟ ᐊᔭᒥᐃᐧᓂᐊᐧᐊᐧ ᑖᐱᐢᑯᐨ ᐱᑯᓇᑕ ᑭᐊᐧᓂᒧᐃᐧᐣ ᑭ ᐃᓯ ᑲᓇᐋᐧᐸᐦᑕᒥᔨᐊᐧ; ᒥᓇ ᓇᒪᐃᐧᔭ ᑭ ᑖᐯᐧᑖᑲᐧᐠ. ᐱᑕᕒ ᒫᑲ ᑭ ᐸᓯᑯ, ᒥᓇ ᐁ ᑭ ᐃᐢᐸᑖᐟ ᓇᐦᐃᓂᑐᐃᐧᑲᒥᑯᕽ; ᐁᑯᓯ ᐁ ᓇᐊᐧᑭᐟ ᒥᓇ ᐱᐦᒋ ᐁ ᑭ ᐃᑖᐱᐟ, ᑭ ᐋᐧᐸᐦᑕᒼ ᐊᐧᐱᐢᑫᑭᓇᐧ ᐁ ᐱᐢᑭᑕᐢᑌᔨᑭ; ᐁᑯᓯ ᑭ ᓯᐯᐧᑌᐤ ᐃᐧᑭᕽ ᐃᓯ, ᐁ ᒫᒪᐢᑳᑕᕽ ᐊᓂᒪ ᑳ ᐃᑭᓂᔨᐠ.
ᒫᑎᑲ ᒫᑲ, ᓂᓱ ᐃᐧᔭᐋᐧᐤ ᐅᐦᒋ ᑭ ᐊᑎ ᐃᑐᐦᑌᐊᐧᐠ ᑭᐢᑕᐱᐃᐧᓂᕽ ᐃᒣᐊᐢ ᑳ ᐃᓯᔨᐦᑳᑌᐠ ᓈᓂᑕᐤ ᑌᐸᑯᑊ ᒥᓇ ᐋᐱᑕᐤ ᑎᐸᐃᑲᐣ ᒉᕒᐅᓴᓬᐊᒥᕽ ᐅᐦᒋ. ᑭ ᑕᓯᑕᒪᑐᐊᐧᐠ ᒫᑲ ᑲᐦᑭᔭᐤ ᐅᐦᐃ ᑳ ᑭ ᐊᔨᑭᓂᔨᑭ, ᐁᑯᓯ ᑭ ᐃᐢᐸᔨᐤ ᒣᑳᐧᐨ ᐁ ᑕᓯᑕᒫᑐᒋᐠ ᒥᓇ ᐁ ᑲᑫᐧᒋᒥᑐᒋᐠ, ᐃᐧᔭ ᒋᓴᐢ ᑭᓯᐊᐧᐠ ᑭ ᐯ ᓇᑌᐤ, ᒥᓇ ᐁ ᑭ ᐊᑎ ᐃᐧᒉᐋᐧᐟ. ᒫᑲ ᐅᐢᑭᓯᑯᐋᐧᐊᐧ ᑭ ᒥᒋᒥᓂᑳᑌᔨᐊᐧ ᐁᑳ ᑭᑕ ᑭᐢᑫᔨᒫᒋᐠ:
ᐁᑯᓯ ᑭ ᐃᑎᑲᐧᐠ, ᑫᑯ ᐊᒋᒧᐃᐧᓇ ᐅᐦᐃ ᑳ ᐋᔨᒧᑕᒫᑐᔦᐠ, ᐁ ᐸᐱᒧᑌᔦᐠ? ᐁᑯᓯ ᑭ ᑭᐱᒋᑲᐸᐃᐧᐊᐧᐠ, ᐁᑳ ᐁ ᓇᐁᔨᑕᒥᓈᑯᓯᒋᐠ. ᐁᑯᓯ ᐯᔭᐠ, ᑲᓬᐃᐅᐹᐢ, ᐁ ᐃᓯᔨᐦᑳᓱᐟ, ᐁ ᓇᐢᑫᐧᐊᐧᓯᒫᐟ ᑭ ᐃᑌᐤ, ᑭᔭ ᒋ ᐱᑯ ᑳ ᐊᔮᔭᐣ ᒉᕒᐅᓴᓬᐊᒥᕽ ᐁᑳ ᐁ ᑭᐢᑫᔨᑕᒪᐣ ᐊᓂᐦᐃ ᐁᑯᑕ ᑳ ᐊᔨᑭᑭ ᒣᑳᐧᐨ ᐊᓄᐦᐨ? ᐁᑯᓯ ᑭ ᐃᑎᑲᐧᐠ. ᑫᑲᐧᐩ ᐊᓂᐦᐃ? ᐁᑯᓯ ᑭ ᐃᑌᐊᐧᐠ, ᐊᓂᒪ ᑳ ᐃᑖᒋᒥᐦᐟ ᒋᓴᐢ ᓈᓴᕒᐃᑎᕽ ᑳ ᐅᐦᒋᐟ, ᐁ ᑭ ᐅᑭᐢᑭᐁᐧᐦᐃᑫᐃᐧᐟ, ᒥᓇ ᒫᑲ ᐁ ᑭ ᓱᑳᑎᓯᐟ ᐃᑐᑕᒧᐃᐧᓂᕽ ᒥᓇ ᐱᑭᐢᑫᐧᐃᐧᓂᕽ ᐁ ᐃᓯ ᐋᐧᐸᒥᑯᐟ ᑭᓭᒪᓂᑐᐊᐧ ᒥᓇ ᑲᐦᑭᔭᐤ ᐊᔨᓯᔨᓂᐊᐧ: ᒥᓇ ᑖᓂᓯ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᐊᓯᒋ ᓄᔭᓱᐁᐧᐃᐧᑭᒫᒥᓈᓇᐠ ᑳ ᐃᓯ ᐸᑭᑎᓈᒋᐠ ᑭᑕ ᐃᑕᓱᐋᐧᑎᒥᐟ ᑭᑕ ᓂᐸᐃᒥᐟ, ᐁᑯᓯ ᐁ ᑭ ᒋᐢᑕᐦᐋᐢᑳᐧᑖᒋᐠ. ᒫᑲ ᓂ ᑭ ᐸᑯᓭᒧᑖᐣ ᐁᐊᐧᑲᐧᓇ ᑫ ᐱᒫᒋᐦᐋᐟ ᐃᐢᕒᐁᐃᓬᐊ. ᐁᑯᓯ ᐊᓄᐦᐨ ᐅᒪ ᑳ ᑭᓯᑳᐠ ᐁᑲᐧ ᓂᐢᑐ ᑭᓯᑳᐤ ᐊᐢᐱᐣ ᐅᒪ ᑳ ᐊᔨᑭᕽ. ᒥᓇ ᒫᑲ ᐋᑎᐦᐟ ᐃᐢᑫᐧᐊᐧᐠ, ᐊᓂᑭ ᐅᐦᒋ ᑳ ᐃᐧᒉᐃᐧᑯᔮᑯᐠ, ᓂ ᑭ ᒫᒪᐢᑳᑌᔨᑕᒥᐃᑯᓈᓇᐠ ᐃᐧᐸᐨ ᑳ ᑭ ᐃᑐᐦᑌᒋᐠ ᓇᐦᐃᓂᑐᐃᐧᑲᒥᑯᕽ; ᐃᐢᐱ ᒫᑲ ᐁᑳ ᐁ ᒥᐢᑲᒫᐧᒋᐠ ᐃᐧᔭᐃᐧᔨᐤ, ᑭ ᐯ ᐃᑐᐦᑌᐊᐧᐠ, ᐅ ᑭᓯᑯᐊᐧᐠ ᓂ ᑭ ᐋᐧᐸᒫᓈᓇᐠ ᐁ ᐃᑌᐧᒋᐠ, ᐁᑯᓯ ᐁᐊᐧᑲᐧᓂ ᐱᒫᑎᓯᐤ ᐁ ᐃᑌᐧᔨᐟ. ᐁᑯᓯ ᐊᑎᐦᐟ ᑳ ᐃᐧᒉᐃᐧᑯᔮᑯᐠ ᑭ ᐃᑐᐦᑌᐊᐧᐠ ᓇᐦᐃᓂᑐᐃᐧᑲᒥᑯᕽ, ᐁᑯᓯ ᐁ ᑭ ᐃᓯ ᒥᐢᑲᐦᑭᐠ ᒣᐧᐦᒋ ᐊᓂᒪ ᐃᐢᑫᐧᐊᐧ ᑳ ᑭ ᐃᑌᐧᔨᐟ: ᒫᑲ ᐃᐧᔭ ᓇᒪᐃᐧᔭ ᐅᐦᒋ ᐋᐧᐸᒣᐊᐧᐠ,
ᐁᑯᓯ ᒫᑲ ᑭ ᐃᑌᐤ, ᐅ ᑲᑫᐹᒋ ᐊᔨᓯᔨᓂᐊᐧᐠ, ᑳ ᐹᐧᐢᑕᐃᑌᐁᔦᐠ ᑭᑕ ᑖᐯᐧᑕᒣᐠ ᑲᐦᑭᔭᐤ ᐊᓂᒪ ᐅᑭᐢᑭᐁᐧᐦᐃᑫᐊᐧᐠ ᑳ ᑭ ᐱᑭᐢᑳᐧᑕᑭᐠ? ᓇᒪ ᒋ ᑭ ᐃᑕᐢᑌᔨᐤ ᙭ ᐅᒪ ᑭᑕ ᐃᓯ ᑲᑲᐧᑕᑭᑖᐟ, ᐁᑯᓯ ᒫᑲ ᐅ ᑭᐢᑌᔨᑖᑯᓯᐃᐧᓂᕽ ᑭᑕ ᐃᓯ ᐱᐦᑐᑫᐟ? ᐁᑯᓯ ᒧᓯᐢ ᐅᐦᒋ ᒥᓇ ᑲᐦᑭᔭᐤ ᐅᑭᐢᑭᐁᐧᐦᐃᑫᐊᐧ, ᑭ ᐃᐧᐦᑕᒪᐁᐧᐤ ᑲᐦᑭᔭᐤ ᑭᐦᒋ ᒪᓯᓇᐦᐃᑫᐃᐧᓂᕽ, ᐊᓂᒪ ᑳ ᐃᓯ ᐋᒋᒥᐦᐟ ᐁᑯᑕ. ᑭᓯᐊᐧᐠ ᒫᑲ ᑭ ᐊᑎ ᐅᑎᑕᒪᐧᐠ ᑭᐢᑕᐱᐃᐧᐣ, ᐃᑕ ᐁ ᐃᑐᐦᑌᒋᐠ: ᐃᐧᔭ ᒫᑲ ᑖᐱᐢᑯᐨ ᐁ ᐃᐧ ᐊᑎ ᑳᓯᐢᐳᑌᐟ. ᒫᑲ ᑭ ᑭᐦᒋᒣᐊᐧᐠ, ᐁ ᐃᑌᐧᒋᐠ, ᐃᐧᒋ ᑲᐯᓯᒥᓇᐣ, ᐅᓴᒼ ᐋᓴᐩ ᐊᑎ ᐅᑖᑯᓯᐣ, ᒥᓇ ᑕᐸᒋᑭᓯᑳᐤ. ᐁᑯᓯ ᑭ ᐱᑐᑲᐁᐧᐤ ᐁ ᐃᐧᒋ ᑲᐯᓯᒫᐟ.
ᐁᑯᓯ ᑭ ᐊᔨᑭᐣ, ᐃᐢᐱ ᑳ ᐃᐧᒋ ᓇᐦᐊᐱᒪᐟ ᑭᑕ ᒥᒋᓱᒋᐠ, ᑭ ᐅᑎᓀᐤ ᐸᑫᐧᓯᑲᓇ, ᑳ ᒥᔭᐧᑭᒫᐟ ᒫᑲ ᑭ ᐸᑫᐧᓀᐤ, ᐁᑯᓯ ᐁ ᑭ ᒥᔮᐟ. ᐅᐢᑭᓯᑯᐊᐧᐊᐧ ᒫᑲ ᑭ ᔪᑌᓇᒫᐧᐣ, ᐁᑯᓯ ᐁ ᑭ ᓂᓯᑕᐃᐧᓇᐊᐧᒋᐠ; ᒫᑲ ᒣᐧᐢᑕᑕᐋᐧᐸᒣᐊᐧᐠ ᐁᑳ ᐁ ᓄᑯᓯᔨᐟ. ᐁᑯᓯ ᒫᑲ ᑭ ᐃᑎᑐᐊᐧᐠ, ᓇᒪ ᒋ ᑖᐱᐢᑯᐨ ᐁ ᑭᓯᑌᐠ ᑭ ᑭ ᐃᓯ ᒧᓯᑖᓈᓇᐤ ᑭ ᑌᐃᓇᐤ, ᒣᑳᐧᐨ ᐁ ᑲᑭᑐᑎᑯᔭᕽ ᒣᐢᑲᓇᕽ, ᒣᑳᐧᐨ ᐁ ᓂᓯᑐᐦᑕᒧᐃᑯᔭᕽ ᑭᐦᒋ ᒪᓯᓇᐦᐃᑫᐃᐧᓇ?
ᑭ ᐸᓯᑯᐊᐧᐠ, ᒫᑲ ᐁᐊᐧᑲᐧᓂᒪ ᑎᐸᐃᑲᐣ, ᐁ ᑭ ᑭᐁᐧᒋᐠ ᒉᕒᐅᓴᓬᐊᒥᕽ ᐃᓯ, ᐁ ᑭ ᒥᐢᑲᐊᐧᒋᐠ ᒫᑲ ᐊᓂᐦᐃ ᒥᑖᑕᐟ ᐯᔭᑯᓴᑊ ᐁ ᒫᐊᐧᒋᐃᑐᔨᐟ, ᐊᓯᒋ ᐊᓂᐦᐃ ᑳ ᑭ ᐃᐧᒉᑯᒋᐠ, ᐁ ᐃᑌᐧᔨᐟ, ᑳ ᑎᐯᔨᐦᒋᑫᐟ ᑖᐯᐧ ᑭ ᐊᐧᓂᐢᑳᐤ, ᒥᓇ ᑭ ᓄᑯᐦᐃᓱᐢᑕᐁᐧᐤ ᓴᐃᒪᓇ. ᑭ ᐋᑐᑕᒪᐧᐠ ᒫᑲ ᑳ ᑭ ᐃᑭᓂᔨᐠ ᐊᓂᑕ ᒣᐢᑲᓇᕽ, ᒥᓇ ᑖᓂᓯ ᐁ ᑭ ᐃᓯ ᓂᓯᑕᐁᐧᔨᒫᒋᐠ ᐁ ᐸᑫᐧᓇᔨᐟ ᐸᑫᐧᓯᑲᓇ.
ᐁᑯᓯ ᒣᑳᐧᐨ ᐅᒪ ᐁ ᐃᓯ ᐱᑭᐢᑫᐧᒋᐠ, ᐃᐧᔭ ᐁᑯᑕ ᑖᐋᐧᔨᕽ ᑭ ᓂᐸᐃᐧᐤ, ᒥᓇ ᑭ ᐃᑎᑲᐧᐠ, ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐊᔮᓈᐋᐧᐤ. ᒫᑲ ᑭ ᑯᐢᑕᒋᐊᐧᐠ ᒥᓇ ᑭ ᓭᑭᓯᐊᐧᐠ, ᒥᓇ ᐊᐦᒑᕽ ᓂ ᐋᐧᐸᒫᓈᐣ ᑭ ᐃᑌᔨᑕᒪᐧᐠ. ᐁᑯᓯ ᑭ ᐃᑌᐤ, ᑖᓀᑭ ᑳ ᒥᑯᐢᑲᑌᔨᑕᒣᐠ; ᒥᓇ ᑖᓀᑭ ᒫᒥᑐᓀᔨᑕᒧᐃᐧᓇ ᑳ ᐸᓯᑯᒪᑲᑭ ᑭ ᑌᐃᐊᐧᕽ? ᐋᐧᐸᐦᑕᒧᐠ ᓂᒋᐦᒋᔭ ᒥᓇ ᓂᓯᑕ, ᓂᔭ ᐁ ᐋᐃᐧᔮᐣ: ᓵᒥᓂᐠ, ᒥᓇ ᐋᐧᐸᒥᐠ: ᒋᑫᒫ ᐊᒑᕽ ᓇᒪᐃᐧᔭ ᐊᔮᐤ ᐃᐧᔭᐢ ᒥᓇ ᐅᐢᑲᓇ, ᑳ ᐃᓯ ᐋᐧᐸᒥᔦᐠ ᐁ ᐊᔮᔮᐣ. ᐁᑯᓯ ᐃᐢᐱ ᐅᒪ ᑳ ᐃᑌᐧᐟ, ᑭ ᐋᐧᐸᐦᑕᐁᐤ ᐅᒋᐦᒋᔭ ᒥᓇ ᐅᓯᑕ. ᒫᑲ ᑫᔮᐱᐨ ᐁᑳ ᐁ ᑖᐯᐧᑕᒥᔨᐟ ᒥᔭᐋᐧᑕᒧᐃᐧᐣ ᐅᐦᒋ, ᒥᓇ ᐁ ᒫᒪᐢᑳᑕᑭᐠ, ᑭ ᐃᑌᐤ, ᑭᐟ ᐊᔮᓈᐋᐧᐤ ᒋ ᐅᑕ ᑫᑲᐧᐩ ᑭᑕ ᒥᒋᕽ. ᐁᑯᓯ ᑭ ᒥᔦᐊᐧᐠ ᐸᐦᑭ ᐁ ᑭ ᓇᐊᐧᒋᐃᐧᐦᐟ ᑭᓄᓭᐊᐧ. ᑭ ᐅᑎᓀᐤ ᒫᑲ, ᐁ ᑭ ᒥᒋᓱᐟ ᐁ ᑲᓇᐋᐧᐸᒫᒋᐠ.
ᐁᑯᓯ ᑭ ᐃᑌᐤ, ᐁᐊᐧᑲᐧᓂ ᐅᐦᐃ ᓂᐟ ᐊᔭᒥᐃᐧᓇ ᑳ ᑭ ᑕᓯᑕᒫᑕᑯᐠ, ᒣᑳᐧᐨ ᑫᔮᐱᐨ ᐁ ᐃᐧᒉᐃᐧᑕᑯᐠ, ᐁ ᐃᑕᐢᑌᐠ ᑲᐦᑭᔭᐤ ᑫᑲᐧᔭ ᐱᑯ ᑭᑕ ᑎᐱᐸᔨᑭ, ᐊᓂᐦᐃ ᑳ ᑭ ᒪᓯᓇᐃᑳᑌᑭ ᐅᔭᓱᐁᐧᐃᐧᓂᕽ ᒧᓯᐢ, ᒥᓇ ᓂᑲᒧᐃᐧᓂᕽ, ᒥᓇ ᐅᑭᐢᑭᐁᐧᐦᐃᑫᐊᐧᐠ, ᑳ ᑭ ᐃᓯ ᒪᓯᓇᐦᐃᑫᒋᐠ ᓂᔭ ᐅᐦᒋ. ᐁᑯᓯ ᑭ ᐹᐢᑭᑌᓇᒣᐧᐤ ᐅ ᒥᑐᓀᔨᒋᑲᓂᔨᐤ, ᑭᑕ ᓂᓯᑐᐦᑕᒥᔨᐟ ᑭᐦᒋ ᒪᓯᓇᐦᐃᑫᐃᐧᓇ; ᑭ ᐃᑌᐤ ᒫᑲ, ᐁᑯᓯ ᐅᒪ ᐁᑕᓯᓇᐃᑳᑌᐠ, ᙭ ᑭᑕ ᑲᑲᐧᑕᑭᑕᐟ, ᒥᓇ ᑭᑕ ᐊᐧᓂᐢᑳᐟ ᓂᐱᐃᐧᓂᕽ ᐅᐦᒋ ᐁ ᓂᐢᑐ ᑭᓯᑳᔨᐠ, ᐁᑯᓯ ᑫᐧᐢᑳᑎᓯᐃᐧᐣ ᒥᓇ ᒪᒋᐃᑎᐃᐧᓇ ᐁ ᐳᓀᔨᒋᑲᑌᑭ ᐅ ᐃᐧᔪᐃᐧᓂᕽ ᑭᑕ ᐃᐧᐦᑕᒫᒋᐠ ᑳ ᑕᑐᐢᑳᓀᓯᒋᐠ ᐊᔨᓯᔨᓂᐊᐧᐠ, ᐁ ᒫᒋᐸᔨᐠ ᒉᕒᐅᓴᓬᐊᒥᕽ. ᑭᔭᐋᐧᐤ ᒫᑲ ᑭ ᑲ ᐋᑐᑌᓈᐋᐧᐤ ᐁᐊᐧᑯᓂ ᐅᐦᐃ.
ᐁᑯᓯ ᒫᑎᑲ, ᑭᐟ ᐃᓯᑎᓴᐊᒫᑎᓈᐋᐧᐤ ᐅᐟ ᐊᓱᑕᒫᑫᐃᐧᐣ ᓄᑖᐃᐧ; ᒫᑲ ᐯᐦᐅᐠ ᐅᑌᓈᕽ, ᒉᕒᐅᓴᓬᐊᒥᕽ ᐃᔨᑯᕽ ᑭᑕ ᒥᔨᑲᐃᐧᔦᐠ ᒪᐢᑲᐃᐧᓯᐃᐧᐣ ᐃᐢᐱᒥᕽ ᐅᐦᒋ.
ᑭ ᐊᐧᔭᐃᐧᑕᐁᐤ ᒫᑲ ᐱᔨᐢ ᑎᐱᐢᑯᐨ ᐯᐦᑕᓂ ᐁ ᐊᔮᒋᐠ; ᐁᑯᓯ ᐁ ᑭ ᐅᐱᓇᕽ ᐅᒋᐦᒋᔭ, ᑭ ᒥᔭᐧᑭᒣᐤ. ᑭ ᐊᔨᑭᐣ ᒫᑲ, ᒣᑳᐧᐨ ᐅᒪ ᐁ ᒥᔭᐧᑭᒪᐟ, ᑭ ᐸᐢᑫᐃᐧᐁᐤ, ᐁᑯᓯ ᑭᐦᒋ ᑭᓯᑯᕽ ᐁ ᑭ ᐃᑐᑕᐃᐦᐟ. ᑭ ᐅᒋᐦᒋᑲᐧᓇᐱᐢᑕᐁᐧᐊᐧᐠ ᒫᑲ, ᒥᓇ ᒉᕒᐅᓴᓬᐊᒥᕽ ᐁ ᑭ ᐃᓯ ᑭᐁᐧᒋᐠ ᐁ ᑭᐦᒋ ᒥᔭᐋᐧᑕᑭᐠ. ᑕᐦᑭᓀ ᒫᑲ ᑭᐦᒋ ᐊᔭᒥᐦᐁᐃᐧᑲᒥᑯᕽ ᐁ ᑭ ᐊᔮᒋᐠ ᐁ ᓇᓈᐢᑯᒫᒋᐠ ᑭᓭᒪᓂᑐᐊᐧ. ᐋᒣᐣ.

ያዳምጡ ᓭᐣᐟ ᓬᐅᐠ 24