تانیشلیق
بو کیتاپ عیسانینگ شَگیردی مَتّیٰ طارافیندان یازیلدی.‏ مَتّیٰ عیسی ساتاشمازیندان اُزال مالییات آلیانچیدی.‏ اِمّا عیسی مسیح بیلِن بُلان ساتاشیق اُنونگ ناظارینی دونیَه باباتدا هِمیشه‌لیک اویتگِدیَر.‏ عیسی اُنی اُز ایزینا دوشمَگه چاغیراندا، مَتّیٰ دِرِّو ایشینی گُیبِریپ، اُنونگ ایزینا دوشیَر.‏ مَتّیٰ عیسی نیرَه گیتسه، اُنونگ بیلِن بیله گیدیَر و سُنگرا اُنونگ اُن ایکی رِسولینینگ بیری بُلیار.‏
مَتّیٰ اُز کیتابیندا کُهنه عَهد یازغیلارینا ایز-ایزینا دِلیل گِتیریَر.‏ اُل کیتابینی عیسانینگ نِسیل شِجِره‌سینی بِیان اِتمِکدِن باشلایار.‏ شِیله اِتمِک بیلِن، اُل عیسانینگ بیلدیرمِزلیکدِن پِیدا بُلمان، شُندا کُهنه عَهددَکی واعدالارا گُرَه دُغلاندیغینی بِلِّیَر.‏ مَتّیٰ عیسانینگ مسیح دیگینی، اُنونگ پیغامبارلار اوستو بیلِن واعدا بِرلِن پادیشاهدیغینی آیان اِدیَر.‏ پیغامبارلار عیسی مسیحینگ داوود پیغامبارینگ نِسلیندِن دُغلوپ، خودایینگ پادیشاهلیغینی بِرقارار اِتجِک نِجات بِریَندیگینی مونگلِرچه ییل اُزال آیدیپ گِچیپدیرلِر.‏ مَتّیٰ اُزونینگ شاهات بُلان واقالارینی بِیان اِدیپ، عیسی مسیحینگ دُغرودان-دا خودایینگ اُغلودیغینی تاصدیقلایار.‏
مَتّیٰ خودایینگ پادیشاهلیغی بارادا خاص کَن یازیار.‏ اُل بو پادیشاهلیغینگ گوندُغاردا، یا گونباتاردا، یا هایسیدیر باشغا بیر یِرده دَل-ده، آداملارینگ اُزلِرینی عیسی تابشیریپ، اُنگا یِتیشِن یِرلِرینده قاییم بُلیاندیغینی اُقییانلارینا معلیم اِدیَر.‏ عیسی مسیحه ایمان گِتیریپ، اُنونگ تابشیریقلارینی بِرجای اِدیَن ایسلِندیک آدام دُغری دورموشدا یاشاپ، خودایینگ پادیشاهلیغینی میراث آلیار.‏
مَتّیٰ اُز کیتابیندا عیسانی اُستاد دییّپ آدلاندیریار، سِبَبی عیسی مُقادِّس یازغیلاری هِمّه ایختییارلیلیق بیلِن آیان اِدیپ و خودایینگ پادیشاهلیغینی شاهات حُکمونده بِیان اِدِردی.‏
ماضمونی
عیسی مسیحینگ نِسیل شِجِره‌سی و دُغلوشی ۱‏:۱‏–۲‏:۲۳
یحیی پیغامبارینگ خیدماتی ۳‏:۱‏-۱۲
عیسانینگ تَعمید بِریلمِگی و ایمتِحانلانماغی ۳‏:۱۳‏–۴‏:۱۱
عیسانینگ جلیل وِلایاتینداقی خیدماتی ۴‏:۱۲‏–۱۸‏:۳۵
جلیل‌دِن اورشلیمه چِنلی ۱۹‏:۱‏–۲۰‏:۳۴
اینگ آخیرقی هِفته و اورشلیم شَهرینه گیرمِگی ۲۱‏:۱‏–۲۷‏:۶۶
عیسانینگ اُلومی و دیرِلیشی ۲۸‏:۱‏-۲۰

ያዳምጡ مَتّیٰ ‮تانیشلیق‬